Photo: my.tianya.cn

ဖြစ်ရပုံများ

၁၉၉၇ ခုနှစ်လောက်က ထင်ပါတယ်။

ပုသိမ်မြို့ အနောက်တောင်တိုင်းစစ်ဌာနချုပ်မှာ ကျင်းပပြုလုပ်တဲ့ တော်လှန်ရေးနေ့ (တပ်မတော်နေ့) စစ်ရေးပြ အခမ်းအ နားကို ကျနော်တို့  ဟိုင်းကြီးကျွန်း ရေတပ်စခန်းဌာနချုပ် က အရာရှိ/စစ်သည်တွေ သွားရောက် အားဖြည့်ပေးခဲ့ရဖူးပါ တယ်။

အဲဒီမှာ ဒုတိယဗိုလ်မှူးကြီး တဦးက စစ်ရေးပြ စစ်ကြောင်းမှူးလုပ်တယ်။ အဲဒီ ဒုဗိုလ်မှူးကြီးဟာ လူဟန်က ပိန်ပိန်ပါးပါး စစ်ရေးပြ အမိန့်ပေးသံ ကြည်လင်ပြတ်သားမှု ရှိသလို စစ်ဝတ်တန်ဆာ ဝတ်စားဆင်ယင်မှုကလည်း တကယ့်ကို စမတ် ကျကျ၊ သွားလာလှုပ်ရှားတဲ့နေရာမှာ ဖျတ်ဖျတ်လတ်လတ်၊ သူ့ကိုကြည့်ရတာ စစ်သား ကောင်းတဦးရဲ့ ကြန်အင် လက္ခ ဏာနဲ့ ပြည့်စုံတဲ့ပုံမျိုး။

တန်းစီတဲ့နေရာမှာ နောက်ကျရင် အရာရှိ/စစ်သည်မရွေး အပြစ်ပေးတတ်တယ်။ တကြိမ်မှာ အလံကိုင်တပ်ဖွဲ့က အရာရှိ တွေ တန်းစီကွင်းဝင် နောက်ကျတာကို လက်ထောက်မှောက်လုပ်ခိုင်းပြီး အပြစ်ပေးပါတယ်။

ပြီးတော့ ရဲဘော်တွေရှေ့မှာပဲ အဲဒီအရာရှိအဖွဲ့ကို သတိပေးစကားပြောတယ်။ “မင်းတို့လည်း စစ်သား၊ ရဲဘော်တွေလည်း စစ်သား၊ ကိုယ်ချင်းစာတရား ထားပါ.. နေရာတကာ သက်တောင့်သက်သာ မနေချင်နဲ့.. အထူးသဖြင့် မင်းတို့မှတ်ထား ကြ.. အရာရှိဆိုတာ ပါးပိန်ရမယ်.. ဗိုက်ချပ်ရမယ်”…တဲ့။ သူ့ခန္ဓာကိုယ် အချိုးအစားနဲ့ ခိုင်းနှိုင်းပြောဆိုနေသလားတော့ မသိ။

သူနဲ့အတူ တာဝန်မထမ်းဆောင်ဖူးလေတော့ သူ့အကြောင်း ကျနော်တို့သေချာ မသိပါ။ ကျနော်တို့ရှေ့မှာ အဆူခံထိတဲ့ အရာရှိငယ်တွေကတော့ သူ့ကွယ်ရာမှာ သူ့ကို ဂျိုကြည့်ကြည့်ပြီး မြည်တွန်တောက်တီးတာ တွေ့ရပါတယ်။

အဲဒီနောက်ပိုင်းမှာ အစားရှောင်၊ လေ့ကျင့်ခန်းလုပ်ပြီး ဝိတ်လျှော့ဖို့ကြိုးစားနေတဲ့ အရာရှိတွေကို မြင်တိုင်း “အရာရှိဆိုတာ ပါးပိန်ရမယ်.. ဗိုက်ချပ်ရမယ်” စကားသံကို ကျနော် ကြားယောင်မိ စမြဲ။

လူတယောက် ဝင်ငွေလေးအဆင်ပြေလို့ အရင်ကထက်ပိုပြီး ဝဝဖြိုးဖြိုး ဖြစ်လာတာတွေ့ရရင် “လှလို့ဝလို့ပါလား” ဆိုပြီး ခပ်မြှောက်မြှောက်လေး ပြောတာတွေရှိသလို  “အဆီရစ်နေပြီ” လို့ ခပ်နှိမ်နှိမ် ပြောတာလည်း ကြုံရတတ်ပါတယ်။ ခန္ဓာ ကိုယ် ဝဖြိုးစိုပြေခြင်းဟာ လုပ်ငန်းဌာနအဆင်ပြေ ကောင်းမွန်ခြင်း “အမှတ်လက္ခဏာ” ကို ဆောင်သလိုလို။

အများစုအနေအထားကလည်း အဲဒီလိုဖြစ်နေတာကိုး။ ဒါပေမဲ့ ဝင်ငွေတွေ ဘယ်လောက်ကောင်းကောင်း ရာထူး အရှိန်အ ဝါ ဘယ်လောက်တိုးတိုး “ရေမြင့်ကြာမြင့်” လိုက်ဘက်ညီ တိုးတက်ဖို့ ခဲယဉ်းတာက “လူ့ဂုဏ်သိက္ခာ” တရား..။

လူတယောက်အတွက် ခန္ဓာကိုယ် ပိန်ခြင်း၊ ဝခြင်းထက် ဂုဏ်သိက္ခာ အရောင်လက်ခြင်း၊မွဲခြင်းက ပိုအရေးမကြီးပါလား။

……………………………………

……………………………………………

တလောက သစ်ထူးလွင် ဝက်ဆိုဒ်မှာ တင်ထားတဲ့ ဆောင်းပါးတပုဒ်ကို မိတ်ဆွေတဦး ရှယ်ပေးလို့ ဖတ်လိုက်ရပါတယ်။ ကာကွယ်ရေးဦးစီးချုပ် (ရေ) မိသားစုရဲ့ မတော်မတရား လုပ်မှုတွေအကြောင်း ဖွင့်ချထားတဲ့ စာပါ။ ဆောင်းပါးကို ဖတ်ပြီး ချိန်မှာ ကျနော့်စိတ်ထဲ ယုံ၏ မယုံ၏ သံသယတဝက်နဲ့ပါ။ ဘာဖြစ်လို့လည်း ဆိုတော့ ကျနော်သိထားတဲ့ ဗိုလ်မှူးကြီး ဉာဏ်ထွန်းက ဒီဆောင်းပါးထဲမှာ ရေးထားတဲ့အတိုင်း ကိုယ်ကျိုးကြည့် မောက်မာမယ့်လူ မဟုတ်ဘူးလို့ မှတ်ယူထားမိလို့ ပါ။

ဒါနဲ့ လူကြီးအသိုင်းအဝိုင်းမှာ အတော်အတန်ဝင်ဆံ့တဲ့ မိတ်ဆွေကြီးတချို့ကို ထပ်မံ စုံစမ်းကြည့်တော့မှ ဟုတ်မှန်ကြောင်း အတည်ပြုချက်ကို ရပါတော့တယ်။ ဗိုလ်ချုပ်ဥာဏ်ထွန်းရဲ့ သားတယောက်ဟာ အတော့်ကို နာမည်ဆိုးထွက်နေတယ်လို့ လည်း သိရပါတယ်။ ပြီးတော့ လူကြီးတွေ နာမည်ပျက်ရတဲ့ အကြောင်းရင်းထဲမှာ မိသားစုဝင်တွေရဲ့ လောဘရမက် ငန်း ငန်းတက်မှုက အရေးပါတယ်လို့ နောက်ဆက်တွဲ မှတ်ချက်ပေးပါတယ်။

ခုနောက်ပိုင်း တပ်မတော်ထဲမှာ ပြောနေကျ စကားတခု။ “ငါ့သားများ စစ်ထဲဝင်ရင်လေ သူ့ကို ပြောလိုက်ပါ.. ပုဒ်မ(၈၇၀) ကို နောကျေအောင် အရင်လေ့လာထား” တဲ့။

ပုဒ်မ (၈၇၀) ဆိုတာ ဂရဝ (ဂါရဝ တရား) ကို ဆိုလိုတာပါ။ ၃၈ ဖြာမင်္ဂလာ တရားတော်ထဲက “ဂါရဝေါစ.. နိဝါတောစ” လာ ရိုသေလေးစားထိုက်သူကို “ဂါရဝ” ထား ဆက်ဆံတာက မင်္ဂလာတရားနဲ့ ညီပါတယ်။ သိက္ခာရှိတဲ့ လူကြီးတွေဟာ “ဂါရဝ တရား” ကို သတိထား လက်ခံလေ့ရှိပါတယ်။

ဒါပေမဲ့ အပြန်အလှန် မမှန်ကန်တဲ့ အကျိုးစီးပွားတွေဖြစ်ထွန်းဖို့ “ဂါရဝ တရား” နဲ့ တံတားထိုးကြသူတွေ အဖို့တော့ ရလေ လိုလေ အိုတစ္ဆေ ဖြစ်လာကြကုန်ရော… တချို့လည်း အစကတော့ ရိုးရိုးလေး နောက်မှ အရူးအမဲသား ကျွေးမိသလို ဖြစ် သွားတာ…။

“ဂါရဝ တရား” ဆိုတဲ့ နေရာမှာလည်း လေဒီတွေ တန်ခိုးထွားတဲ့ ခေတ်မို့ “လေဒီဂါဂါ” ရဲ့ အခန်းကဏ္ဍက အရေးပါလာ ပြန်တယ်။ လူတွေ ပြောပြောနေတဲ့ Lady First (လေဒီကို ဂါဂါလုပ်တတ်မှ) ကိုယ်လိုချင်တဲ့ ရည်မှန်းချက်ပေါက်တာ များ တယ်မို့လား။

ဒီနေရာမှာ သင်္ဘောစီအို တယောက် ပြောခဲ့ဖူးတာကို အမှတ်ရမိလို့ပါ.. “စစ်တပ်ထဲမှာ လူကြီးအတော်များများ ဟာ ရာ ထူးကြီးလေ မိန်းမကြောက်လေပဲ” တဲ့။ (သူပြောဆိုသုံးနှုန်းခဲ့တဲ့ မူရင်းစကားက ပိုပြီး နင့်သီးပါတယ်) ရဗစမှူး တဦးနဲ့ ပတ်သက်ပြီး ပြောခဲ့တာပါ။

ရုံးပိတ်ရက် တရက်မှာ ဗျူဟာစစ်ရေယာဉ်စုမှူး မိသားစု နေအိမ်ပြောင်းပါတယ်။ အဲဒီအချိန်မှာ ခုနစီအိုရဲ့ သင်္ဘော ရပစ (တန်-၄၀၀) လွန်းကျင်းမှာ ဒေါက်တင်ပြင်ဆင်နေချိန်ဆိုတော့ သူ့သင်္ဘောမှာရှိတဲ့ စစ်သည် (၁၀) ဦးကို အရံသင့်ပဲ လုပ် အားပေးခေါ်သွားတယ်။ အိမ်ထောင်ပစ္စည်း ပရိဘောဂတွေကို တပ်က FAW ကားကြီးနဲ့ ခေါက်ကယ်ပြန်ကယ် သယ် လိုက်တာ.. နေ့လည် (၂) နာရီလောက်မှ ပြီးပါတယ်။

လုပ်အားပေးရာက ပြန်ရောက်လာတဲ့ စစ်သည်တွေ သင်္ဘောမှာချက်ထားတဲ့ ထမင်းအိုးကို အလုအယက် နှိုက်နေတာ တွေ့ရလို့  စီအိုက “မင်းတို့ ထမင်းမစားရသေးဘူးလား” မေးတော့ “စီအိုရယ်… ထမင်းကျွေး ဖို့နေနေသာသာ ဗျူဟာမှူး ကတော်က ရေတောင် ဝဝတိုက်ချင်တာမဟုတ်ဘူး” လို့ တပည့်တွေက ပြန်ဖြေ ကြတဲ့အခါ သူ့စိတ်ထဲမှာ မကောင်းနိုင်။ လူ ၁၀ ယောက်စာ ထမင်းစရိတ် သူ့အိပ်ထဲက ကျခံပြီး နီးစပ်ရာ ထမင်းဆိုင် ကို လွှတ်လိုက်ရတယ် တဲ့။ ဖြစ်ပုံ..ဖြစ်ပုံ..။

အဲဒီဗျူဟာမှူးရဲ့ စီအို…အဲ.. မိန်းမဟာ ဂွင်ဖန်တဲ့နေရာမှာ အတော်နာမည်ကြီးတယ်။ အောက်ဂွင်ဘက်ကို သင်္ဘောတစီး ထွက်တော့မယ်လို့ သတင်းထွက်ရင် သူ့အတွက် လာဘ်ရွှင်ပြီပေါ့။ သင်္ဘောမှာ ခရီးတခေါက် တွဲဘက်ချင်သူတွေ ဗျူဟာ မှူး အိမ်ခြံစည်းရိုးနားမှာ ရစ်သီ ရစ်သီ လုပ်နေကြတယ်။ ဗျူဟာမှူးကို တွေ့ချင်လို့တော့ မဟုတ်။

ကျနော် ပင်လယ်ပြင်ခရီး စလိုက်တဲ့အခေါက်မှာ ခရီးမထွက်ခင် တညကြိုပြီး သင်္ဘောမှာ သွားအိပ်ရပါတယ်။ ညသန်း ခေါင်လောက် အချိန်ကျမှ ဆက်သွယ်ရေးတပ်သား အလုပ်များရတယ်။ ရေယာဉ်မှာ ပင်လယ်ပြင်ခရီး တခေါက်တွဲဘက် မယ့် စစ်သည်စာရင်းကို ဗျူဟာရုံးက အဆက်မပြတ်ပို့ပေးနေတာ။ ဗျူဟာမှူးရဲ့ နှုတ်မိန့်။ မနက်ဖြန် မနက်မှ တရားဝင် ကြေးနန်း ပို့မယ်တဲ့။

နောက်နေ့မနက် သင်္ဘောထွက်ခါနီးကျမှ ညက စာရင်းပေးထားတဲ့ စစ်သည်တွေ သမ္ဘာန်လေးတွေကိုယ်စီနဲ့ ရောက်လာ ကြတယ်။ သင်္ဘောထွက်ပြီး မကြာပါဘူး… သူတို့ထဲက တယောက် ညည်းတွားသံထွက်လာတယ်။ “လခွီးတဲ့မှ..တညလုံး မအိပ်ရသေးဘူး..ခုမှ အိပ်ချင်လာပြီ”

“ဘာတွေလုပ်နေလို့လဲ..”

“ညက ဗျူဟာမှူးအိမ်သွားတာလေ.. အဖွားကြီး အပြင်သွားနေလို့ ခြံရှေ့လမ်းပေါ်မှာ ထိုင်စောင့်နေရတယ်.. သန်းခေါင် လောက်မှ အဖွားကြီးပြန်ရောက်လာလို့  သူတို့အိမ် အကူရဲဘော်ကတဆင့် တွေ့ခွင့်တောင်းရတာ။ ကိစ္စဝိစ္စ ပြောဆိုပြီး အိမ်ပြန်ရောက်တော့ အဝတ်အစားထည့် လိုအပ်တာစီစဉ်နဲ့ မိုးလင်းသွားရော…”

သူတို့တတွေ “လေဒီ ဂါဂါ” လုပ်ခဲ့ရတဲ့ ပမာဏက ငွေသား ပုံးလိုက်။ ပင်လယ်ပြင်မှာ ရေယာဉ် စစ်ဆင်ရေးရလဒ် ဘဲဥ မ ကွဲမချင်း ဒီကောင်တွေ သက်ပြင်း တချချနဲ့။ အောက်ခြေအဆင့် သင်္ဘောတခေါက်လိုက်ရဖို့ အရေးမှာတောင် ဒီလောက် ဖြစ်နေတာ… အထက်ပိုင်း ဌာနအပြောင်းအရွှေ့တွေ ဆိုရင်…….

………………………………

………………………………………….

ဟိုင်းကြီးကျွန်းမှာ ကျွန်တော်တာဝန်ကျတုန်းကလည်း အုပ်ချုပ်ရေးတပ်မှူးရဲ့ ကတော်ဟာ ဟိုင်းကြီးရွာထဲကို ရောက်ရင် ဈေးထဲကဆိုင်တွေမှာ သူလိုချင်တဲ့ ပစ္စည်းကို လက်ညှိုးထိုးယူသွားတာပဲ.. သူ့နောက်မှာ ရေကင်း လုံခြုံရေးတာဝန်ခံက တကောက်ကောက်လိုက်ပြီး သူယူသွားသမျှ ဒိုင်ခံငွေရှင်းပေးရတယ်။ အဝတ်အစားနဲ့ အသုံးအဆောင် ပစ္စည်းတွေသာ မက တခါတရံမှာ ရွှေတိုရွှေစလေးတွေပါ.. ယူသွားတတ်တာ။

ဘုရားပန်းကို နေ့စဉ် အသစ်လဲတယ် ဆိုပဲ။ (အမှန်တကယ် ဘာသာရေးကြည်ညိုတာ ဟုတ်မဟုတ် ပြောဖို့ ခက်ပေမယ့် အလကားရလို့ လုပ်နေတာတော့ သေချာတယ်) နောက်ဆုံးတော့ ရေကင်းလုံခြုံရေးက ဖြတ်သွားတဲ့ လှေမှန်သမျှ မလွတ်တမ်းတောင်း… အုပ်ချုပ်ရေးတပ်မှူးလည်း နာမည်ပျက်…။

ဒီတော့ ဝိဓူရ အမတ်ကြီးရဲ့ ဆုံးမစကား လေးခုထဲက တခုကို အထူးသတိပြု လိုက်နာစေချင်ပါတယ်။

သတင်းစီးဆင်းလည်ပတ်မှုတွေ တအားမြန်ဆန်နေတဲ့ အင်တာနက်ခေတ်မှာ မြန်မာပြည်ရဲ့ အပြောင်းအလဲတွေလည်း ဖြစ်နေချိန်ဆိုတော့ ရေမြင့်ကြာမြင့် ဂုဏ်သရေတင့်သူတွေသာ ပြည်သူတွေရဲ့ နှလုံးသားထဲမှာ နာမည်ကောင်း မှတ်တမ်း တင်ကျန်ရစ် ပါလိမ့်မယ်။

နေမင်းသူ

၁၇-၅-၂၀၁၂

“ဓမ္မာစရိယ သရုပ်ခွဲ”

ဓမ္မာစရိယအောင်ပြီးသူများတွင် မိခင်စာသင်တိုက်သို့ စာပြန်ချသူများလည်း ရှိလေသည်။ ဥပမာ= ကျောက်ဆည်မြို့မှ အကြီးတန်းအောင်ပြီး မန္တလေးသို့ ဓမ္မာစရိယတန်း လာတက်သည့် စာသင်သားများသည် ဓမ္မာစရိယဘွဲ့ ရသည့်အခါ မိခင်စာသင်တိုက်ဖြစ်သည့် ကျောက်ဆည်မြို့သို့ ပြန်လည်စာချကြခြင်းမျိုး ဖြစ်လေသည်။
ရိပ်သာကြွ၍ တရားစခန်းဝင်ပြီး တရားဟောဆရာ၊ တရားပြဆရာအဖြစ် ပဋိပတ်သာသနာပြုသူများလည်း ရှိလေသည်။ ဥပမာ= မဟာစည်ရိပ်သာကြီးသို့ ကြွရောက်တရားထိုင်သည်၊ ဉာဏ်စဉ်နာသည်၊ အဖွဲ့ကရွေးချယ်သည်၊ တရားဝင်ရင်း တစ်ဝါဆိုရသည်။ ပရိသတ်ရှ့မှာ အစမ်းတရားဟောပြီး ရွယ်ချယ်ခံရသည်။ ထို့နောက် ဆိုင်ရာရိပ်သာကြွ၍ ဝန်ဆောင် ဆရာတော် အဖြစ်လည်းကောင်း၊ နယ်လှည့်ဓမ္မကထိက အဖြစ်လည်းကောင်း၊ ရိပ်သာကြီးမှာပင် အမြဲနေအဆောင်မှူး အဖြစ်လည်ကောင်း ဆောင်ရွက်သာသနာပြုခြင်းမျိုး ဖြစ်၏။

ကျောင်းထိုင်သူများလည်း ရှိလေ၏။ ဓမ္မာစရိယ အောင်ပြီးသည့်အခါ အသက်အရွယ်အားဖြင့် ကျောင်းထိုင်ချိန်လည်း ရောက်ရှိနေ၊ ကျောင်းထိုင်လိုစိတ်လည်း ပေါ်ပေါက်နေ၊ ကျောင်းထိုင်ပင့်မည့်သူများလည်း အရန်သင့်ရှိနေ၍ ကျောင်းထိုင် သာသနာ ပြုများဖြစ်လေသည်။

အချို့မှာ အသက်အရွယ် ငယ်ရွယ်သေး၍ ဓမ္မာစရိယဘွဲ့မျှဖြင့် အားမရသေးဘဲ အဆင့်မြင့် စားမေးပွဲများ တိပိဋကဓရ စာ မေးပွဲများသို့ ဝင်ရောက်ဖြေဆိုကြလေသည်။ ဆဋ္ဌမမြောက် တိပိဋကဓရ ရေစကြိုဆရာတော် ဦးဝါယာမိန္ဒ မှစ၍ နောက် ပေါ် တိပိဋကများသည် ဓမ္မာစရိယအောင်ပြီး တိပိဋကဝင်ဖြေခဲ့ကြသည့် ဆရာတော်များ ဖြစ်၏။

အချို့မှာ လောကီလောကုတ္တရာ စွယ်စုံရ နှစ်ဖက်လှ၊ နှစ်ဖက်မြင် ပညာရှင်များအဖြစ် ရပ်တည်သာသနာပြုလို၍ BA-MA စသော ဘွဲ့ဒီဂရီများ ရရှိဖို့ ပြည်တွင်းပြည်ပရှိ တက္ကသိုလ်အသီးသီးသို့ ဝင်ရောက်ဖြေဆိုကြလေသည်။ ရန်ကုန်တိုင်း သင်္ကန်းကျွန်းမြို့နယ်၊ ငါးကျမ်းပြန် မဟာစည်ရိပ်သာမှ နိုင်ငံခြားသာသနာပြု ဆရာတော်ဦးဓမ္မပိယ(Ph.D)စသည့် ဆရာ တော်များသည် လောကမျက်လုံး၊ ဓမ္မမျက်လုံး ပိုင်ရှင်များအဖြစ် နှစ်ဖက်မြင်၊ နှစ်ဖက်လှ သာသနာပြုနေကြသူများ ဖြစ် လေသည်။

ကျန်ပုဂ္ဂိုလ်များမှာ မိခင်စာသင်တိုက်သို့လည်း ပြန်စရာမရှိ၊ စာသင်တိုက်ကြီးများမှာလည်း စာချဆရာပြည့်စုံနေ၍ နေရာ မရ၊ အရာမရောက် တိပိဋကလည်းဆက်မလုပ်ချင်၊ ရိပ်သာလည်းမကြွချင်၊ ကျောင်းလည်းမထိုင်ချင်၊ ထိုင်ချင်သော်လည်း ကျောင်းမရှိ၍ ဝေလေလေ၊ ဝါးတားတား အလုပ်လက်မဲ့များ ဖြစ်နေကြလေသည်။ ကွန်ပျူတာသင်တန်း တက်သော် လည်း မတတ်မြောက်၊ အင်္ဂလိပ် သင်တန်းတက်သော်လည်း မတတ်တခေါက်နှင့်သာ ဟိုမရောက်ဒီမရောက် ဖြစ်နေကြ လေသည်။ ထိုသို့ ဟိုမရောက်ဒီမရောက် ဓမ္မာစရိယဘွဲ့ရ ရဟန်းတော်များသည် (၆၀) ရာခိုင်းနှုန်းခန့် ရှိလေသည်။

၎င်းတို့သည် အင်္ဂလိပ်စာလည်း ဖြစ်မြောက်အောင် မသင်ကြ၊ ကွန်ပျူတာသင်တန်းတက်သော်လည်း လေ့ကျင့်ခွင့်မရ၍ ဗဟုဿုတလောက်သာ အတွေ့အကြုံယူကြလေသည်။ မြန်မာပြည်၌ နှစ်စဉ်ဓမ္မာစရိယ ပုဂ္ဂိုလ်များ ရာချီထောင်ချီ တိုး ပွားနေရာ၊ ထိုဓမ္မာစရိယများအတွက် အနီးကပ်လမ်းညွှန်မည့် သာသနာပြုသင်တန်းများ ပေါ်ပေါက်သင့်ပေပြီ။ ဓမ္မာစရိယ များ အလုပ်လက်မဲ့ဘဝဖြင့် ပျက်စီးကြ၊ လူဝတ်လဲသွားကြနှင့် သာသနာတော်၌ အင်းအားများစွာ ဆုံးရှုံးနစ်နာ ရလေ သည်။ ကျောင်းထိုင်သင့်သည့် အရွယ်ရောက် ရဟန်းတော်များမှာလည်း ကျောင်းမထိုင်ဘဲ မြို့မှာပင် သောင်တင်နေကြ လေသည်။

ထိုသူတို့သည် ၎င်းတို့ရရှိထားသည့် ဓမ္မာစရိယ ဘွဲ့တံဆိပ်တော်ကို ဆွမ်းစားလက်မှတ်အဖြစ်၊ အလှူခံလက် မှတ်အဖြစ်၊ အငြိမ်းစားလက်မှတ်အဖြစ်၊ (အခွင့်ထူးခံဘွဲ့တံဆိပ်) အခွင့်ထူးခံလူတန်းစား လက်မှတ်အဖြစ် မှတ်ထင်နေကြ လေသည်။ ၎င်းတို့သည် ကျေးရွာသားများဖြစ်ရာ ကျေးရွာရှိဒကာ/ဒကာမများက အထင်ကြီးကြ၊ လေးစားကြ၊ ကြည်ညို ကြလေသည်။ မြို့ပေါ်အခြေချနေထိုင်သည့် စီးပွားရေးသမား၊ ကျေးရွာသားများကလည်း ဒေသသံယောဇဉ်ဖြင့် ကိုးကွယ် ဆည်းကပ်ကြလေသည်။ ထို့ကြောင့် ဓမ္မာစရိယ ဘွဲ့တံဆိပ်သည် သာသနာအတွက် အကျိုးမများသော်လည်း သူတို့အ တွက် အကျိုးများလေသည်။

“အရံလူများ”

အချို့မှာ ကျောင်းထိုင်သင့်ပါလျက် ကျောင်းမထိုင်ဘဲ ချေးများနေကြ၊ ကျောင်းရွေးနေကြလေသည်။ အသင်းငယ်လေး များမှာ ခြေစွမ်းပြရင်း ရပ်ရွာဂုဏ်ဆောင်ထိုက်ပါလျက် အသင်းကြီးများ၏ အရံထိုင်ခုံမှာ ကိုယ့်အင်အားကို ကိုယ်အလဟ ဿ ဖြုန်းတီးနေကြလေသည်။ အရံထိုင်ခုံမှာ ထိုင်ခြင်းဖြင့် ကိုယ့်အစွမ်းအစလည်း ပြခွင့်မရ၊ နိုင်ငံ့ဂုဏ်လည်း မဆောင် နိုင်ဘဲ ကိုယ့်အင်အားများ ဆုံးရှုံးပြီး ကိုယ့်အရည်အချင်းများ အရောင်မတောက်တော့ပေ။ ထိုသူတို့သည် (၉၈) ကမ္ဘာ့ ဖလား၌ ဘရားဇီးအသင်းမှဈေးအကြီးဆုံး အရံလူ ဒီနယ်လ်ဆင်လို ပုဂ္ဂိုလ်များ ဖြစ်ကြလေသည်။ အရံထိုင်ခုံမှာပင် ဘ၀ သေနေကြသူများသာတည်း။ ရိုနယ်ဒိုလို၊ ရိုနယ်ဒင်ဟိုလို၊ ဇီဒန်းလို အသင်းကြီးများ၌ ခြေစွမ်းပြခွင့်ရလျှင်ကား အလွန့် အ လွန် ကောင်းမြတ်ပါပေ၏။

“ရာဇပလ္လင်ဖင်ကပ်ပါလာသူ”

အချို့ဓမ္မာစရိယများမှာ ကျောင်းထိုင်ပင့်သူ ရှိပါလျက် ကျောင်းရွေးနေကြပေသည်။ သူတို့စုံးစမ်းသည်မှာ “လျှပ်စစ်မီးရရဲ့ လား၊ မီတာရရဲ့လား၊ အပေါ်စက်အောက်စက် ရှိပါရဲ့လား၊ ရွာနေအိမ်ခြေ ပေါများပါရဲ့လား” ဟူ၍ ဖြစ်လေသည်။ သာ သနာပြု ရဟန်းတော်ဆိုသည်မှာ နေရာဒေသနှင့် လုပ်ပိုင်ခွင့်ကိုသာ ကြည့်ရှုရမည်ဖြစ်ပါလျက် မိန်းမတင်တောင်းသလို အလိုက်ပေး၍ ကျောင်းထိုင်ပင့်ရမည့်သဘောမျိုး ပြောဆိုကြလေသည်။ လျှပ်စစ်မီးမရသေးလျှင် ရအောင်လုပ်ရမည်။ မှောင်နေလျှင် လင်းအောင်လုပ်ရမည်။ မရှိသေးသည်ကို ရှိအောင်လုပ်ရမည် ဖြစ်လေသည်။ ဘဝကို သုညမှ စခဲ့သူ အီဗ ရာဟင်လင်ကွန်းလို သမတမျိုးနှင့် ရာဇပလ္လင်ဖင်ကပ်ပါလာသူ သီပေါမင်းလိုရှင်ဘုရင်တို့အနက် အဘယ်သူသည် ရာဇ ဝင်ပြောင်လေသနည်း၊ အဘယ်သူကို ပိုချစ်ကြသနည်း၊ အဘယ်သူသာ တိုင်းပြည်အတွက် ကျေးဇူးများသနည်း၊ စော ကြောဖို့ရန် လိုအပ်ပါလေ၏။ ရှေးဆရာတော်ကြီးများသည် ဘဝကိုသုညမှ စခဲ့သူများ ဖြစ်ကြလေသည်။ လယ်တီဆရာ တော်၊ မဟာစည် ဆရာတော်၊ တောင်မြို့မဟာဂန္ဓာရုံ ဆရာတော်တို့သည် ဘဝကို သုညမှစတင်ခဲ့ရာ၌ ထင်ရှားလေ သည်။ မည်မျှပင် ဝေးလံသီခေါင်ပါစေ မိမိအရည်အချင်းရှိလျှင် မိမိစွမ်းဆောင်ရည် မြင့်မားလျှင် မိမိဘက်က ပေးဆပ်ရ မည့် အရင်းအနှီးထက် သာလွန်သည့် အသီးအပွင့် အကျိုးအမြတ်များကို ရရှိမည်မှာ အမှန်ပင်။

အမေရိကန်လူမည်းခေါင်းဆောင်များဖြစ်သည့် ဂျော့ဝါရှင်တန်ကာဗာ၊ ဘွတ်ကာတီဝါရှင်တန်နှင့် ပြင်သစ်နိုင်ငံမှ အာဖရိ က တောကြီးထဲသို့ သွားရောက်၍ လူမည်းများအတွက် ဘဝတခုလုံးကို မြှုပ်နှံသွားခဲ့သူ မဟာပရဟိတလူသား အဲလ ဘတ်ရွှုိက်ဇာတို့၏ အောင်မြင်မှုကို ကြည့်က သိနိုင်လေသည်။ အာဂျင်တီးနား လက်ရွေးစင် ဘာတစ္စတူတာသည် အ သင်းကြီးများ၏ ကမ်းလှမ်းမှုကို နှစ်ပေါင်းများစွာ ငြင်းပယ်ပြီး ဖီအိုရင်တီးနား အသင်းလေးမှာပင် ခြေစွမ်းပြခဲ့၊ အသင်း ဂုဏ်ဆောင်ခဲ့၊ မြို့ဂုဏ်ဆောင်နိုင်ခဲ့လေသည်။ ထို့ကြောင့် ဘာတစ်အား အီတလီနိုင်ငံ ဖီအိုရင်တီးနားမြို့သူ မြို့သူ/သား များက ချစ်ခင်လေးစားကြ၊ မေတ္တာထားကြလေသည်။ ထို့ကြောင့် ဒီနယ်ဆင်လို မကျင့်ဘဲ ဘာတစ္စဘူတာလို ကျင့်ရမည်။ သီပေါမင်းလိုမကျင့်ဘဲ သမတကြီးလင်ကွန်းလို ကျင့်ရမည် ဖြစ်လေသည်။ သို့မှသာ ဘဝကို သုညမှစခဲ့သော ရာဇဝင် ပြောင်သည့် မင်းကောင်းတပါးအဖြစ် အမျိုးဘာသာ သာသနာအတွက် ကျေးဇူးများမည် ဖြစ်လေသည်။ ဤသည်ကို ဓမ္မာ စရိယဘွဲ့ရ ရဟန်းတော်များ သတိပြုသင့်လှပေသည်။ အကယ်၍ အလုပ်လက်မဲ့ ဓမ္မာစရိယဘဝဖြင့်သာ ရပ်တည်သွား မည်ဆိုပါက သင်သည် သာသနာ့ဝန်ထမ်းသူမဟုတ်ဘဲ သာသနာကို ဂုတ်ပေါ်မှခွစီးသူ ဖြစ်သွားပေလိမ့်မည်။

“ဓမ္မာစရိယတက္ကသိုလ်”

ထိုသို့ သောင်မတင်ရေမကျ အလုပ်လက်မဲ့ ဓမ္မာစရိယများ တောင်လိုပုံနေပြီး ဦးနှောက်များ သံချေးတက်နေကြသည်မှာ သာသနာတော်အတွက် ဆုံးရှုံးမှုတစ်ရပ် ဖြစ်လေသည်။ ဘွဲ့ရဆိုက္ကားဆရာလောက်ပင် တိုင်းပြည်အတွက် အကျိုးမရှိ တော့ပေ။ ဤသည်မှာ ဓမ္မာစရိယများကို သာသနာအတွက် အသုံးချမည့် အနီးကပ်သာသနာပြု သင်တန်းများ၊ ဓမ္မာစရိ ယ တက္ကသိုလ်များ မပေါ်ပေါက်သေးသောကြောင့် ဖြစ်ပေသည်။ ထို့ကြောင့် သာသနာ့အင်အားများ အလဟဿ မဖြစ်ရ လေအောင် ဓမ္မစရိယများကို လမ်းညွှန်ပြမည့် သာသနာပြုသင်တန်းများ၊ ဓမ္မာစရိယတက္ကသိုလ်များ ရှိသင့်လှပေသည်။ ထိုသင်တန်း၊ ထိုတက္ကသိုလ်များ၌ (က)ကံဆောင်သင်တန်း၊ (ခ)အင်္ဂလိပ်စာ/စကားသင်တန်း၊ (ဂ)ကွန်ပျူတာသင်တန်း၊ (ဃ)တရားဟော/ပြ သင်တန်းများ ပို့ချသင့်ပေသည်။

(က) “ကံဆောင်သင်တန်း”

ရဟန်းအသက်သည် ဝိနည်းဖြစ်၍ ဝိနည်းဆိုသည်မှာ ကံကြီးကံငယ် လမ်းညွှန်ဖြစ် လေသည်။ ဓမ္မာစရိယဘွဲ့ရ ပုဂ္ဂိုလ်ပင် ဖြစ်သော်လည်း စာပေသိအဆင့်မျှသာ ရှိပေသေးသည်။ လက်တွေ့သိ အဆင့်သို့ မရောက် သေးပေ။ ထို့ကြောင့် လက် တွေ့မရှိသော ဓမ္မာစရိယများသည် ကမ္မဝါရွတ်ဖတ်ရာ၌ပင် အခက်အခဲတွေ့ရလေသည်။ တစ်ချို့ရဟန်းတော်များမှာ ကမ္မ ဝါပင် မရွတ်ဖတ်တတ်သေးပေ။ ကမ္မဝါမရွတ်တတ်လျှင်လည်း ကံမအောင်၊ ကံမမြောက်ပေ၊ ဥပမာ= ရဟန်းခံ ဥပသမ္ပဒ ကံဆောင်ရာ၌ ဥပဇ္ဈယ်ဆရာကလည်း အတွေ့အကြုံမရှိ။ ကမ္မဝါဆရာများကလည်း ဌာန်ကရိုဏ်းကျနစွာ မရွတ်တတ်သူ များ ဖြစ်နေလျှင် ထိုသူတို့ ရဟန်းခံပေးသော ရဟန်းလောင်းသည် အဘယ်သို့ ရဟန်းဖြစ်လေမည်နည်း။ ထို့ကြောင့် သာ သနာမှာ ကံဆောင်ရာ၌ အခက်အခဲမရှိရလေအောင် လက်တွေ့ကံဆောင်သင်တန်းများ ပို့ချသင့်လေသည်။ သိမ်နုတ်၊ သိမ်သမုတ်ပုံ၊ ရဟန်းလောင်းဆုံးမပုံ၊ ကထိန်ခင်း ကထိန်နုတ်ပုံ၊ ဥပုသ်ပဝါရဏာ ပြုပုံ၊ ပရိဝါသ် မာနတ် ဆောက်တည်ပုံ စသည့် ဝိနည်းနှင့်ပတ်သက်သမျှကို ပို့ချခြင်း၊ သရုပ်ပြခြင်း၊ လက်တွေ့လုပ်ဆောင်ခြင်းဖြင့် အရည်အချင်းရှိသော ကံ ဆောင်ရာ၌ ကျွမ်းကျင်သော သာသနာပြုရဟန်းတော်များ ထွန်းကားလာနိုင်ပေသည်။ ဤကံဆောင်သည့် အပိုင်းနှင့်ပတ် သက်၍ ပခုက္ကူနိကာယမှ ရှေးဆရာတော်ကြီးများကို နည်းယူသင့်ပေသည်။အတွေ့အကြုံများသည့် ထေရ်ကြီးဝါကြီး ဆရာတော်ကြီးများက ပို့ချသင့်ပေသည်။ ကျွန်ုပ်သည်ပင် သကျသီဟစာသင်တန်း အောင်ပြီးသော်လည်း သိမ်သမုတ်ပွဲ တခု၌ နိမိတ်ကြားရာမှာ အခက်အခဲတွေ့ခဲ့ရလေသည်။ အခုချိန်ထိ ဝတ်ဆောက်တည်ပုံအစီအစဉ်ကို ကိုယ်တိုင်ကိုယ်ကျ ကိုယ့်ဘာသာ မလုပ်တတ်သေးပါ။ ဤသည်မှာ စာတွေ့သာရှိပြီး လက်တွေ့မရှိသေးသောကြောင့် ဖြစ်လေသည်။ စာတွေ့ နှင့် လက်တွေ့ကား ဆေးနည်းကျက်သူနှင့် ဆေးဖော်စပ်၍ ကုသသူကဲ့သို့ပင် များစွာကွာခြားလေ၏။ ဆေးနည်းကျက်သူ သည် ဆရာဝန်ဘွဲ့ရသူအဆင့်သာ ရှိလေသည်။ ဆေးဖော်စပ်သူ လက်တွေ့စမ်းသပ်သူသည် အလုပ်သင် ဆရာဝန်အဆင့် မှာ ရှိလေသည်။ လူနာများနှင့် နဖူးတွေ့ဒူးတွေ့ ကုသနေသူသာ ကျွမ်းကျင်သော ဆရာဝန်ဖြစ်လေသည်။ ထို့ကြောင့် စာ တွေ့ဘွဲ့ရများဖြင့်သာ ကျေနပ်မနေဘဲ လက်တွေ့ကျွမ်းကျင်အဆင့်သို့ တက်လှမ်းနိုင်ရန် အတွေ့အကြုံဗဟုသုတ ကြွယ်ဝ သော ပိဋကအကျော်အမော် ဆရာတော်များက လက်ဆင့်ကမ်း အမွေပေးသင့်လှပေသည်။

(ခ)“အင်္ဂလိပ်စာ/စကားသင်တန်း”

ဗုဒ္ဓမြတ်စွာသည် လောကစက္ခု၊ ဓမ္မစက္ခု၊ စက္ခုနှစ်ကွင်းလုံး အလင်းရောင်ရသူကို ချီးကျူးတော်မူလေသည်။ ဧကစက္ခုက တစ်ဖက်မြင် တစ်ဖက်ကန်း၊ ဒွိစက္ခုက နှစ်ဖက်မြင်၊ အန္ဓ- နှစ်ဖက်ကန်းဟူ၍ ပုဂ္ဂိုလ်သုံးမျိုးရှိရာတွင် မြတ်စွာဗုဒ္ဓက ဒွိစက္ခု က- လောကဓမ္မ နှစ်ဌာနလုံး၌ အသိအမြင်ကြွယ်ဝသူကိုသာ နှစ်ဖက်မြင်အဖြစ် အမွှမ်းတင်ချီးကျူးတော်မူခဲ့လေသည်။ ထို့ကြောင့် ရဟန်းတော်များသည်လည်း ခေတ်ပညာကို မျက်ကွယ်မပြုသင့်ပေ။ မိမိခန္ဓာကိုယ်ကိုပင် နိဗ္ဗာန်တည်းဟူသော ကမ်းတစ်ဖက်သို့ ကူးရာ၌ ယာဉ်တစ်ခုအဖြစ် သုံးစွဲရပါသေးလျှင် ခေတ်သုံး ဘာသာစကားနှင့် ခေတ်ပညာများကိုလည်း သာသနာပြု လက်နက် အဖြစ် အသုံးပြုသင့်လှပေသည်။ ခေတ်ပညာနှင့် ခေတ်သုံးစကားကား သာသနာပြုရာ၌ လွန်စွာ မှပင် ထိရောက်လှပေသည်။ ယနေ့ခေတ်၌ အောင်မြင်နေသော သာသနာပြု ဆရာတော်များ၊ လူပညာရှိပုဂ္ဂိုလ်များကို ကြည့်က သိနိုင်ပေသည်။ ဆရာတော် ဦးသေဋ္ဌိလ၊ ဆရာတော်ဦးသီလာနန္ဒာဘိဝံသ၊ သီတဂူဆရာတော်၊ ချမ်းမြေ့ ဆရာ တော်၊ ဆရာကြီးဦးဘခင်၊ ဂုရုကြီး ဦးဂိုအင်ကာ စသည်ဖြင့် ခေတ်ပညာတတ် ရဟန်းပညာရှိ လူပညာရှိပုဂ္ဂိုလ်များ များစွာ ရှိလေသည်။ ထို့ကြောင့် ထိရောက်စွာ သာသနာပြု လိုသော ရဟန်းတော်များသည် အင်္ဂလိပ်စာ/စကားနှင့် အခြားသင့် လျော်ရာ ဘာသာစကားများ စာပေများကို လေ့လာလိုက်စားသင့်ပေသည်။

ထို့သို့ လောကအကျိုး၊ သာသနာအကျိုးကို ရည်ရွယ်၍ အများသုံးဘာသာစကားဖြစ်သော အင်္ဂလိပ်စာနှင့် အင်္ဂလိပ်စ ကားကို ဤသင်တန်း၊ ဤတက္ကသိုလ်၌ အဓိကဘာသာတရပ်အဖြစ် သင်ကြားပို့ချ သင့်ပေသည်။ ဤဘာသာရပ်၌ ကျွမ်း ကျင်သော လူပုဂ္ဂိုလ်ပညာရှိများကို ဖိတ်ကြားမည်။ အကူညီတောင်းမည်။ လိုအပ်လျှင် ဓမ္မပူဇာ (သို့) ဉာဏ်ပူဇော်ခပေး၍ အချိန်ပိုင်း ပို့ချစေမည်။ အခြေခံမှစ၍ အရေး၊ အဖတ်၊ အပြောတို့ကို စနစ်တစ်ကျ သင်ကြားပို့ချပါက ပါဠိသဒ္ဒါတတ်ကျွမ်း ကြသော ဓမ္မာစရိယ ရဟန်းတော်များသည် အချိန်တို ကာလအတွင်းမှာပင် အခြေခံအဆင့် တက္ကသိုလ်အဆင့်သို့ လွယ် လင့်တကူ ရောက်ရှိသွားမည် ဖြစ်ပေသည်။ လေ့ကျင့်ခန်းများလုပ်ခြင်း၊ သရုပ်ပြစကားများပြောစေခြင်း၊ စာမေးပွဲများကျင်း ပပေးခြင်း၊ တတ်နိုင်လျှင် ပြည်တွင်း ပြည်ပ တက္ကသိုလ်များ၌ တက်နိုင်အောင် မြေတောင်မြှောက်ပေးခြင်း၊ ထောက်ပံ့လှူ ဒါန်းခြင်းများ ပြုလုပ်ပေးသင့်သည်။ ပြည်တွင်းပြည်ပမှ ဘွဲ့ရခဲ့သူများကိုလည်း ပူဇော်ပွဲများကျင်းပပေးခြင်း၊ သင်တန်းများ ပို့ချစေခြင်း၊ ကျူရှင်များ ပြစေခြင်းဖြင့် ကျွန်ုပ်တို့သာသနာ ကမ္ဘာ့အလယ်မှာ မျက်နှာမငယ်အောင် စွမ်းဆောင်နိုင်မှာ ဖြစ် လေသည်။

ယခုအခါ၌ တကမ္ဘာလုံးရှိ လူမျိုးအသီးသီး၊ ဘာသာအသီးသီးမှ လူသားများသည် ငြိမ်းချမ်းရေးကို တောင်းတရှာဖွေလျက် ရှိပေသည်။ ၎င်းတို့သည် အဘိဓမ္မာအလင်းရောင်မဲ့သော အမှောင်လောက၊ တရားငတ်မွတ်နေသော ဒုက္ခိတဘ၀သို့ ရောက်ရှိနေကြပေသည်။ တစ်ကမ္ဘာလုံး ငြိမ်းချမ်းရေးနှင့် တကမ္ဘာလုံး အလင်းရောင်ရရေးကို စွမ်းဆောင်နိုင်သည်မှာ လည်း မြတ်ဗုဒ္ဓ၏ တရားတော်များ၊ အထူးသဖြင့် အဘိဓမ္မာနှင့် ၀ိပဿနာတရားပင် ဖြစ်လေသည်။ ထိုအဘိဓမ္မာနှင့် ထို ၀ိပဿနာကို ဘုရားသားတော်များကသာ ကျွမ်းကျင်လိမ္မာကြလေသည်။ ဘုရားသားတော်များကသာ ခေတ်သုံးဘာသာ စကား၊ အများသုံး ဘာသာစကားကို တတ်မြောက်ကျွမ်းကျင်ဖို့ လိုပေသည်။ ထိုသို့ ကျွမ်းကျင်တတ်မြောက်၍ စွမ်းဆောင် အောင်မြင်လျှင် တစ်ကမ္ဘာလုံး ငြိမ်းချမ်းမည်၊ အလင်းရမည် ဖြစ်ပေသည်။

နိုင်ငံတကာမှ အဘိဓမ္မာလိုလားသူများသည် မြန်မာနိုင်ငံသို့ လာရောက်လျှင် အဘိဓမ္မာသင်ခွင့်ရလိမ့်မည်ဟူသော ရည် ရွယ်ချက်ဖြင့် လာရောက်ကြပေသည်။ မြန်မာပြည်သို့ ရောက်သည့်အခါ၌ကား အဘိဓမ္မာကို အင်္ဂလိပ်လို ပို့ချမည့်သူမရှိ၍ ကွင်းဆင်းရှာဖွေကြရင်း အခက်တွေ့နေကြလေသည်။ သီတဂူဆရာတော်ကြီး ပို့ချနိုင်သော်လည်း အချိန်မပေးနိုင်ပေ။ တက္ကသိုလ်များသို့ ညွှန်းဆိုသော်လည်း နှစ်ရှည်တက်ရောက်ရမည်ဖြစ်၍ ၀န်လေးနေကြပေသည်။ ၎င်းတို့အတွက် အဘိ ဓမ္မာကို အင်္ဂလိပ်လိုပို့ချသည့် နိုင်ငံခြားသားများကိုသာ သာသနာပြုသည့် အဘိဓမ္မာကထိကများ မြန်မာပြည်၌ များစွာလို အပ်လေသည်။ နိုင်ငံခြားသား ပရိသတ်အနေဖြင့် မြန်မာပရိသတ်လို အားရလောက်အောင် မများသော်လည်း တယောက် ဆိုတယောက်ဟု ဆိုရလောက်အောင် ထိရောက်မှုရှိမှာ အမှန်ပင်ဖြစ်လေသည်။ စစ်ကိုင်းမြို့ သုဗောဓာရုံကျောင်းတိုက် (ph.D) ဘွဲ့ရ ဆရာတော် ဦးနန္ဒမာလာဘိဝံသသည် နိုင်ငံခြား၌ အဘိဓမ္မာပို့ချခြင်း၊ မြန်မာပြည်၌ အင်္ဂလိပ်ဘာသာဖြင့် ပို့ ချခြင်းများ ပြုလုပ်၍ သာသနာပြုလေသည်။ သီတဂူဆရာတော်ကြီးကလည်း ပါဠိပိဋကတ်တော်များကို အင်္ဂလိပ်လို ဘာ သာပြန်သည့် သုတေသန ကျမ်းပြုဌာန တည်ထောင်၍ ဗုဒ္ဓတရားတော်များကို အင်္ဂလိပ်ဘာသာဖြင့်ရေးသားပြုစုကာ ကမ္ဘာအနှံ့ ဖြန့်ချိသာသနာပြု နေပေသည်။ ထိုဆရာတော်များကို အတုယူနည်းယူ၍ အင်္ဂလိပ်စာကျွမ်းကျင် အဆင့်ရောက် အောင် မြေတောင်မြှောက် ပေးသင့်ပေသည်။ ထိုဆရာတော်များထံမှလည်း အကူအညီ အထောက်အပံ့ကို ရယူနိုင်ပေ သည်။
ထို့ကြောင့် ဓမ္မာစရိယသာသနာပြုသင်တန်း၊ ဓမ္မာစရိယတက္ကသိုလ်၌ ဓမ္မာစရိယဘွဲ့ရ ရဟန်းတော်များကို အင်္ဂလိပ်စာ ကျွမ်းကျင် အဆင့်ဖြင့် ကမ္ဘာ့အဆင့်မြင့် သာသနာပြုပုဂ္ဂိုလ်ကြီးများဖြစ်အောင် လောကီ၊ လောကုတ္တရာ ခေတ်ပညာတတ် ဆရာတော် ကြီးများကရော၊ လူပုဂ္ဂိုလ်ကြီးများကပါ ဝိုင်းဝန်းကူညီချီးမြှင့် ဆောင်ရွက်ဖို့ လိုပေသည်။

(ဂ) “ကွန်ပျူတာသင်တန်း”

အင်္ဂလိပ်စာကျွမ်းကျင်သော ရဟန်းတော်များသည် ကွန်ပျူတာပညာ၌လည်း ကျွမ်းကျင်ကြလေသည်။ ကွန်ပျူတာပညာ တတ်မြောက်ထားလျှင် ကမ္ဘာတစ်ခုလုံးသို့ ကိုယ့်ကျောင်း၊ ကိုယ့်ကန်၊ ကိုယ့်နေရာ ဒေသကပင် ထိုင်၍ သာသနာပြုနိုင် လေသည်။ ဘယ်မှသွားစရာမလိုဘဲ ကိုယ့်အခန်းထဲကပင် ကမ္ဘာသို့ တရားတော်များ ဖြန့်ချိနိုင်ပေသည်။ ကွန်ပျူတာ ပညာသည် သာသနာပြုရာ၌ အစွမ်းထက်သော အထောက်အကူပြု ကိရိယာတခုဖြစ်ပေသည်။ ကွန်ပျူတာပညာသည် လည်း အစွမ်းထက်သော လက်နက်တခု ဖြစ်ပေသည်။ ကျွန်ုပ်ထံသို့ ပြည်နယ်တခုမှ ခရစ်ယာန် ဘာသာဝင် အရာရှိ တယောက် ရောက်လာဖူးလေသည်။ ထိုအချိန်၌ ကျွန်ုပ်သည် ကွန်ပျူတာတလုံးနှင့် အလုပ်ရှုပ်နေလေရာ ထိုအရာရှိက အားကျနေလေသည်။ ထိုအရာရှိပြန်သွားသည့်အခါ သူတို့ဘာသာဝင်များအား မှတ်ချက်ချသံ ကြားလိုက်ရပေသည်။ “ဗုဒ္ဓတွေကို တုမီဖို့ မလွယ်တော့ဘူး။ ထိုဓမ္မဆရာတွေက အခုထိဂစ်တာကြိုးညှိလို့ မပြီးနိုင်သေးဘူး။ ဗုဒ္ဓတွေက ကွန်ပျူ တာနှင့် အလုပ်လုပ်နေကြပြီ” ဟူ၍ ဖြစ်လေသည်။ ခေတ်ပညာတတ်များကို ခေတ်ပညာဖြင့် သာသနာပြုခြင်း၊ အထက် တန်းလွှာများကို အထက်တန်း အသုံးအဆောင်များဖြင့် သာသနာပြုခြင်းဖြင့် ထိရောက်သော အကျိုးကျေးဇူးကို ခံစားရ မည် ဖြစ်လေသည်။

ဓမ္မာစရိယဘွဲ့ရ ရဟန်းတော်များကို ကွန်ပျူတာသင်တန်းပို့ချပြီး လေ့ကျင့်ချိန်အပြည့်အဝ ပေးထားကာ စနစ်တကျလမ်း ညွှန်နိုင်ပါက ကွန်ပျူတာပညာ၌ တစ်ဖက်ကမ်းခတ် ထူးချွန်နိုင်မည့် ပါရမီရှင်များထွက်ပေါ်လာနိုင်ပေသည်။ ကွန်ပျူတာ အခြေခံမှတဆင့် အဆင့်မြင့်နည်းပညာများ၊ ထိုမှတဆင့် အင်တာနက်အသုံးပြုပုံများ၊ ဝက်ဘ်ဆိုက်လွှင့်တင်ပုံများအထိ တိုးချဲ့ပို့ချ နိုင်ပါက ထိုရဟန်းတော်များသည် ပြည်တွင်း၌လည်း ကွန်ပျူတာနည်းပြအဖြစ် ပြန်လည်ပို့ချနိုင်မည် ဖြစ်လေ သည်။ ရဟန်းတော်များ ကွန်ပျူတာကျွမ်းကျင်အောင် ကွန်ပျူတာပညာရှင် လူပုဂ္ဂိုလ်များ၏ အကူအညီများစွာ လိုပေ သည်။

(ဃ) “တရားဟော၊ တရားပြသင်တန်း”

ဤသာသနာပြုသင်တန်း၌ တရားဟော၊ တရားပြသင်တန်းလည်း ပို့ချသင့် ပေသည်။ သင်တန်းဟုဆိုသော်လည်း ရဟန်း တော်များအတွက် အထူးတလည် လေ့လာလိုက်စားစရာမလိုဘဲ ဟောပြောမှု အတတ်ပညာကို ဆည်းပူးရုံမျှသာ ဖြစ်ပေ သည်။ အတွေ့အကြုံ ဖလှယ်ခြင်း၊ အလှည့်ကျလေ့ကျင့်ပေးခြင်းဖြင့် လွယ်ကူပေါ့ပါးစွာ လေ့လာရမည့် ဘာသာရပ်ဖြစ်လေ သည်။ အရှင်ဥတ္တမကျော်တစ်ဖြစ်လဲ လူပျံတော်ဦးဥုတ်ကျော်သည် ဟောပြောမှု အတတ်ပညာကို ရဟန်းသာမဏေများ အား ပို့ချရာ၌ များစွာအောင်မြင်လေသည်။ ထိုသင်တန်းများလို ဆရာတော်တစ်ပါးပါးက ပို့ချသွားရုံ နည်းလမ်းပြရုံသာ ဖြစ်ပေသည်။ တရားဟောရာ၌ အတွေ့အကြုံများစွာရှိသော ဓမ္မကထိကဆရာတော်ကြီးများကို အခွင့်သင့်သလို ပင့်ဖိတ် ပြီး နည်းယူသင့်ပေသည်။ မဟာစည်ရိပ်သာ၌ နှစ်စဉ်ကျင်းပလေ့ရှိသော ဓမ္မကထိက ရွေးချယ်ပွဲများလို သီလသိက္ခာ မြင့် မားသော ဆရာတော်ကြီးများ၏ အကူအညီကိုရယူ၍ အရည်အချင်းစမ်းသပ်ခြင်းများ ပြုလုပ်သင့်ပေသည်။ မိုးကုတ်ဆရာ တော်များလို ပဋိစ္စသမုပ္ပါဒ် ဆရာဖြစ်သင်တန်းလည်း ပို့ချသင့်ပေသည်။ တရားပြရာ၌ သတိပဋ္ဌာန်သုတ်တော်ကို မူတည် ထားပြီး မဟာစည် နိဿျည်း မိုးကုတ်နိဿျည်း၊ လယ်တီနိဿျည်း စသည်ဖြင့် အလုပ်ပေးတရားဟောပြောပို့ချပြီး မနက် အရုဏ်မတတ်မီ ညဘုရားဝတ်တက်ပြီး အမျှမဝေမီ လက်တွေ့တရားထိုင်ချိန်ပေးသင့်ပေသည်။

ထို့နောက် ဝိပဿနာဖြင့် သာသနာပြုလိုသူများကို ရိပ်သာအသီးသီးသို့ ပို့ဆောင်၍ နှစ်ရှည်တရား အားထုတ်စေခြင်၊ ကမ္မဋ္ဌာန်းဆရာများနှင့် လက်တွဲ၍ အလုပ်သင်ကမ္မဋ္ဌာန်း ပို့ချနည်းယူခြင်းများ ပြုလုပ်သင့်ပေသည်။ ဟောရေးပြောရေး၌ ဝါသနာကြီးမား စိတ်အားထက်သန်သူများအား ကျေးရွာများသို့ ငါးပါးတစ်စု စီစဉ်ပေး၍ လက်တွေ့တရားပွဲများ အတွေ့ အကြုံရစေခြင်း၊ တရားဟောနာမည်ရစေခြင်းဖြင့် အရည်အသွေးမြင့်မားသော ရဟန်းတော်များဖြစ်အောင် ဆောင်ရွက် နိုင်ပေသည်။

ထို့အပြင် ဤသင်တန်း၌ ပြည်တွင်းပြည်ပ သာသနာပြုဆရာတော်ကြီးများ၊ စာချဆရာတော်ကြီးများ၊ ကျမ်းပြု ဆရာတော် ကြီးများ နိုင်ငံကျော်ဓမ္မကထိကဆရာတော်ကြီးများ၊ ဒေါက်တာမင်းတင်မွန်၊ နှစ်ဖက်လှဦးကျော်လွင်၊ ဓမ္မာစရိယ ဦးဌေး လှိုင် တို့လို ပညာရှိပုဂ္ဂိုလ်များကို ဖိတ်ကြား၍ တပတ်လျှင် တရက်တိုင်သည်၊ နှစ်ရက်တိုင်သည် ဟောပြောပွဲများ ကျင်း ပခြင်းဖြင့် အမျိုးဘာသာ သာသနာကိုချစ်မြတ်နိုးစိတ်၊ နိုင်ငံကို အကျိုးပြုလိုစိတ်များ တစ်ဖွားဖွားပေါ်ပေါက်လာမည် ဖြစ် ပေသည်။ ထို့ပြင် ဘာသာရပ်ဆိုင်ရာ ပါမောက္ခများကို ပင့်ဖိတ်၍ မြန်မာစာ လေ့လာနည်း၊ သမိုင်းလေ့လာနည်း၊ ပထဝီ နိုင်ငံရေးနှင့် သတင်းစာပညာ၊ သုတေသနပြုပုံ အဆင့်ဆင့် စသည်တို့ကိုလည်း လမ်းညွှန်ပို့ချသင့်ပေသည်။ သို့မှသာ ရ ဟန်းတော်ထဲမှ ကဗျာလင်္ကာ စာရေး၊ ကျမ်းပြု၊ သာသနာ့သမိုင်း၊ ကမ္ဘာ့သမိုင်း၊ ကမ္ဘာ့နိုင်ငံများ အခြေအနေစသည်များကို တီးမိခေါက်မိမည်ဖြစ်ပေသည်။

ဤသို့လျှင် ဤသင်တန်း၊ ဤတက္ကသိုလ်ကြီးသည် တရားဘာဝနာများလည်း မြိုင်ဆိုင်နေပြီး၊ သာသနာပြုနည်းပညာများ လည်း ဝေဆာနေမည် ဖြစ်ပေသည်။ သီရိဓမ္မာသောကမင်းကြီး လက်ထက်၌ ကိုးတိုင်းကိုးဌာန သာသနာပြုစေလွှတ်ရာမှ ကမ္ဘာ့နိုင်ငံအသီးသီးသို့ ဗုဒ္ဓတရားတော်များ ရောက်ရှိ၍ ကမ္ဘာကြီး ငြိမ်းချမ်းခဲ့ပေသည်။ ဤသင်တန်းကြီးသည်လည်း သာ သနာပြုသင်တန်းကြီး ဖြစ်သည့်အားလျော်စွာ အရည်အချင်းပြည့်ဝသည့် သာသနာပြုသူရဲကောင်းများ မွေးထုတ်ပေးနိုင် မှာ အမှန်ပင်ဖြစ်ပေသည်။ ဤသင်တန်းကြီးကြောင့် မြန်မာ့သာသနာသည်လည်း ရောင်ဝါနေသို့ ထွန်းလင်းပြီး ကမ္ဘာမှာ မြန်မာဟေ့ ဟူ၍ ကြွေးကြော်နိုင်မှာ ဖြစ်ပေသည်။

သင်တန်းဆင်းပွဲ၌ ဂုဏ်ပြုလက်မှတ်များ ချီးမြှင့်ပေးခြင်း၊ ဆိုင်ရာဘာသာရပ်အလိုက် အင်္ဂလိပ်စာထူးချွန်ဆု၊ ကွန်ပျူတာ ထူးချွန်ဆု၊ ကံဆောင်ထူးချွန်ဆု၊ တရားဟောထူးချွန်ဆုတို့ ချီးမြှင့်ခြင်း၊ ထူးချွန်သူုများအား ဆက်လက်ကူညီ ထောက်ပံ့ ခြင်းများ ပြုလုပ်သင့်ပေသည်။ နှစ်စဉ် ဆောင်းလေးလကို သင်တန်းကာလအဖြစ် သတ်မှတ်ပြီး ဓမ္မာစရိယဘွဲ့ရ ရဟန်း တော် အပါးငါးဆယ် လက်ခံပို့ချသင့်ပေသည်။

“ခေတ်မီဘုရားတည် သာသနာပြုနည်း”

စကာင်္ပူနိုင်ငံသည် ရန်ကုန်မြို့လောက်သာရှိသည့် နိုင်ငံငယ်လေးတစ်ခုသာ ဖြစ်သည်ဟု သိရပေသည်။ ထိုနိုင်ငံငယ်လေး ၌ စိုက်စရာမြေမရှိ၊ သောက်စရာ ရေမရှိပေ။ စိုက်ပျိုးရေးမထွန်းကားဘဲ မလေးရှားမှ ရေချိုဝယ်ယူ သောက်သုံးနေရပေ သည်။ ထိုသို့သယံဇာတ ဆင်းရဲသော်လည်း နိုင်ငံအနေဖြင့်မူ အာဆီယံ၌ ထိပ်ဆုံးကပင် ရပ်တည်နေပေသည်။ အ ကြောင်းမှာ လူသားအရင်းအမြစ်ကို အကျိုးရှိအောင် အသုံးချသောကြောင့် ဖြစ်ပေသည်။ ထိုစနစ်ကို အတုယူသင့်ပေ သည်။ တိုးတက်လာသောနိုင်ငံတိုင်း အဆင့်မြင့်ကွန်ပျူတာနည်းပညာများကို အထက်တန်းလွှာများကသာ ဆည်းပူးနိုင် ကြပေသည်။ လူလတ်တန်းစားများမှာ အနည်းငယ်ခန့်သာ ဆည်းပူးနိူင်ပြီး၊ အခြေခံလူတန်းစားများမှာကား အနားပင် မသီနိုင်ကြပေ။ ပါရမီရှင်ပင်ဖြစ်သော်လည်း ကုသိုလ်ကံချို့တဲ့၍ ဘဝပေးအခြေအနေ မလှပသူများလည်း ရှိပေသည်။ ထို့ကြောင့် လူတန်းစား အလွှာအသီးသီးက လေ့လာလိုက်စားနိုင်အောင် ရဟန်းတော်များ သင်တန်းကာလပြီးဆုံးချိန်၌ လူပုဂ္ဂိုလ်များကို ပို့ချပေးသင့်ပေသည်။ လူပုဂ္ဂိုလ်များအတွက်ကား အင်္ဂလိပ်စာနှင့် ကွန်ပျူတာနည်းပညာသာ ပို့ချရန် ဖြစ်ပေသည်။

ဆရာဖြစ်သင်တန်း၌ ဘွဲ့ရပညာတတ်များကို အသက်ကန့်သတ်ချက်၊ ဦးရေကန့်သတ်ချက်ဖြင့်ခေါ်မည်။ တနေ့လျှင် သုံး သုတ်ဖြစ်စေ၊ လေးသုတ်ဖြစ်စေ သင်ကြားပေးမည်။ ၎င်းတို့ထဲမှ ထူးချွန်သူများကို ဆရာအဖြစ် ရွေးချယ်မည်။ လခ ကောင်းကောင်းပေးမည်။ ပြီးလျှင် ကျောင်းသူ/ကျောင်းသားများအတွက် သင်တန်းခေါ်ယူမည်။ ဆယ်တန်းအောင်ရမည်။ ထောက်ခံချက်နှင့်ပြည့်စုံရမည်။ ငါးပါးသီလ၊ ရှစ်ပါးသီလ၊ ကိုးပါသီလ၊ ဆောက်တည်တတ်ရမည်။ ဘုရား၊ တရား၊ သံဃာ ဂုဏ်တော်များကို ပါဠိအနက် အာဂုံရရမည်။ သုံးဆယ့်နှစ်ပါးသော လက္ခဏာတော်ကြီး၊ ဘုရားရှိခိုးဂါထာ(၂၀)ကို ပါဠိ အ နက် အလွတ်ပြန်ဆို နိုင်ရမည်။ နီးစပ်ရာ ဆရာဘုန်းကြီးထံမှ သင်ယူခဲ့ကြောင်း၊ အရည်အချင်းပြည့်မီကြောင်း ထောက်ခံ ချက်ပါရမည်။ အင်တာဗျူးတရပ်အနေဖြင့် လူတွေ့စစ်ဆေးပြီးမှ အောင်စာရင်းထုတ် လက်ခံမည်။ အင်္ဂလိပ်စာနှင့် ကွန် ပျူတာပညာကို အခမဲ့ဓမ္မဒါန ပညာဒါနအဖြစ် သင်ကြားပေးမည်။ သင်တန်းကာလနောက်ဆုံး စာမေးပွဲအနေဖြင့် ၀င်ခွင့်ပြဋ္ဌာန်းစာပါ ဘုရားစာများကို ကွန်ပျူတာဖြင့် ရိုက်နှိပ်ဖြေဆိုရမည်။ စာစီစာရိုက်ကျွမ်းကျင်ရန်ဖြစ်သည်။ အမြန်ဆုံး၊ အရှင်း ဆုံး၊ အသန့်ဆုံး၊ အကောင်းဆုံး ရိုက်နိုင်သူများကို မြန်၊ရှင်း၊သန့်၊ကောင်း ဆုချီးမြှင့်မည်။ အင်္ဂလိပ်စာကိုလည်း ထို့အတူ ကွန်ပျူတာဖြင့် ဖြေရမည်၊ အင်္ဂလိပ်စကားအတွက် စကားပြောပြိုင်ရမည်။ ထူးချွန်သူများကို ဆုချီးမြှင့်ပြီး၊ သင်တန်းဆင်း ပြီးသူ မှန်သမျှကို အင်္ဂလိပ်စာနှင့် ကွန်ပျူတာဘာသာရပ်၌ အဆင့်မြင့်၊ ဆရာဖြစ်၊ ကျွမ်းကျင်အဆင့်ရောက်ပြီး၊ အသက် မွေးဝမ်းကျောင်း နိုင်သည်အထိ ထောက်ပံ့သွားမည်ဖြစ်သည်။ သို့မှသာ ရွက်ပုန်းသီးလေးများ ပေါ်ထွန်းလာပြီး လူတန်း စားမရွေး ထူးချွန်မှာ ဖြစ်သည်။ သူတို့၏ ရင်ထဲ၌လည်း ဓမ္မစေတီတည်ပြီးသား ဖြစ်သွားလိမ့်မည်။ နှလုံးသားမှာ ဘုရား တည်သော နည်းဖြစ်ပါ၏။ ခေတ်မီသာသနာပြုနည်း ဖြစ်ပါ၏။

“အိပ်မက်လှလှမက်စေချင်”

ယခုဆိုခဲ့ပြီးသည့် သာသနာပြုသင်တန်းကျောင်း(သို့) ဓမ္မာစရိယတက္ကသိုလ်သည် ကျွန်ုပ်၏ စိတ်ကူးယဉ် အိပ်မက် ဖြစ် ပါသည်။ စွမ်းနိုင်သူများက အကောင်အထည် ဖော်စေချင်ပါသည်။ အကောင်အထည် ဖော်မည့်သူ မရှိလျှင်လည်း ကျွန်ုပ် ကိုယ်တိုင် ဖော်မည်ဖြစ်ပါသည်။ နေရာလိုသည်။ အဆောက်အအုံလိုသည်။ လျှပ်စစ်မီးလိုသည်။ မီးစက်လိုသည်။ အခင်း အကျင်းကုန်ကျစရိတ်လိုသည်။ ကွန်ပျူတာအလုံးအရေ ငါးဆယ်လိုသည်။ ရဟန်းတော်များအတွက် လေးလစာ၊ တနေ့ တာဆွမ်းကွမ်း ဝေယျာဝစ္စအတွက် ရန်ပုံငွေလိုသည်။ ကထိကများလိုသည်။ ကွန်ပျူတာပညာရှင်များလိုသည်။ (သီလရှင် များအတွက်လည်း စဉ်းစားထားပါသည်) ထူးချွန်ဆုများအတွက် ရန်ပုံငွေလိုသည်။ အရာရာကို ဖန်းတီးနိုင်စွမ်းသော ဒုတိ ယ ဘုရားသခင်သည် အရေးပါဆုံး အလိုအပ်ဆုံး ဖြစ်ပေသည်။ သည်အတွက် အချိန်ယူ စုဆောင်းရဦးမည် ဖြစ်ပါ၏။

အောင်မြင်သည်ဖြစ်စေ၊ မအောင်မြင်သည် ဖြစ်စေ၊ ကျွန်ုပ်ကား အိပ်မက်လှလှ မက်ခဲ့ပြီးပါပြီ။ အိပ်မက်ကြီးကြီး မက်ခဲ့ပြီး ပါပြီ။
ကျွန်ုပ်သည် ကျွန်ုပ်လူမျိုးကို အားမရလှပေ၊ ရွှေမြန်မာများကား အိပ်မက်ကြီးကြီး မမက်ချင်ကြ၊ အိပ်မက်လှလှမမက်ချင် ကြပေ။ အိပ်မက်မက်သည်ကိုပင် ရှင်ဘုရင်အဖြစ်၊ ဝန်ကြီးချုပ်အဖြစ်၊ သမ္မတအဖြစ်၊ သူဌေးသူကြွယ်အဖြစ်၊ ပညာရှိသုခ မိန်အဖြစ်၊ ထည့်မမက်ကြ။ စိတ်ကူးမယဉ်ကြပေ။ ပိုက်ဆံတစ်ပြားတချပ်မှ မကုန်သည့် အလကားမက်သည့် အိပ်မက် ကိုပင် အဆင့်မြင့်မြင့် မမက်ကြပေ။ ဖြစ်သလိုနေ၊ ဖြစ်သလိုစား၊ ရရစားစား ဘဝဖြင့်နိမ့်ကျစွာ နေလိုကြ၏။ လူးမျိုးနိမ့်ကျ လျှင် သာသနာ အထက်တန်း မရောက်နိုင်။ နိုင်ငံလည်းအောက်တန်း စာရင်းဝင်မည်ဖြစ်ပါ၏။ ထို့ကြောင့် နိုင်ငံနှင့်လူမျိုး၊ ဘာသာနှင့်သာသနာကို ငဲ့ညှာ၍ ယနေ့မှစတင်ပြီး အိပ်မက်လှလှကြီးများ မက်ကြစေချင်ပေသည်။ အိပ်မက်ရှင်များသည် လည်း ကျွန်ုပ်နှင့်လက်တွဲ သာသနာပြုစေချင်ပေသည်။

(ဤစာမူကို မန္တလေးအိုးဘိုထောင်တွင် သီတင်းသုံးစဉ် ၁၀-၁၂-၂၀၀၆ ရက်နေ့က ရေးသားခဲ့ခြင်းဖြစ်ပါသည်။)

ဝီရသူ (မစိုးရိမ်)

အခြေခံလစာ ၃၀၀၀၀ ကျပ် (ဒေးကြေး အိုဗာတိုင်ကြေးများ ခံစားရမှုအပါအ၀င်) အချက် ၁၃ ချက် ကိုတောင်းဆိုကြ ပါတယ်။ ၂ ရက်တိုင် အလုပ်မဆင်းဘဲ တောင်းဆိုနေပေမယ့် အလုပ်ရှင်က လာရောက်ဖြေရှင်းပေးတာမျိုးမရှိဘဲ ၃ ရက် ဆက်ပြလျှင် အလုပ်မှထုတ်ပစ်မယ်လို့ ခြိမ်းခြောက်ထားပါတယ်။

၁၆. ၅. ၂၀၁၂ ရက်နေ့မှာ လှိုင်သာယာစက်မှုဇုန်ထဲက အလုပ်သမတွေဟာ သူတို့ရဲ့ တောင်းဆိုချက် (၁၃) ချက် ကို ဖြေရှင်းပေးဘို့ မရမ်းကုန်းရှိ ခရိုင်အလုပ်သမားရုံးရှိရာ BM ကားငါးစီးနဲ့ ချီတက်ခဲ့ကြပြီး ညှိနှိုင်းခဲ့ရာ အဆင်မပြေဘဲ ပြန် လာခဲ့ရတယ်လို့ သိရှိရပါတယ်။

သတင်းနဲ့ ဓါတ်ပုံ … နောင်တော်လေး ၊ မမေ

အခန်း (၉)

ကျမရဲ့ အတိတ်အကြောင်းကို ပြောနေခဲ့တာ အချိန်တွေ ဘယ်လောက် ကြာသွားပြီလဲ ဆိုတာတောင် ကျမ မသိပါဘူး။ ကျမဘ၀ အကြောင်းကို တော်တော်များများ ပြောဖြစ်ခဲ့ပါတယ်။ ဒါပေမယ့် အားလုံး မဟုတ်ဘူးဆိုတာကိုတော့ ကျမစိတ် ထဲမှာ သေချာနေပါတယ်။

ကျမ စကားရပ်လိုက်တော့ အချိန် တမိနစ်လောက် တိတ်ဆိတ်သွား ပါတယ်။ ပြီးတော့မှ အေးဂျင့် Kirwan က ကျမရဲ့ ကျောင်းမှတ်တမ်းတွေအားလုံးကို သူတို့ကြည့်ပြီးပြီလို့ ပြောပါတယ်။ ဒါက သူမရဲ့ စတိုင်ပါပဲ။ တိုက်ရိုက်ဆန်လွန်းပြီး၊ ဘတ်စ်ကားအိုကြီးရဲ့ အမြီးတွေလိုပဲ ဒုန်းတိတိနဲ့။ ဒါပေမယ့် ကျမနဲ့ ပတ်သက်ပြီး သူတို့ စုံစမ်းလေ့လာနေတယ် ဆိုတာ ကိုတော့ သူမပြောလိုက်ပါပြီ။

“မင်းက ဆရာ၊ ဆရာမတွေအတွက်တော့ သိပ်ပြီး ဉာဏ်ကောင်းလွန်းနေတယ်”

သူမက ဆက်ပြောပါတယ်။ ဒါက ပထမဆုံးသူပြောလိုက်တဲ့ ဒုန်းတိတိစကားကို အနည်းငယ် ပြန်ပြီး ချောမွေ့သွားစေပါတယ်။

“ဟုတ်ပါတယ်။ ကျမ အသက် (၁၆) နှစ်မှာ ကောလိပ်ကျောင်း ရောက်နေပြီလေ”

ကျမ ဆက်ပြောလိုက်ပါတယ်။

“ဒါဖြင့် မင်းဘာလို့ ကောလိပ်ကျောင်းက ထွက်သွားရပြန်တာလဲ”

အေးဂျင့် Miller က ဆက်မေးလိုက်ပါတယ်။

“ဘာကြောင့်လဲဆိုတော့ အဲဒီကျောင်းသင်ခန်းစာတွေအတွက် ကျမမှာ ပေးစရာ အချိန်မရှိလို့ပဲပေါ့။ သင်ရိုးညွှန်းတန်းထဲ က စာတွေကို ကျမသိပြီးသားလေ။ ကျမလုပ်ချင်တာက ဒါတွေကနေ ဖောက်ထွက် တွန်းလှန်မှု တခုခုပေါ့”

ပြောရင်းနဲ့ ကျမ ရပ်လိုက်ပါတယ်။ ကျမ အသေးစိတ် ဆက်ပြောနေလို့ မဖြစ်သေးဘူးဆိုတာ သတိထားလိုက်မိလို့ပါ။ ပြဿနာက သူတို့ကျမကို ခြေရာခံမိနေပါပြီ။ ရှေ့ဆက်ပြီးဘာတွေ ထပ်ဖြစ်လာမလဲဆိုတာ ကျမ မသိနိုင်သေးပါဘူး။

ကျမ အတန်ကြာ နှုတ်ဆိတ်နေမိပါတယ်။ ဘာဆက်ပြောရမယ်ဆိုတာ မသိလို့ပါ။ ဒီလိုနဲ့ ၅ စက္ကန့်လောက်ကြာတော့ အေးဂျင့် Kirwan က စကားဝိုင်းထဲ ခုန်ဝင်လာပြီး၊ ကျမ ဆက်ပြောစရာ လမ်းစကို ပေးလိုက်ပါတော့တယ်။

“ကွန်ပျူတာ သိပ္ပံလေ။ မင်းစိတ်ဝင်စားတာ ကွန်ပျူတာ သိပ္ပံပဲ”

အမှန်ကတော့ ကွန်ပျူတာတွေကို ကျမ သိပ်ပြီး စိတ်မ၀င်စားလှပါဘူး။ ကျမရဲ့ ရည်မှန်းချက်တွေ ပြည့်မှီဖို့အတွက် ကွန် ပျူတာတွေကို အသုံးချစရာ တန်ဆာပလာတခုအနေနဲ့ပဲ ကျမ သတ်မှတ်ထားတာပါ။ ဒါပေမယ့် ဒါနဲ့ ပတ်သက်ပြီး ကျမ ကို သူတို့ ခေါ်လာတာဆိုရင်တော့ ကျမမှာ ငြင်းစရာ အကြောင်းမရှိပါဘူး။ တကယ်တော့ သူတို့တွေဟာ ကျမဆင်ခြေ ပေးစရာ အကြောင်းအရာတခုကို ကျမလက်ထဲ လာထည့်ပေးနေတာပါပဲ။

“ဟုတ်ပါတယ်။ ကွန်ပျူတာတွေကို ကျမစိတ်ဝင်စားပါတယ်”

ကျမ လိမ်ညာလိုက်ပါတယ်။ ပြီးတော့ အတန်ငယ်ငြိမ်ပြီး၊ သူတို့ကပဲ ကျမရဲ့ စိတ်ထားနဲ့ လုပ်ရပ်တွေကို သိသွားသလိုလို ဟန်ဆောင် နေလိုက်ပါတယ်။

အဲဒီမှာတင် အေးဂျင့်အမျိုးသမီးဆီက အောင်မြင်မှု အရိပ်အယောင် သန်းနေတဲ့ မျက်လုံးအကြည့်ကို ကျမ ရလိုက်တော့ တာပါပဲ။

“ဒါနဲ့ပဲ မင်းက တခြား ကွန်ပျူတာတွေက လျှို့ဝှက်ချက်တွေကို စခိုးတော့တာပဲပေါ့”

သူမက ထပ်မေးပါတယ်။ ကျမ အသက်ကို ပြင်းပြင်းရှုရင်း စိတ်ထဲက ပြောလိုက်မိပါတယ်။

အိုကေ။ အေးဂျင့် Kirwan ရေ။ ရှင်က ဒီလိုပဲကြားချင်တာဆိုရင်တော့ ကျမလဲ ဒီလိုပဲ ပြောရတော့မှာပေါ့။ အမှန်တရားကို သိရဖို့အတွက်၊ big picture ကြီးကို မြင်ရဖို့အတွက် ရှင့်မှာ အခွင့်အရေးတွေ အများကြီး ရခဲ့ပါတယ်။ ခုတော့ ရှင်ကိုယ် တိုင်ပဲ အားလုံးကို ဖြိုချပစ်လိုက်ပြီပဲ

ဒီလို စိတ်ထဲက ပြောအပြီးမှာ ကွန်ပျူတာကို စိတ်ဝင်တစား ရူးသွပ်နေတဲ့ လူငယ်လေးတယောက်အသွင်ကို ကျမ ဖန်တီး လိုက်ပါတော့တယ်။

“ကျမ ကောလိပ်ကိုရောက်တော့ အားလုံးက Hacker တွေချည်းပဲ။ တခြားကွန်ပျူတာ အသုံးပြုသူတွေရဲ့ ပရိုဂရမ်တွေကို ကျမတို့ ငှားရမ်းသုံးစွဲကြတယ်လေ”

အေးဂျင့် Kirwan က ကျမကို သတိပေး အကြည့်နဲ့ လှမ်းကြည့်လိုက်ပါတယ်။ ပြီးတော့

“ငှားရမ်းတယ်ဟုတ်လား။ ခိုးတာကို ဒီလိုပဲ ပြောရသလား”

“အသိပညာဗဟုသုတတွေအားလုံးဟာ အခမဲ့ပဲ ဖြစ်သင့်တယ်။ ဒါက hacker တွေရဲ့ ကျင့်ဝတ်ပဲ”

ကျမ ပြန်ပြောလိုက်ပါတယ်။

“ဘာပဲဖြစ်ဖြစ် ခိုးတာကတော့ ခိုးတာပါပဲ။ တစုံတယောက်က အချိန်တွေ အများကြီးယူပြီး၊ ငွေတွေ အများကြီးနဲ့ ပရိုဂရမ် တွေ တီထွင်ထားကြတယ်။ မင်းက သူတို့ ကွန်ပျူတာစနစ်ထဲဝင်ပြီး ခိုးယူတယ်”

“အိုကေ၊ အိုကေ”

ကျမ လက်မြှောက်ပြလိုက်ပါတယ်။ ဒါနဲ့ ပတ်သက်ပြီး အငြင်း မပွားချင်လို့ပါ။

“ဒါပေမယ့် မင်းကတော့ နည်းနည်းလေးကွဲပြားတဲ့ တစုံတရာကို ကြိုးစားကြည့်လိုက်တယ်။ ဟုတ်တယ်မဟုတ်လား အဲလစ်”

အေးဂျင့် Miller က စကားဝင် ဖြတ်လိုက်ပါတယ်။ သူက အချိန်အတန်ကြာ ငြိမ်သက်နေခဲ့တာကြောင့် သူရှိနေတယ်ဆို တာတောင် ကျမ မေ့နေခဲ့တာပါ။

ကျမ သက်ပြင်းခပ်သဲ့သဲ့ ချလိုက်ပါတယ်။ အေးဂျင့် Miller ကတော့ ထက်မြက်တဲ့ အေးဂျင့်တယောက်ဆိုတာကို ထပ်ပြီး သက်သေပြ လိုက်ပြန်ပြီ။ ကျမ ၀န်ခံလိုက်သင့်သလား။ ၀န်ခံလိုက်မယ် ဆိုရင် သူတို့ မသိသေးတဲ့ တခြား အကြောင်းအ ရာတွေကိုပါ ၀န်ခံလိုက်သလို ဖြစ်သွားမလား။

စက္ကန့်အနည်းငယ် တုန်းကတော့ ဒီကိစ္စတွေကနေ ကျမ ရှောင်ထွက်နိုင်မယ်လို့ ကျမစိတ်ထဲမှာ ယုံကြည်နေပါတယ်။ ဒါပေမယ့် ခုတော့ သိပ်ပြီး မသေချာတော့ဘူး။ အေးဂျင့် Miller က ကြောင်နဲ့ ကြွက် ကစားနည်းကို ကစားနေပုံပေါ်တယ်။ ကျမ သတိရှိရမယ်လို့ တွေးလိုက်မိပါတယ်။ အနည်းငယ် ကျန်နေသေးတဲ့ အိပ်ငိုက်နေမှုကနေ ကျမ လန့်နိုးသွားပါပြီ။ ထိုင်ခုံပေါ်မှာ ခပ်မတ်မတ် ပြင်ပြီး ထိုင်လိုက်ပါတယ်။

“ကျမကတော့ မထင်ဘူး”

ဒီလိုလဲ ပြောလိုက်ရော အေးဂျင့် Kirwan က ဒုန်းတိတိနဲ့ ၀င်လာပြန်ပါတယ်။

“ရေတပ်ထောက်လှမ်းရေးက ဖိုင်တွေကို မင်းဝင်ပြီး hack ခဲ့တာနဲ့ ပတ်သက်လို့ သဲလွန်စတွေ ရထားတယ်”

“ရေတပ်ထောက်လှမ်းရေးဟုတ်လား။ ရှင်ဆိုလိုတာက ကျမက ရှင်တို့ရဲ့ ဖိုင်တွေကို hack ခဲ့တယ်လို့ ဆိုလိုတာလား”

“မင်းလုပ်ခဲ့တယ်ဆိုတာ တို့သိတယ်”

ပွဲကပြီးသွားပါပြီ။ ကျမ Philadelphia စမ်းသပ်ချက်နဲ့ ပတ်သက်ပြီး လေ့လာစုံစမ်းနေတယ်ဆိုတာ သူတို့ သိသွားပါပြီ။ ခု သူတို့တွေ ကျမကိုလဲ ရထားပြီးပါပြီ။ ပြီးရင် ကျမရဲ့ တွက်ချက်မှုတွေကို သူတို့တွေ အပိုင်သိမ်းကြပါတော့မယ်။ ကျမရဲ့ တွက်ချက်မှုတွေက သူတို့ လက်ထဲမှာ ရှိနေတာတွေထက် ပိုပြီး အဆင့်မြင့်ပါတယ်။

ကျမ ခေါင်းငိုက်စိုက်ချ လိုက်မိပါတော့တယ်။ ကျမကို လက်ထိပ်မခတ်ခင် အေးဂျင့် Kirwan ရဲ့ ခပ်ကြမ်းကြမ်းအသံနဲ့ အခွင့်အရေးရှင်းပြတာတွေကို ကြားရတော့မယ်လို့ ထင်လိုက်မိပါတယ်။

ဒါပေမယ့် ကျမ အေးဂျင့် Kirwan ကို ပြန်ကြည့်လိုက်မိချိန်အထိ တိတ်ဆိတ်နေတုန်းပါပဲ။ သူက လက်ပိုက်ထားပြီး၊ စိုက် ကြည့်နေပါတယ်။ သူ့ဘေးက အေးဂျင့်ကိုလဲ ကျမ လှမ်းကြည့်လိုက်ပါတယ်။ သူကလဲ ငြိမ်သက်နေပါတယ်။ သူတို့ နှစ် ယောက်လုံးက ကျမဆက်ပြောမယ့် စကားကို စောင့်နေကြပုံနဲ့ ကျမကို ကြည့်နေကြပါတယ်။

အဲဒီမှာတင် ကျမလုပ်ထားတာတွေနဲ့ ပတ်သက်ပြီး သူတို့ ဘာမှ မသိဘူးဆိုတာကို ကျမ သိလိုက်ပါတော့တယ်။ သူတို့ သိတာက သူတို့ရဲ့ ဖိုင်တွေကို ကျမ hack လုပ်ခဲ့တာကိုပဲ သိတာပါ။ ဘာကြောင့်လဲ ဆိုတာ သူတို့ မသိပါဘူး။ တော် တော်တုံးတဲ့ လူတွေပဲ။ ကျမ စိတ်ထဲက ပြောလိုက်မိပါတယ်။

ဒါပေမယ့် ကျမစိတ်သက်သာရာ ရသွားတာကို မျက်နှာပေါ်မှာ မပေါ်စေပဲ စိတ်ထဲကပဲ ကြိတ်ပြီး ၀မ်းသာနေမိပါတယ်။ ကျမရဲ့ ယုံကြည်ချက်တွေ ပြန်ရှင်သန်လာပါပြီ။ သူတို့ထက် ကျမ ပိုပြီး လိမ္မာပါးနပ်တယ် ဆိုတာကို ရိပ်မိသွားပါပြီ။ နည်း နည်းလေးထပ်ပြီး ကစားဖို့ ကျမဆုံးဖြတ်လိုက်ပါတယ်။ ကျမ ပြောတာကို သူတို့စောင့်စားနေပါတယ်။ ဒါကြောင့် နောက် ဆုံး ကျမ ပြောလိုက်ပါတယ်။

“ကျမ ဒီလိုလုပ်တာက လုပ်လို့ရမလားဆိုတာ သိချင်လို့ပါ”

ပွဲက ခုမှ တကယ်ပြီးသွားတာပါ။ အေးဂျင့် Kirwan လိုချင်တာက ဒါပါပဲ။ ကျမဟာ သူတို့ကွန်ပျူတာစနစ်ကို စိန်ခေါ်ချင် နေတဲ့ ထက်ထက် မြက်မြက် လူငယ်လေး တယောက်အဆင့်ထက် မပိုပါဘူး။ သူမက ခပ်မတ်မတ် နေလိုက်ပြီး ကျမကို လက်ချာရိုက်ပါတော့တယ်။ ကျမဟာ ဖယ်ဒရယ်ပြစ်မှုကို ကျူးလွန်ခဲ့တယ်။ ဒီလိုကျူးလွန်မှုကြောင့် ကွန်ပျူတာတွေကို သိမ်းဆည်းနိုင်သလို၊ ဒဏ်ငွေအမြောက်အမြားလဲ ရိုက်နိုင်တယ်။ ထောင်လဲကျနိုင်တယ်။ ပြီးတော့ ကျမရဲ့ အဖိုးအတွက် လဲ အရှက်ရစေနိုင်တယ်။

သူမ ဒီလို ပြောနေတဲ့ကာလတလျှောက်မှာ ကြောက်ရွံ့သွားတဲ့ ပုံဖြစ်အောင် ကျမ အတော်ကြီး ကြိုးစားလိုက်ရပါတယ်။ မျက်ရည်တစက်၊ နှစ်စက်တောင် ကျသွားအောင် လုပ်ယူလိုက်နိုင်တယ် ထင်တာပဲ။

“ဒို့လက်ထဲကနေ လွတ်အောင် လုပ်နိုင်လိမ့်မယ်လို့ မင်းဘယ်လိုများ ယုံကြည်ခဲ့တာလဲ” လို့ သူမက ဆိုပါတယ်။

“ကွန်ပျူတာ hackers တွေရဲ့ သဲလွန်စတွေကိုလိုက်ဖို့ ဒို့တွေဆီမှာ နည်းလမ်းစုံ ရှိတယ်”

သူမက ဆက်ပြောပါတယ်။

ပြီးတော့မှ ကျမကို သေချာ စိုက်ကြည့်ပြီး

“ဒီတခါတော့ မင်းကို ပြန်ခွင့်ပြုလိုက်မယ်။ ဒါပေမယ့် ဒီကိစ္စပြီးသေးတာ မဟုတ်ဘူး။ မင်းကို စောင့်ကြည့်နေမယ်။ ဖဒရယ် ဥပဒေကို ထပ်ပြီး ချိုးဖောက်မယ်ဆိုရင် မင်းရဲ့ ခြေထောက် မြေကြီးကို မထိခင်မှာတင် ဒီကို အမြန်ပြန်ရောက်လာလိမ့် မယ်။ မင်းနားလည်လား”

ကျမ သူမကို လှမ်းကြည့်လိုက်ပါတယ်။

“ဟုတ်ကဲ့။ ဒါဆိုကျမ သွားလို့ ရပြီလား”

သူမက ခြေလှမ်းစပြင်လိုက်ပြီး၊ ခေါင်းညိတ်ပြပါတယ်။

“အိမ်ကို ကျမ လမ်းလျှောက်ပြန်ရမလား”

ကျမ ထပ်မေးလိုက်ပါတယ်။

သူမက တံခါးဆီကို လျှောက်သွားနေရာက ခေါင်းပြန်လှည့်ပြီး

“အေးဂျင့် Miller က ကားနဲ့ ပြန်ပို့ပေးလိမ့်မယ်”

“ကျေးဇူးတင်ပါတယ်”

ကျမက ရိုကျိုးစွာနဲ့ပဲ ပြန်ပြောလိုက်ပါတယ်။ ကျမစိတ်ထဲမှာတော့ အောင်မြင်မှု မီးရှူးမီးပန်းတွေ ထွန်းလင်းနေသလိုပါပဲ။ သူတို့က ကျမကို သတိပေးဖို့ ခေါ်လာခဲ့တာပါ။ တနည်းအားဖြင့် ဆိုရင်တော့ ကျမကို ချောက်လှန့်တာပါ။

ကျမ နာရီကို ကြည့်လိုက်ပါတယ်။ အချိန်က (၇) နာရီ ရှိနေပါပြီ။ ကျမ အိမ်ပြန်ရောက်ချိန်ကျရင်တော့ ကျမအဖိုး အိပ်ယာ က နိုးနေလောက် ပါပြီ။

အိမ်ရှေ့ကိုရောက်ချိန်အထိ ကျမ စိတ်ထဲမှာ အောင်ပွဲအရှိန် တက်နေဆဲပါပဲ။ အိမ်ရှေ့ရောက်တော့ အေးဂျင့် Miller က ကားတံခါးဖွင့် ပေးပါတယ်။ ပြီးတော့

“ဒို့တွေ အိမ်ထဲသွားပြီး၊ မင်းအဖိုးနဲ့ စကားပြောကြရအောင်” လို့ ဆက်ပြောလိုက်ပါတယ်။

တစက္ကန့်အတွင်းမှာတင် ကျမရဲ့ အောင်ပွဲအရှိန်တွေ ပျောက်ကွယ် သွားပါတယ်။

“အဖိုးနဲ့ ဟုတ်လား။ သူက ကျမရဲ့ hacking ကိစ္စကို ဘာမှ မသိဘူး”

“ဒါပေမယ့်Philadelphiaစမ်းသပ်ချက်ကိုတော့ သူသိတယ်လေ။ ဟုတ်တယ် မဟုတ်လား”

သူရဲ့ စကားအဆုံးမှာ ကျမ သူ့မျက်လုံးတွေကို ကြည့်လိုက်မိပါတယ်။ အေးစက်တည်ငြိမ်နေတဲ့ အဲဒီမျက်လုံးတွေက ကျမ ဆီမှာ ရှိတဲ့ ဉာဏ်ရည်လိုမျိုး သူ့ဆီမှာလဲ ရှိနေတယ် ဆိုတာကို ပြသနေမှန်း ကျမ ရိပ်မိသွားပါတယ်။

ဒီလိုနဲ့ပဲ ကျမသူ့ကို အိမ်ထဲ ခေါ်သွားလိုက်ရပါတော့တယ်။

(ဆက်လက်ဖော်ပြပါမည်)

ဘာသာပြန်သူ – ခင်မမမျိုး (၁၆၊ ၀၅၊ ၂၀၁၂)

ရေးသားသူ- Terry Deary

စာအုပ်အမည်- ThePhiladelphiaExperiment

စာအုပ်ထုတ်ဝေသည့်နှစ် (၁၉၉၆) ခုနှစ်

စာအုပ်အမျိုးအစား- လူငယ်စာပေ

cartoon Aung Maw ဖေ့စ်ဘွခ်မှ …

အဲဒီလို ဆွေးနွေးခဲ့ရာမှာ နိုင်ငံရေး အကျဉ်းသားများ စားဝတ်နေရေး၊ ကျန်းမာရေးနှင့် နိုင်ငံရေးအကျဉ်းသားဟောင်းများ ၎င်းတို့၏ မိသားစုများ စားဝတ်နေရေး၊ ကျန်းမာရေး၊ ပညာရေးဆိုင်ရာများ ဆွေးနွေးခဲ့တယ်လို့ သိရှိရပြီး အကျဉ်းထောင် တွေထဲမှာ ကျန်ရှိနေသေးတဲ့ နိုင်ငံရေးအကျဉ်းသားတွေ လွတ်မြောက်ရေးနှင့် အခြားသာသနာရေး၊ သံဃာ့အခွင့်အရေး၊ လူ့အခွင့်အရေးဆိုင်ရာ ကိစ္စတွေကို တဆက်တည်း ဆွေးနွေးသွားခဲ့တယ်လို့ သိရှိရပါတယ်။

သူတို့ဟာ ထိုင်းနိုင်ငံ ချွန်ဘူရီမြို့Siam Pattern မှန်စက်ရုံမှာ ၁ နေ့ ဘတ် ၂၀၀ နဲ့ အလုပ်လုပ်ရမယ်ဆိုတဲ့ သဘောတူ ညီချက်နဲ့ ထိုင်းနိုင်ငံမှာ အလုပ်လုပ်မယ့်သူတွေအတွက် ယာယီနိုင်ငံကူးလက်မှတ်လုပ်ပေးတဲ့ ကုမ္ပဏီတခုဖြစ်တဲ့ ဦးစိုးဝင်း ကုမ္ပဏီမှ ပို့ဆောင်ပေးခဲ့တာဖြစ်ပါတယ်။

မေလ ၁၄ ရက်နေ့ က ဘန်ကောက်မြို့ရှိ မြန်မာသံရုံးသို့ တိုင်ကြားထားပေမယ့် လောလောဆယ်မှ နေစရာစားစရာ ခက် ခဲနေတဲ့အတွက် မြန်မာရွှေ့ပြောင်းအလုပ်သမားတွေကို အကူအညီပေးနေတဲ့ ရွှေတွံတေးဆရာတော် အရှင်ဝါယမ က အလုပ်သမား ၁၅ ဦးရဲ့ အခက်အခဲကို ကူညီဖြေရှင်းပေးထားတယ်လို့ သိရှိရပါတယ်။

ယခုအခါ စာရွက်စာတမ်း အထောက်အထားမရှိသေးတဲ့ မြန်မာနိုင်ငံသားတွေကို ထိုင်းနိုင်ငံမှာ အလုပ်သွားလုပ်ချင်ပါက ထိုင်းအလုပ်ရှင်၊ ကုမ္ပဏီတွေက MOU လက်မှတ်တွေနဲ့ နှစ်နိုင်ငံနယ်စပ်ကနေ ခေါ်ထုတ်ပြီး ထိုင်းနိုင်ငံတွင်း နေထိုင်ခွင့် အလုပ်လုပ်ခွင့် ယာယီ နိုင်ငံကူးလက်မှ ရရှိရေးတွေကို အဆင့်ဆင့်ဆောင်ရွက်လုပ်ကိုင်နေကြောင်း သိရှိရပါတယ်။

တတိယအကြိမ်နဲ့ စတုတ္ထအကြိမ် အဖမ်းခံရတော့ ကျမ အိမ်မှာ မရှိဘူး။ ဒိန်းမတ်ပြည် ကိုပင်ဟေဂင်မြို့တော်မှာ ကျင်းပ တဲ့ ဒီမိုကရက်တစ် ကမ္ဘာ့အမျိုးသမီး ညီလာခံကို မြန်မာသတင်းစာဆရာ အမျိုးသမီး ကိုယ်စားလှယ် တယောက်အနေနဲ့ တက်ဖို့ သွားနေတယ်။ လွတ်လပ်ရေး အမျိုးသမီးက ကိုယ်စားလှယ် ဒေါ်ခင်လှရယ်၊ ငြိမ်းချမ်းရေးအဖွဲ့က ဒေါ်ခင်ချစ်ရယ်၊ ကျမရယ် သွားကြတာ၊ ညီလာခံပြီးတော့ မြန်မာနိုင်ငံက လူငယ် ကိုယ်စားလှယ် အဖွဲ့က ကမ္ဘာ့လူငယ်ပွဲတော်ကို အချိန်မီ တက်ရောက်ဖို့ မလာနိုင်လို့ တိုင်းပြည်ရဲ့ အပြင်ရောက်နေတဲ့ ကျမ တက်ခဲ့ပါဆိုတဲ့ ကိုယ်စားလှယ် လွှဲစာရလို့ ကျမက ရူမေးနီးယားနိုင်ငံ ဘူခါရက်စ်မြို့တော်က လူငယ်ပွဲတော်ကိုကူးပြီး တက်နေတယ်။

ဟိုခေတ်က နိုင်ငံတကာ ကွန့်ဖရင့်တွေ ကျင်းပတဲ့အခါ မြန်မာနိုင်ငံက လူထုလူတန်းစား အသင်းအဖွဲ့တွေကိုလည်း ကိုယ် စားလှယ် စေလွှတ်ဖို့ ဖိတ်လေ့ရှိပါတယ်။ အဲဒီလို ဖိတ်တဲ့အခါ အချိန်မီ တက်နိုင်အောင် ဘယ်လိုကြိုးစားပေမယ့် အထစ် အငေါ့ အမျိုးမျိုးနဲ့ ပြည်ပကိုထွက်ရဖို့က သိပ်ခက်ပါတယ်။ အဲဒီတော့ အပြင်ရောက်ပြီးသားလူရှိရင် ဒီလူကိုပဲ ဘယ်ကို လည်း တက်ခဲ့ပါဆိုတာမျိုး လုပ်ရတတ်ပါတယ်။

ကျမ ဘူခါရက်စ်က လူငယ်ပွဲတော် တက်အပြီး ပြန်ခါနီးမှာ မန္တလေးက ကျမတို့တိုက်က အယ်ဒီတာ နှစ်ယောက် ဖြစ်တဲ့ ကိုထွန်းဖေနဲ့ ကိုဆန်းအောင်တို့ လက်မှတ်ထိုးပြီး ဦးလှ အဖမ်းခံရသည်။ သတင်းစာတိုက် ချိပ်ပိတ်ခံရသည် ဆိုတဲ့ ၁၉၅၃ ဩဂုတ် (၁၃) ရက် နေ့စွဲနဲ့ ကြေးနန်း တစောင် ကျမဆီ ရောက်လာပါတယ်။ ဖမ်းတာ ချိပ်ပိတ်တာက ၇၊ ၆၊ ၅၃ နေ့က ပါတဲ့။ သူဆုံးတဲ့ ၇၊ ၈၊ ၈၂ ကနေ ရေရင် (၂၉) နှစ်တိတိပေါ့။

အဲဒီတော့ ရှိရှိသမျှ အစီအစဉ်တွေကို ဖျက်ပြီး အိမ်အမြန်ဆုံးပြန်ဖို့ စီစဉ်ရတာပေါ့။ ပြန်တယ် ဆိုတာကလည်း ဘူခါရက်စ် က မော်စကို၊ မော်စကိုက ပီကင်း၊ ပီးကင်းက ရန်ကုန်ကို ပြန်ရမှာပါ။ နိုင်ငံခြားမှာ လူဖမ်းထားတယ်၊ တိုက် ချိပ်ပိတ်ခံရ တယ် ဆိုတဲ့ သတင်းမျိုးရတော့ အခြေအနေ အတိမ်အနက်ကို ဘာမှ မသိရ။ ကိုယ်အိမ်က ထွက်ခဲ့တာက (၃) လ နီးပါး ရှိနေပြီ ဖြစ်လေတော့ သတင်းစာ အတွက်ရော၊ ခင်ပွန်း အတွက်ရော၊ ထားပစ်ခဲ့တဲ့ ကလေး (၅) ယောက် အတွက်ရော သောက တောင်ထုနဲ့ပေါ့။ နို့ပေမယ့် ခုခေတ်လို ဂျက်လေယာဉ် စီးပြီး ဝုန်းဒိုင်း စိုင်းပြန်ခဲ့လို့ ရတဲ့အချိန်မျိုး မဟုတ်သေး ဘဲကလား။ အဖြစ်နိုင်ဆုံး အမြန်ဆုံးပဲ စီစဉ်ရတာပေါ့။

ဘူခါရက်စ်က မော်စကိုကို ပြန်ရောက်တဲ့အခါ နောက်တနေ့မှာ ကြေးနန်းနှစ်စောင် ထပ်ရပါတယ်။ တစောင်က ပထမ ကြေးနန်းရဲ့ မိတ္တူ အဖမ်းခံရတယ်။ ချိပ်ပိတ်ခံရတယ် ဆိုတဲ့ သတင်း၊ နောက်တစောင်က အာမခံရပြီ၊ တိုက်ဖွင့်ပြီ၊ သတင်းစာ ပြန်ထွက်ပြီ ဆိုတဲ့ သတင်းပါ။ ဒါကို ဖတ်ရတော့ ဝမ်းသာလိုက်ပုံများ ထခုန်မိမတတ်ဘဲ။ ဦးလှက ကျမ ဘယ် ရောက်လို့ ဘယ်ပေါက်နေမှန်း မသိပေမယ့် ခရီးလွန်နေတဲ့ သူ့ဇနီး စိတ်ပူနေရှာမှာ စိုးလို့ စိတ်မပူတော့အောင် ကြေးနန်း ရိုက်ရှာတာကိုး။ ရောက်လေရာ မြန်မာသံရုံးတွေကိုသွားပြီး မြန်မာ သတင်းစာတွေကို ရှာဖတ်ရတာလည်း အမောပဲ။ သ တင်းစာမှာ မင်းမနိုင် ရပ်ကွက်က တဲအိမ်တွေ ဖျက်တဲ့ သတင်း၊ တဲရှင်တွေနဲ့ ဖျက်သူတွေ အဓိကရုဏ်းမှာ သတင်းပေး တာ မှားတယ်ဆိုပြီး အရေးယူတာ ဆိုတဲ့အကြောင်း ဖတ်ရတဲ့ အခါကျမှ လူထုတိုက်ကို အရေးယူတဲ့ ကိစ္စရဲ့ အတိမ်အ နက်ကို ဆဝါးမိရတော့တယ်။ အဲဒါကြောင့် မန္တလေးကို လှမ်းပြီး ကြေးနန်းရိုက် မေးတယ်။ ကျမ ချက်ချင်း ပြန်ခဲ့ရမလား။ ဒါမှမဟုတ် မရောက်ဖူးသေးတဲ့ တရုတ်ပြည်ကို ဝင်လည်ခဲ့ရဦးမလားလို့။ ကျမဖို့ တိုင်းပြည်ရဲ့ အပြင်ဘက်ကို တခေါက် ထွက်ဖို့ဆိုတာ မလွယ်လေတော့ သတင်းစာဆရာ တယောက်အနေနဲ့ သိသင့် မြင်သင့်တာ သိခဲ့ မြင်ခဲ့ချင်တာကလည်း ရှိသေးတယ်။ ဦးလှဆီက ကြေးနန်း ပြန်လာတယ်။ အရေးတကြီး ပြန်ခဲ့စရာမလိုဘူး၊ ကလေးတွေလည်း နေကောင်းကြ တယ်တဲ့။ ဒါကြောင့် မော်စကိုက ပီကင်းကို ကူးခဲ့ပြီး တရုတ်ပြည်မှာ လျှောက်ကြည့်ပါတယ်။

ဦးလှကို မင်းမနိုင် အဓိကရုဏ်းမှာ ဘုန်းကြီးနှစ်ပါး ပျံလွန်တယ်လို့ လူထုသတင်းစာက သတင်းမှားရေးတယ် ဆိုပြီး အ ရေးပေါ် စီမံမှု အက်ဥပဒေပုဒ်မ (၅) နဲ့ ဖမ်းတာ ဖြစ်ပါတယ်။ ဒီပုဒ်မက အာမခံရနိုင်တဲ့ ပုဒ်မ၊ သတင်းမှားတာကလည်း ဦးလှ ရေးတဲ့ သတင်း မဟုတ်။ သတင်းအယ်ဒီတာ ကိုစံဝင်း ရေးတဲ့ သတင်း နောက်တနေ့မှာ အမှားပြင်ဆင်ချက် သ တင်းစာမှာ ထည့်ပြီးဖြစ်လို့ အာမခံ လျှောက်တဲ့အခါ အာမခံရတယ်။ တိုက်ပိတ်တာကိုလည်း ပြန်ဖွင့်ခွင့်ရတယ်။ ဦးလှ ထောင်မှာ (၁၁) ရက်သာ နေခဲ့ရတယ်။ ပြန်လွတ်လာပါတယ်။ ဒါဟာ အမြန်ဆုံးအကြိမ်ပါပဲ။

ကျမလည်း ရန်ကုန်ကို ၅၊ ၁ဝ၊ ၅၃ နေ့မှာ ပြန်ရောက်လာပါတယ်။ ကျမ ပြန်လာလာချင်း ရန်ကုန်ကနေ မန္တလေး ဦးလှဆီ ဖုန်းဆက်ပြီး ရောက်ကြောင်း သတင်းပေးပါတယ်။ ပြီးတော့ ကျမတို့ သတင်းစာနဲ့ ပတ်သက်ပြီး အမှုကိစ္စတွေ ဖြစ်နေရ တော့ ကျမ ရန်ကုန်မှာ ဒီကိစ္စအတွက် ဆောင်ရွက်ခဲ့ဖို့ လိုမလား။ ဘာတွေ လုပ်ခဲ့ရဦးမလဲ။ ဘယ်လူကြီးတွေကို တွေ့ခဲ့ရ ဦးမလဲ၊ စက္ကူကိစ္စ၊ မင်ကိစ္စတွေ ဘာလုပ်ခဲ့ရဦးမလဲ၊ ဘာမှ လုပ်စရာမရှိရင် မနက်ဖြန် မန္တလေး ပြန်ခဲ့မယ်လို့ မေးတော့ ဦးလှက ဖုန်းကနေပြီး ကျမကို ရန်ကုန်မှာ တရက်နေပြီး ဘာတွေ လုပ်ခဲ့ဦး ဆိုတာ ခိုင်းပါတယ်။ ဒါကြောင့် ကျမက အဲဒီ တရက်ဖြစ်တဲ့ (၆) ရက်နေ့ ညနေမှာလည်း သူခိုင်းတာတွေ လုပ်ပြီးပြီ။ နက်ဖြန်မနက်တော့ လေယာဉ်နဲ့ ပြန်ခဲ့တော့မယ်။ ကွင်းကို လာကြိုရင် ကလေးတွေ အားလုံးခေါ်ပြီး လာကြိုပါလို့ သူ့ကို ပြောရပါတယ်။ နိုင်ငံခြားကိုသွားရမယ် ဆိုပေမယ့် သားအငယ်ဆုံး ဘိုညိုက အခါလည်းနဲ့ (၈) လသား ရှိသေးတာ။ အစ်မဝမ်းကွဲ ဒေါ်စိန်စိန်က ဘိုညိုကို မွေးပေးနေလို့သာ စိတ်ချလက်ချ သွားခဲ့ရတာကလား။ အဲဒီတော့ လေယာဉ်ပျံ ဆိုက်တယ်ဆိုရင် အမေ တယောက်အနေနဲ့ အားလုံးကို စုံစုံ စေ့စေ့ မြင်ချင်တယ်လေ။ ကျမ အိမ်က ထွက်သွားတာကလည်း ဘာလိုလိုနဲ့ (၄) လ ကျော်ပြီကိုး။

ကျမတို့ နှစ်ယောက် ပြောစရာ၊ မှာစရာတွေ ပြောမှာပြီးတဲ့အခါ မနက်စောစော လေယာဉ်စီးဖို့ ရန်ကုန်တိုက်ခွဲ (၅ဝ၁၊ ကုန် သည်လမ်း) မှာ ကျမ အိပ်တယ်။ မနက် (၅) နာရီ ကွင်း အရောက်လာပြီး (၆) နာရီ ထွက်မယ့် လေယာဉ်ကို စီးပြန်ခဲ့ပါ တယ်။

မန္တလေး လေဆိပ်ကို ဆိုက်လို့ လေယာဉ်ပေါ်က ဆင်းလာတော့ သားသမီးတွေနဲ့ တူတော်တဲ့ မောင်မောင်နဲ့ ကျမ အမေ က လာကြိုနေတယ်။ ဦးလှ မပါဘူး။ ဒါနဲ့ ကျမက မနေနိုင်လို့ “မောင်မောင် မင်းဦးလေးကော” လို့ မေးတော့၊ ဒီကောင်က မပြုံးချင်ဘဲနဲ့ ပြုံးပြနေပါတယ်။ ဒါလောက်ဆိုတော့ ကျမက သိပါပြီ။ “အိမ်မှာ မရှိဘူးလား” လို့ မေးတော့၊ “မရှိဘူး” တဲ့။

ကျမမှာ ဝမ်းသာအားရ မိသားဖသား အတူတူ ပြန်လာမယ့်အစား လေယာဉ်ကွင်းက အိမ်ကို ရင်ထဲ ခိုးလိုးခုလုနဲ့ ကလေး တွေကိုသာ လူစေ့အောင် လိုက်ကြည့် နှုတ်ဆက်ပြီး ပြန်လာရတယ်။

အိမ်ရောက်တော့ ဦးလှကို လာဖမ်းသွားတာ ခုမှ နာရီဝက်သာသာလေးရှိသေးတယ်လို့ ပြောပါတယ်။ အာမခံရပြီးသားကို ဘာနဲ့ ဖမ်းပြန်တာလဲလို့ မေးတော့ နိုင်ငံရေး ပုဒ်မ (၅) နဲ့တဲ့။ ကဲ ဒါဖြင့် နိုင်ငံခြားက အခုမှ ပြန်ရောက်လာတာ ဦးလှနဲ့ တွေ့ခွင့်ပေးပါလို့ အရေးပိုင်ကတဆင့် တွေ့ခွင့်တောင်းတော့ ကနေ့ ခွင့်မပြုနိုင်ဘူး၊ နက်ဖြန်မှ ခွင့်ပြုမယ်လို့ ဆိုလို့ (၁) ရက်နေပြီးမှ ထောင်ဝင်စာခံပြီး သွားတွေ့ရပါတယ်။

မန္တလေးထောင်ကြီးထဲမှာ ဦးလှကို ပုဒ်မ (၅) နဲ့ (၃) လ နဲ့ (၁၃) ရက် ချုပ်နှောင်ပြီးတဲ့ အခါ ဦးလှအပေါ် စွဲဆိုထားတဲ့ မင်း မနိုင် သတင်းမှားမှုကို မန္တလေးမှာ မစစ်ဘဲ ရန်ကုန်ပြောင်းပြီး စစ်ပါရစေလို့ အမှုသည် တရားလို အစိုးရက တရားလွှတ် တော်မှာ ရုံးပြောင်း လျှောက်ထားပြီး ဦးလှကို ရန်ကုန်ထောင်ကြီး ရွှေ့ခေါ်သွားပါတော့တယ်။

မန္တလေးမှာ ချုပ်ထားတုန်းကလည်း ထောင်ဝင်စာ ကျမ လာတွေ့တိုင်း စုံထောက် နှစ်ယောက်က လင်မယားကြားမှာ ငုတ် တုတ်ကြီး ထိုင်နေရက်နဲ့ တွေ့ရတာပါ။

ရန်ကုန်မှာ ဒီအမှုကို စစ်ပါတယ်။ ပြီးတော့ အောက်ရုံးက ထောင် (၉) လ အပြစ် ပေးပါတယ်။ တရားလွှတ်တော်မှာ အယူ ခံတော့ အယူခံနိုင်ပါတယ်။ ဒီအမှုနဲ့ ပတ်သတ်ပြီး ဦးလှက ကျမဆီ ဘယ်လို စာရေးလဲ ဆိုတော့၊

ဗဟိုစံပြထောင်

ရန်ကုန်

၂၂၊ ၅၊ ၅၆

“မာ,

ကိုယ်ထောင်ကျပြီ၊ အပါ ကြေးနန်း ရိုက်ရင်တော့ မင်းတို့ သိနှင့်ရောပေါ့။

ဝမ်းသာလိုက်တာကွာ၊ ထောင်ကလေး ကျရပါမည့်အကြောင်း သားတကွဲ မယားတကွဲ မန္တလေးက ရန်ကုန်ကိုလည်း လာ နေရသေး၊ တရားသူကြီး (၃) ယောက်၊ အစိုရရှေ့နေ (၃) ယောက် ပြောင်းပြီး (၂) နှစ် (၇) လနဲ့ (၁၄) ရက်လည်း ကြာ အောင် စောင့်ရသေး။ အခုဖြင့် အမှုပြီးပြီ။ မွေးပြီး ဖွားပြီးတဲ့ ကိုယ်ဝန်ဆောင်လိုပဲ ပေါ့ပါးသွားပြီ။

ဒါတောင် ရိုးရိုးမအောက်မေ့နဲ့ ရဲမေ၊ တရားသူကြီးကို အတင်းချခိုင်းရတာ။ ထောင်ချချင် ချပါ။ မြန်မြန်ချပါ။ အမှုပြီးရင် တော်ပါပြီလို့ ပြောရတာ။

အစိုးရက ဟိုက်ကုတ် တရားလွှတ်တော် လျှောက်ပြီး မန္တလေးက ရန်ကုန် ပြောင်းလာတဲ့ အထိ ကျားကုတ်ကျားခဲ လုပ် ထားတဲ့ အမှုမို့ တရားသူကြီးလည်း အများကြီး စဉ်းစားရမှာပဲ။

အမှု အကြောင်းရင်းခံတဲ့ မိုင်ဒါကွင်းထဲက မင်းမနိုင်ကွက်သစ်မှာ တဲတွေ မရှိတော့ဘဲ တိုက်ကြီးတွေပင် ဆောက်ပြီးပါပြီ။ လူတွေပင် တတ်နေကုန်ပါပြီ။ အမှုကို ပြီးအောင် လုပ်ပေးပါ။ ချရမည့် အတူတူဖြင့် ဆဋ္ဌသင်္ဂါယနာတင် ဆုမှတ်ရက် အမီ မြန်မြန် ထောင်ချပေးပါ။ ကဆုန်လပြည့် မတိုင်မီ စီရင်ချက်ချပေးပါလို့ ဆိုတဲ့အတွက် တရားသူကြီး ဂျက်ဦးလှမောင် လည်း မနေ့က တနေ့လုံး ကိုယ့်ကို ထောင်ချဖို့ ပြင်ဆင်ရ၊ ဥပဒေရှာရ၊ စီရင်ချက် ရေးရရှာတယ်၊ လက်ရေးတို ရေးတတ် တဲ့ အမျိုးသမီးတယောက်ရဲ့ အကူအညီလည်း ယူရတယ်။ တခြားအမှုတွေ ရက်ရွှေ့ချိန်းပြီး ကိုယ့်တောင်းဆိုချက်ကို လိုက်လျောဖို့ မအားရရှာဘူး။ လက်ဖက်ရည်ကလေး ဘာလေး တိုက်ချင်ပါရဲ့၊ လာဘ်ထိုးတယ် ဖြစ်မှာ စိုးရသေးတယ်။ နောက်ပြီး တရားသူကြီးက လက်ဖက်ရည်ကြိုက်မှ ကြိုက်ရဲ့လားလည်း မသိဘူး။

ကိုယ့်အမှု စီရင်ချက် ချမယ့်နေ့မို့ ကိုယ့်တို့ ဆွေမျိုးတွေ မိတ်ဆွေတွေလည်း လာကြတယ်။ အစိုးရဘက်က စုံထောက်တွေ လည်း လာကြတယ်။

ကိုယ်တို့ဝတ်လုံကိုအေးမောင်ကတော့ ရိပ်မိတယ်။ ‘ထောင်ချမှာပဲ ကိုလှ၊ (၆) လ – (၉) လ တခုခုပဲ။ တနှစ်တော့လည်း သူမချနိုင်ဘူး’ လို့ လွန်ခဲ့တဲ့ တလလောက် ကတည်းက ပြောနေတာပဲ။ သူက အတွေ့အကြုံကလည်းများ၊ လူကဲကလည်း ခတ်တတ်လှပြီမို့ ဗေဒင်ဆရာလို ဖြစ်နေပြီပေါ့။ ဟိုက်ကုတ် ရောက်ရင်တော့ ပြန်နိုင်မှာပဲတဲ့။

တရားသူကြီး ဂျက်ဦးလှမောင်ဟာ ညနေ (၃) နာရီလောက်မှာ အားနေတဲ့ ရှေ့နေတွေ၊ ဝတ်လုံတွေ သူ့ရုံးကို ဖိတ်ပြီး အ စိုးရရှေ့နေ၊ တရားခံရှေ့နေ၊ ကိုယ့်ကို တရားစွဲရတဲ့ တရားလို တိုက်ပိုင်ဦးစီး (အခုတော့ ဝန်ထောက်) နှင့် ပရိသတ်များ ရှေ့မှာ သူသည် စီရင်ချက်ကို တရားသဖြင့် အကျဆုံး ရေးထားသည်ကို ကြားနားစေလို၍ ဝတ်လုံ ရှေ့နေရှေ့ရပ်များကိုပါ ဖိတ်ကြား နားထောင်စေရတဲ့ အကြောင်း စကားပလ္လင်ခံပြီး ကိုယ့်ကို ထောင် (၉) လ ချတယ် ဆိုတဲ့ စီရင်ချက်ကို ဖတ်ပြ တာပဲ။ ကိုယ်နဲ့ အနီးဆုံး ထိုင်နေတာကတော့ ဇဝန ကိုသိန်းနဲ့ အိုးဝေ ကိုညိုမြပေါ့။ ဝတ်လုံ ကိုအေးမောင်ကတော့ ရှေ့ နားမှာ ဣနြေ္ဒသိက္ခာနဲ့ မျက်နှာကလည်း တင်းလိုက်ပါဘိ။ ကိုယ်ကတော့ ခပ်ပြုံးပြုံးပဲ။ တမင်ပြုံးတာ မဟုတ်ပါဘူး။ ပြုံးကို ပြုံးချင်နေတာပါ။ ငေါင်းဆူ လူမသိဘဲကိုး။

တရားသူကြီးက စီရင်ချက်ကို ဖတ်ပြီးတဲ့နောက် ကိုယ့်ကို လှမ်းကြည့်တယ်။ မျက်နှာ တယ်မကောင်းရှာဘူး။ ကိုယ်က ‘ကိစ္စမရှိပါဘူး၊ ကျေးဇူးတင်ပါတယ်’ လို့ ပြောလိုက်တယ်။ တရားသူကြီးက ‘ကျနော်လည်း ဒီထက် မတတ်နိုင်တော့ဘူး’ လို့ ပြောလိုက်တော့ ပရိသတ်က ရယ်ကြတယ်။ တရားသူကြီး ဂျက်ဦးလှမောင်လည်း တရားခွင်ပေါ်က ဒေါက်ဒေါက်နဲ့ တခါတည်း ဆင်းသွားပြီး သူ့အခန်းထဲမှာ သွားနေတာပဲ။

တူတွေ၊ တူမတွေ၊ အစ်မတွေ၊ အစ်ကိုတွေ၊ ဆွေမျိုး ဉာတိတွေ၊ မိတ်ဆွေတွေကတော့ ထောင်ကျရခြင်း ဆိုပြီး စိတ်မ ကောင်းကြဘူး။ ကိုယ်ကတော့ အမှုပြီးလို့ ဝန်ထုပ်ကြီး ပေါ့သွားလို့ ဝမ်းသာလိုက်တာ။ မပြောပါနဲ့တော့။

ထောင်ကို ပြန်ရောက်တဲ့အခါ ဝိုင်းပြီး မေးကြတော့ (၉) လ ချလိုက်တဲ့အကြောင်း ပြောလိုက်တာနဲ့ တပြိုင်တည်း တ ယောက်က ‘လွတ်လူ၊ လွတ်လူ’ နဲ့ အော်တော့တာပဲ။ ‘မဟုတ်သေးပါဘူး၊ ခုမှ ထောင်ကျ လူသစ် ဝင်လာတာ၊ ဘယ့်နှယ် လွတ်လူ အော်နေတာလဲ’ လို့ မေးတော့ ‘ဆဋ္ဌသင်္ဂါယနာတင် ပွဲတော်ကြီး ဝှဲ့ချီးကျင်းပတာ အောင်မြင်တဲ့ အထိမ်းအမှတ်နဲ့ အစိုးရက ပေးထားက ဆုမှတ်ရက် (၆) လ၊ ထောင်ပိုင်ပေးမှာက (၃) လ၊ (၉) လ ဆိုတော့ ကဆုန်လဆန်း (၁၄) ရက် အဖိတ်နေ့ နက်ဖြန်မှာ လွတ်ပြီ’ လို့ တွက်ပြတယ်။ သူ့ဟာ ဟုတ်သတဲ့။

ကဲ အမှုပြီးပြီ၊ ထောင်ကျတာကတော့ လွတ်ပါပြီပဲ ဆိုပါတော့၊ ဘကြီးမေတ္တာတုံး ပုဒ်မ (၅) ပဲ ကျန်တော့တယ်။ စာရေး ဆရာ ဗန်းမောင်းတင်အောင် တို့လို အမှု အပြစ်ရလို့ ခံပြီး လွတ်ခါနီးမှ အမှုသစ်ရလို့ တခု ထပ်တင်တာမျိုးတော့ လုပ်စရာ ရှိမယ် မထင်ပါဘူး၊ လုပ်ရင်လည်း ဘယ်လိုမှ မတတ်နိုင်ဘူး၊ ခံရုံပဲ ရှိတာပဲ”

လို့ စာရေးပါတယ်။ အဲဒီအမှုရယ်၊ ထပ်ဖမ်းတဲ့ ပုဒ်မ (၅) ရယ် အားလုံး စုစုပေါင်း (၃) နှစ် (၃) လနဲ့ (၇) ရက် ထောင်ထဲ နေခဲ့ရပါတယ်။ ၁၄၊ ၁၊ ၅၇ ရက်နေ့ကမှ ရန်ကုန်ထောင်ကြီးက လွတ်လာပါတယ်။

ဦးလှကို ရန်ကုန် ထောင်ထဲမှာထားတော့ ဟိုခေတ်က စံပြဗဟို ထောင်ကြီးထဲမှာ နိုင်ငံရေး အကျဉ်းသမားမို့ ဘီကလပ်စ် ဆိုတဲ့ အထူးတန်းမှာတော့ နေခဲ့ရပါရဲ့။ ကျမ အဖမ်းခံရပြီ၊ ဆရာကြီး ရွှေဥဒေါင်း အဖမ်းခံရပြန်ပြီ၊ အာမခံ သိမ်းပြန်ပြီ ဆိုတဲ့ သတင်းတွေကြောင့် ဦးလှမှာ စိတ်သောက အမျိုးမျိုး ရောက်ရှာပါသေးတယ်။

အမှုမပြီးခင် (၁) လလောက်အလို ၁၈၊ ၄၊ ၅၆ နေ့ထုတ် ဗမာ့ခေတ် သတင်းစာနဲ့ ဟံသာဝတီ သတင်းစာမှာ လူထု သတင်းစာက အယ်ဒီတာချုပ် ဆရာကြီး ရွှေဥဒေါင်းနဲ့ ကျမကို ဖမ်းတယ်၊ အာမခံ မရဘူးလို့ သတင်း ပါလာပါတယ်။ ဒီသတင်းကို ဦးလှတို့ ထောင်ထဲက ဖတ်ကြရတော့ ဦးလှ ခမျာမှာ စိတ်သောက အမျိုးမျိုး ရောက်ရပြန်ပြီပေါ့။

နို့ပေမယ့် အဲဒီ သတင်းပါတဲ့ နေ့က ဘယ်သူ့ကိုမှ မဖမ်းဖြစ်ဘဲ နောက်တလလောက် ရှိမှ ဆရာကြီး ရွှေဥဒေါင်း တ ယောက်တည်းကို ပုဒ်မ ၁၂၄ (က) နဲ့ ဖမ်းပြီး ပုံနှိပ်တိုက်ကို အာမခံငွေ ၃,ဝဝဝိ/- အတောင်းခံရပါတယ်။ လူကို မဖမ်းသေး ဘဲ ဖမ်းတယ်လို့ သတင်းစာတွေမှာ သတင်းပါနှင့်တော့ ဆန်းတော့ ဆန်းသလို ရှိမှာပေါ့။ ကျမတို့ ခံရပုံကတော့ ဆန်းတာ တွေ အများကြီးပါ။ ၁၉၅၆ ခု၊ သင်္ကြန်မတိုင်မီ ၃-၄ ရက်ကတည်းက ယုံကြည် စိတ်ချလောက်တဲ့ လူတယောက်ဆီက ၁၉၊ ၄၊ ၅၆ နေ့မှာ ကျမနဲ့ ဆရာကြီး ရွှေဥဒေါင်းကို ဖမ်းလိမ့်မယ်၊ ဖမ်းဖို့ အမိန့်စာ သက်ဆိုင်ရာရဲလက် ရောက်နေပြီ၊ အိပ်ရာ လိပ် ပြင်ထားကြလို့ သတင်း ပေးလာပါတယ်။ ဒါကြောင့် ဦးလေးသိန်းကိုလည်း စိတ်မကောင်းပေမယ့် သွားပြီး သတင်း ပေးထားနှင့်ရတယ်။ ကျမလည်း အိပ်ရာလိပ် ပြင်ထားရတယ်။

အဲဒီလို ပြင်ရင်းက ကျမတို့ကို ဖမ်းဖို့ အမိန့်ပေးနိုင်၊ အမိန့်ကို ပြန်ရုပ်သိမ်းနိုင်တဲ့ လူဆီကို သတင်းချက်ချင်း ရောက်အောင် ပို့ပေးနိုင်မယ့် ပုဂ္ဂိုလ် တဦးနဲ့ ကျမက တွေ့ရတယ်။ တွေ့ပြီး ကျမ ပြောပြတာကတော့၊

“ကျမကို ဖမ်းမယ် ကြားတယ်၊ ဖမ်းရင် ဘာပုဒ်မနဲ့ ဖမ်းမှာတဲ့လဲ။ လူထု သတင်းစာမှာ ပါတဲ့ ကိစ္စ တခုခုနဲ့ အမှုလုပ်ပြီး ဖမ်း မယ် ဆိုရင် ကျမနဲ့ လူထု သတင်းစာနဲ့ ဆက်စပ်လို့ ရမှာ မဟုတ်ဘူး။ အယ်ဒီတာချုပ်က ရွှေဥဒေါင်း၊ သတင်းစာ တာဝန်ခံ အယ်ဒီတာက ဦးလှလို့ သတင်းစာမှာ ကြေညာပြီး ကျမ နာမည် သတင်းစာမှာ ဘယ်မှာမှ မပါဘူး။ ပြီးတော့ ဒီသတင်း စာရဲ့ ထုတ်ဝေသူနဲ့ ပုံနှိပ်သူကလည်း ကျမ မဟုတ်ဘူး။ Press Declaration ခေါ်တဲ့ ပုံနှိပ်တိုက်ကို ပိုင်ဆိုင်သူ အဖြစ် ရုံးတော်မှာ ကြေညာထားတာကလည်း ဦးလှပဲ။ အဲဒီရုံးတော်မှာ ကျမ်းကျိန် ကြေညာချက်တွေ မန္တလေးကို ကရင်ဝင် တုန်းက ရုံးကြီး မီးရှို့ခံရလို့ အစိုးရဆီမှာ လက်ခံမရှိတော့ဘဲ ဖြစ်ချင် ဖြစ်မယ်။ ကျမတို့ဆီမှာတော့ ကောင်းကောင်း သိမ်း ထားရတာမို့ ရှိနေတယ်။ ဒါဖြင့် နိုင်ငံရေး ပုဒ်မ (၅) နဲ့ပဲ ဖမ်းတယ်ဆိုရင်လည်း ရွေးကောက်ပွဲက နီးလုပြီ။ ကျမနဲ့ ဆရာ ကြီး ရွှေဥဒေါင်းကို ဖမ်းသွားရင် အတိုက်အခံဘက်က အရွေးခံကြမယ့် လူတွေက ဒီအစိုးရဟာ သတင်းစာ တစောင်အ ပေါ် ဘယ်လိုအထိ ဖိနှိပ်သလဲဆိုတာ သိချင်ရင် ဟောဒီ ကလေး (၅) ယောက်ကိုသာပဲ ကြည့်ပါတော့ ဆိုပြီး အဖေရော၊ အမေရော ထောင်ထဲ ရောက်နေတဲ့ ကျမတို့ ကလေးတွေကို လက်ဆွဲပြီး မဲတောင်းကုန်ကြလိမ့်မယ်၊ မလုပ်ပါနဲ့လို့ ကျမ က ပြောပြလိုက်ပါတယ်”

ကျမ ထင်တဲ့အတိုင်း အလုပ်ဖြစ်သွားတယ် ထင်ပါရဲ့။ ဖမ်းမယ် ကြားတဲ့နေ့က ကျမတို့ နှစ်ယောက်ကို မဖမ်းပါဘူး။ နို့ပေ မယ့် သတင်းစာတွေကတော့ အသေအချာ သတင်းရပြီးမို့ ဖမ်းတယ်လို့ ထည့်လိုက်ကြတာ ဖြစ်ပါလိမ့်မယ်။

အဲ တလလောက် အနေမှာ သတင်းစာကို အာမခံ တင်ခိုင်းပြီး ဆရာကြီး ရွှေဥဒေါင်းကို ဖမ်းပြန်ပါတယ်။ ဖမ်းတဲ့ အပြစ်က လွန်ခဲ့တဲ့ (၇) လလောက်က သတင်းစာမှာ ဖော်ပြတဲ့ ပြူစောထီး တပ်ဖွဲ့ကို ဝေဖန်တဲ့ ခေါင်းကြီးပိုင်းကို ဖော်ပြလို့ ဖြစ်ပါ သတဲ့။

အဲဒီတုန်းက ဦးလှက ရန်ကုန် ထောင်ကြီးထဲကနေပြီး ကျမဆီကို ဘယ်လို စာရေးသလဲ ဆိုတော့၊

စာမှတ် (၄၆)

ဗဟိုစံပြထောင်

ရန်ကုန်

၁၂၊ ၅၊ ၅၆

“မာ,

မင်းတို့ဆီ စာမရေးပေမယ့် ဘာသတင်းများ ကြားရမလဲလို့ စိတ်တပူပူနဲ့ နားစွင့် နေခဲ့ပါတယ်။ ရွေးကောက်ပွဲတွေ ပြီးလာ ရင် ပြူစောထီး ခေါင်းကြီးပိုင်းကိစ္စဟာ လာလိမ့်မယ်လို့ ထင်နေတာ၊ အခုဖြင့် မောင်မင်းကြီးသား ကြွလာပြီပေါ့လေ။

၁၉၅၅ ခုနှစ်၊ အောက်တိုဘာလ (၂၅) ရက်နေ့ထုတ် သတင်းစာမှာ ပါတဲ့ ပြူစောထီးအကြောင်း ဝေဖန်တဲ့ ခေါင်းကြီးပိုင်း ကို (၇) လလောက်ကြာမှ ခုအရေးယူတယ် ဆိုတော့ ချက်ချင်း အရေးမယူတဲ့ ဒီမိုကရေစီ အခွင့်အရေးအတွက် ကျေးဇူး တင်စရာကြီးပေါ့ကွယ်။ (၇) လလုံးလုံး သည်းခံအောင့်အည်း ဆိုင်းငံ့ကြတယ်။ မေလ (၆) ရက်နေ့က အဲဒီ ခေါင်းကြီးပိုင်း အတွက် ငွေ ၃,ဝဝဝိ/- အာမခံတင်ဖို့ ပြည်ထဲရေး ဌာနက အမိန့်စာလာတယ်ဆိုတဲ့ မင်းဆီက စာလည်း ရပါတယ်။ သတင်းစာတွေမှာလည်း ဖတ်လိုက်ရတယ်။ ကိုယ်လည်း တယ်ပြီး စိတ်မကောင်းတာနဲ့ မင်းဆီ ဘာစာမှ မရေးဘူး။ အစိုး ရ ဌာနက ကြော်ငြာဆိုလို့ လွန်ခဲ့တဲ့ ၄-၅ နှစ် ကတည်းက မရခဲ့တဲ့ မြန်မာပြည်မှာ တစောင် နှစ်စောင်တည်းသာရှိတဲ့ သတင်းစာပါ။ နိုင်ငံခြားသား ကုမ္ပဏီကြီးတွေက ကြော်ငြာမရတဲ့ တို့ရဲ့ လူထု သတင်းစာကဖြင့် နိုင်ငံတော်အစိုးရကို ငွေ ၃,ဝဝဝိ/- (ဝန်ကြီး ၂ ပါးရဲ့ တလခစာ) ရန်ပုံငွေ ထည့်ဝင်ရပြီပေါ့လို့ စာရေးမလို့ပဲ၊ ဒေါသသံ၊ မောဟသံ ပါမှာစိုးလို့ မရေး ဘဲ နေခဲ့ရတယ်။ ခုလောက်ဆို ပေါင်နှံ ရှာဖွေပြီး တင်ပြီးပြီလို့ ထင်ပါတယ်။

ဒီလောက်နဲ့ပဲ မောင်မင်းကြီးသားများ ပြီးကြပါစေလို့ အောက်မေ့ ဆုတောင်းခဲ့တယ်။ ဆုသာ တောင်းရတယ် အသံဗလံ တွေက ကြားနေရတဲ့ အတွက် ဆုတောင်းပြည့်မယ်လို့ မထင်မိဘူး။ ဒီနေ့ သတင်းစာတွေမှာတော့ ဦးလေးသိန်း (ဆရာ ကြီး ရွှေဥဒေါင်း) ကို အဲဒီ ပြူစောထီး ခေါင်းကြီးပိုင်း အတွက် ပုဒ်မ ၁၂၄ (က) နဲ့ အရေးယူပြန်ပြီလို့ ဖတ်ရပြန်တယ်။ အာ မခံငွေလည်း တင်ခိုင်းတယ်။ ထောင်ထဲမှာ မဟုတ်ဘဲ အပြင်မှာ ရှိနေတဲ့ အယ်ဒီတာချုပ်ကိုလည်း ထပ်ဖမ်းပြန်တယ် ပေါ့ လေ။ ဥပဒေ အနေနဲ့ လုပ်နိုင်တာတော့ အကုန် လုပ်လိုက်ကြတာပဲ၊ ဒိထက် ထပ်လုပ်စရာ ဥပဒေကြောင်းနဲ့တော့ ဘာမှ မကျန်နိုင်တော့ပေဘူး။ ဥပဒေကို ဒိထက်ပိုပြီး ဆန့်လို့လည်း မကောင်းတော့ပေဘူး။ ၁၂၄ (က) ဆိုတာ မင်းဘာသာပြန် တဲ့ မောရစ်ကောလစ်ရဲ့ ‘မြန်မာပြည်တွင် စစ်ဆေးခဲ့သော အမှုအခင်းများ အကြောင်း’ စာအုပ်ထဲမှာ ဗြိတိသျှလူမျိုး အရေး ပိုင် မစ္စတာကောလစ်က တော်တော်ကလေး ပေါ်ပေါ်လွင်လွင် ဖော်ပြခဲ့တဲ့ ဥပဒေပဲ။ တို့မိတ်ဆွေတွေ အစိုးရ တက်ဖြစ် နေတဲ့ ဒို့မြန်မာအစိုးရက ဗြိတိသျှတို့ဆီက ရလိုက်တဲ့ ‘အမွေဆိုး လက်နက်ဆိုး’ ရဲ့ ဒဏ်ကိုဖြင့် ဒို့တတွေ အများဆုံး လှလှကြီး ခံနေကြရတာပေါ့လေ။

အာမခံငွေလည်း တင်ခိုင်း၊ လူကိုလည်း ဖမ်းပြီး ထောင်ထဲပို့၊ တရားစွဲ၊ အာမခံမပေး၊ ချုပ်ထား၊ ထောင် ၃-၄ နှစ် ချဖို့ အ မှုလုပ်၊ မကျသည်ထားဦး အနည်းဆုံး ၄-၅-၆ လ တနှစ်တော့ အမှုစစ်နေတဲ့ အတောအတွင်း ထောင်ထဲမှာ နေဖို့တော့ သေချာတယ်။ ဦးလေးသိန်းကြီး ဒုက္ခတွေ ဒီလောက် မရောက်စေချင်ဘူး။ ကိုယ်သာ တာဝန်ခံ အယ်ဒီတာ ဖြစ်တဲ့အတွက် ဒီအမှုကို ကိုယ့်ပေါ် ပြောင်းခိုင်းဖို့ လျှောက်ရင် ရနိုင်မလား။ မစ္စတာ ဗားမားတို့၊ မစ္စတာဘို့စ်တို့၊ ဦးမြစိန်တို့ ဝတ်လုံတွေကို မေးကြည့်ပါ။ ရနိုင်ရင် အင်မတန် ကောင်းမယ်။ ကိုယ်ကတော့ မထူးဘူး၊ ပုဒ်မ (၅) သမားပဲ။ အမှုရှိလည်း ဒီထောင်ထဲမှာ နေရမှာပဲ၊ မရှိလည်း ထောင်ထဲ နေရမှာပဲ။

မင်းမိတ်ဆွေ မစ္စတာ ကောလစ်က ရန်ကုန် အရေးပိုင် အဖြစ်နဲ့ အမှုထမ်းနေရခိုက် အိန္ဒိယ အမျိုးသား ခေါင်းဆောင်ကြီး တဦးဖြစ်တဲ့ မစ္စတာ ဆင်ဂုပတားကို ဖမ်းဆီး အရေးယူ စစ်ဆေးရတာလည်း ဆရာကြီး ရွှေဥဒေါင်းကို အခုတပ်ထားတဲ့ ဒီပုဒ်မ ၁၂၄ (က) နှင့်ပဲ မဟုတ်လား။ အဲဒီပုဒ်မအကြောင်း သူရေးသားလိုက်ပုံက ကိုယ်မှတ်မိသလောက်ကတော့ ဒီ ဥပ ဒေဟာ အစိုးရ အဖွဲ့ တဖွဲ့ကို မဆိုထားနဲ့၊ တိုင်းပြည်ရဲ့ အလံ သို့မဟုတ် ရုံးတွင် ချိတ်ဆွဲထားတဲ့ ဘုရင်ရဲ့ ရုပ်ပုံကိုသော်မှ မကြိုက်မနှစ်သက်တဲ့ သဘောနဲ့ နှာခေါင်း ရှုံ့ပြမယ်၊ မျက်စောင်းထိုးသွားမယ် ဆိုရင် အစိုးရကို အကြည်အညို ပျက်စေ တယ် ဆိုပြီး အရေးယူနိုင် အပြစ်ပေးနိုင်တယ်ဆို မဟုတ်လား။

အာမခံ ၃,ဝဝဝိ/-တောင်းတဲ့ ပုံနှိပ်တိုက် လတ်တလော ဥပဒေ ဆိုတာကလည်း ၁၉၃၁ ခုနှစ်က အိန္ဒိယပြည်မှာ လုပ်တာ။ အစိုးရ လုပ်ကိုင်ပုံ မူမမှန်တာ၊ ဖောက်ပြန်တာတွေကို ရေးသား ဝေဖန်ရင် နောင်ဒီလို မရေးသား ပုံမနှိပ်ရဲအောင် အာမခံ တောင်းတဲ့ ဥပဒေပဲ။

၁၉၃ဝ-၃၁ ခုနှစ် ဆိုတာ မြန်မာပြည်၊ အိန္ဒိယပြည်နဲ့ တကမ္ဘာလုံးမှာ မကြုံဘူးတဲ့ စီးပွားရေးကပ်ကြီး ဆိုက်တဲ့ အချိန်ပဲ။ ဒို့ ဆီမှာ ဆရာစံ သူပုန်ထတဲ့ နှစ်လောက်ပဲ မဟုတ်လား။ အိန္ဒိယပြည်မှာ မဟတ္တမဂန္ဒီက ဦစီးပြီး အင်အားကောင်းကောင်းနဲ့ အစိုးရကို တိုက်နေတဲ့ အချိန်ပေါ့။ သတင်းစာ၊ ဂျာနယ်၊ မဂ္ဂဇင်းတွေက ပြည်သူတွေဘက်က ရေးမယ်။ အစိုးရ လုပ်ပုံတွေ မကောင်းကြောင်း ရေးမယ် ဆိုရင် အဲဒီ ပုံနှိပ်တိုက်တော့ ဥပဒေနဲ့ လက်တလော တွေ့တော့တာပဲ။ နိုင်ငံရေးသမား ဆိုတာ အဖိနှိပ်ခံရသူတွေ ဖြစ်တော့ ငွေလည်း မပေါဘူး၊ အာမခံငွေလည်း မတင်နိုင်ကြဘူး၊ ကြာတော့ သူတို့ အာဘော်တွေကို ဘယ်ပုံနှိပ်တိုက်ကမှလည်း ရိုက်မပေးရဲကြဘူး။ အဲဒီလို ချုပ်ချယ် ဖိနှိပ်တဲ့ နယ်ချဲ့သမားတို့ရဲ့ လက်သုံးတော် ဥပဒေမျိုး ကို နိုင်ငံမှာ ထွန်းထွန်းကားကား ဖြစ်နေတာ အံ့ဩစရာ ဝမ်းနည်းစရာကြီးပဲ။

ကဲ ရဲမေ၊ ပူပင်နေလို့ အလကားပဲ၊ ငြိမ်းချမ်းရေး မရှိရင် ဒီမိုကရေစီရေး ဆိုတာ ဒီလိုပဲ နေမှာပဲ။ ဒါကြောင့် ငြိမ်းချမ်းရေး ဟာဖြင့် ပြည်သူတွေရဲ့ အသက်ပါပဲ။

ကဲ ဒါပဲ။ ကလေးတွေဆီ ဒီကနေ့ မရေးတော့ဘူး၊ မရေးနိုင်တော့ဘူး၊ မရေးချင်တော့ဘူး၊ ကြည့်သာ ပြောလိုက်ပါတော့။

မောင်လှ”

လို့ စာအမှတ် (၄၆) မှာ ဦးလှက ရေးလိုက်ပါတယ်။ ဥပဒေအရ လုပ်နိုင်တာ အကုန် လုပ်လိုက်တာပဲ။ ဒိထက် လုပ်စရာ မကျန်တော့ဘူး။ ဥပဒေကို ဒိထက် ပိုဆန်လို့လည်း မကောင်းတော့ဘူးလို့ ဦးလှက ရေးပါတယ်။ ဒါပေမဲ့ သူ့အတွက် ဥပ ဒေတခု လွှတ်တော်ကနေပြီး ပြင်လိုက်တာတောင် ရှိပါသေးတယ်။ သတင်းစာမှာ သတင်းရေးတာ မှားလို့ အရေးပေါ် စီမံ မှု ဥပဒေပုဒ်မ (၅) နဲ့ ဦးလှကို ဖမ်းဆီးတဲ့အခါ ဒီအမှုက ထောင်ဒဏ် (၇) နှစ်အထိ အပြစ်ပေးနိုင်တယ်။ ဒါပေမဲ့ အာမခံ ပေးနိုင်တဲ့ ပုဒ်မပါ။ ဦးလှကို အောက်ရုံးက အာမခံ မပေးပေမယ့် စက်ရှင်ရုံးက အာမခံ ပေးလိုက်တဲ့ အခါ ဒီဥပဒေကို လွှတ်တော်ကနေပြီး ထောင်ဒဏ် (၇) နှစ်အထိ အပြစ်ပေးနိုင်ရင် အာမခံ မပေးနိုင်တဲ့ ပုဒ်မအဖြစ် ပြောင်းလဲ ပြင်ဆင်ခဲ့ပါ တယ်။ ဦးလှကိစ္စ ဖြစ်အပြီး ဘာမှ မကြာမီအတွင်း ပြင်ဆင်တာပါ။ ပြီးတော့ ဆရာကြီး ရွှေဥဒေါင်းကို မန္တလေးထောင်ထဲ မှာ ဖမ်းထားပြီး ဆရာကြီးက ပြူစောထီး ခေါင်းကြီးပိုင်းကို သူရေးတာ မဟုတ်ဘူး ငြင်းရင်း ဖမ်းရာက လွှတ်ပေးမယ်၊ ငြင်း ပါလို့ ဆရာကြီး မိတ်ဆွေ မန္တလေးက စာရေးဆရာကြီး ဆရာ မြမျိုးလွင်ကို အပြောခိုင်းပါသေးတယ်။ ဦးလှက ထောင်ထဲ မှာဆိုတော့ ဆရာကြီး မရေးရင် ကျမ ရေးရမယ်လေ၊ ဒါနဲ့ ကျမကို ဖမ်းမယ်။ နို့ပေမယ့် ဦးလှ ထောင်ထဲကနေပြီး စိတ် ဆင်းရဲနေမှာစိုးလို့ ကြားသမျှတွေကို ကျမကသူ့ဆီ သတင်းမပို့ပါဘူး၊ ဒါကြောင့် သူက သူသိသမျှနဲ့ ဒိထက်ပိုတော့ မလုပ် နိုင်တော့ဘူးလို့ ရေးတာပါ။

မန္တလေး ထောင်ကြီးထဲမှာ အချုပ်ခံနေရတဲ့ ဦးလေးသိန်းဟာ (၅) လ နီးပါးကြာမှ လွတ်ပါတယ်။ ဦးလေးသိန်း လွတ်တော့ ဦးလှက၊

ဗဟိုစံပြထောင်

ရန်ကုန်

၃၊ ၁ဝ၊ ၅၆

“မာ,

ဦးလေးသိန်း (ဆရာကြီး ရွှေဥဒေါင်း) ရဲ့ အမှုကို စွဲချက်မတင်ဘဲ အောက်တိုဘာလ (၁) ရက်နေ့က လွှတ်လိုက်တယ် ဆို တဲ့အကြောင်း ကြေးနန်းရလို့ အပါ ထောင်ဝင်စာ လာတွေ့ပြီး ပြောသွားတယ်။ ဝမ်းသာလိုက်တာ။ ဝလာတယ်၊ (၈) ပေါင် လောက် တိုးလာတယ်လို့ စာထဲမှာ ပါလာတဲ့အတွက်လည်း သဘောကျနေပါတယ်။ ရန်ကုန်ထောင်က မိတ်ဆွေတွေက တော့ ဦးလေးသိန်း အဖမ်းခံရတယ်ဆိုကတည်းက ရန်ကုန်ထောင် ပြောင်းရအောင် လုပ်ပါလို့ တတွတ်တွတ် ပြောနေကြ တာပဲ။ တွေ့ချင်ကြလို့တဲ့။ ကိုယ့်ကိစ္စတုန်းက အစိုးရက ဟိုက်ကုတ် တရားလွှတ်တော်မှာ လျှောက်တယ်။ ဒီတခါ တို့က ဦးလေးသိန်းကို ရန်ကုန်ရုံးမှာ စစ်ဖို့ လျှောက်ပါလို့လည်း ဝိုင်းအကြံ ပေးကြတယ်။ သူတို့ကတော့ ခပ်သောသောသမား တွေပဲ။

ဒီလိုဆိုတော့ (၅) လနီးနီးလောက်ပဲ နေရလို့ တော်သေးတာပေါ့။ အခါလယ်လောက်တော့ နေရလိမ့်မယ်။ အောက်ရုံးက တော့ ချမှာပဲ။ ဟိုက်ကုတ်ရောက်မှ လွတ်တော့မှာပဲလို့ တို့လူစုက တွက်ထားကြတယ်လေ။ ဦးလေးသိန်းကတော့ အင်မ တန် ကံကောင်းတယ်။

ကံအဆိုး အညံ့တွေ ကုန်ပါပြီ ထင်ပါရဲ့။ မင်းတို့လည်း ကြည့်ရေးကြပါ။ ပြည်သူတွေရဲ့ အကျိုးအတွက် ဝေဖန် ရေးသား တာဟာ ဘယ်သူ့ကိုမှ ပျက်စီးစေလိုလို့၊ မနာလို မုန်းထားလို့ မဟုတ်တဲ့ အကြောင်း ပေါ်လွင်ပါစေ။

‘ရန်မထောင်မှ ရန်အောင်တယ်၊ ရန်ထောင်ရင် ရန်လှောင် မိတတ်တယ်’ ‘ရန်မလိုမှ ရန်ပြိုတယ်၊ ရန်လိုရင် ရန်ပိုတတ်လှ တယ်’ ဆိုတဲ့ ပညာရှိ စကားတွေကို ဒီအချိန်မှာ ကြပ်ကြပ် နှလုံးသွင်းပေးတော့။ သွင်းရမယ်၊ ကျင့်ရမယ်။

ဒီတခါ တခုခု ထပ်ဖြစ်ရင် မင်းအလှည့် ဖြစ်လိမ့်မယ်။ ထောင်ထဲမှာ ကိုယ်ရှိတယ် ဆိုပြီး သိပ်လုပ်မနေနဲ့။ လူ့ပြည်နဲ့ နတ် ပြည်မှာသာ အတူတူနေရတာ။ ငရဲပြည်မှာ အတူတူနေရတာ မဟုတ်ဘူး။ ဒါကြောင့် ထောင်ထဲ လိုက်လာဖို့ စိတ်မကူးနဲ့။

ဦးလေသိန်းတို့ ဒေါ်ဒေါ်တို့ကို နှုတ်ဆက်လိုက်ကြောင်း ပြောပြပါ။

မေတ္တာပို့သပါတယ်။

မောင်လှ”

လို့ စာနံပါတ် (၄၉) မှာ ရေးပါတယ်။

ဦးလှက ကျမ အဖမ်းခံရမှာကို စိုးရှာတယ်။ ကျမပါ ထောင်ထဲ ရောက်နေရင် သတင်းစာနဲ့ ဂျာနယ် ဆက်ထွက်ဖို့ ဖြစ်နိုင်ပါ တော့မလား။ တိုက်အလုပ်သမားတွေရဲ့ စားဝတ်နေရေးတွေ ဘယ်လို ဖြစ်ကုန်မှာလဲ။ အဖေရော၊ အမေရော မရှိဘဲ ဥမ မယ် စာမမြောက် ကလေး (၅) ယောက်ကော နေလို့ ဖြစ်ပါတော့မလားလို့ ပူရှာတယ်။ ၁၉၅၆ ခုနှစ်က ကျမတို့ သားအ ကြီးဆုံးက (၁၅) နှစ်၊ ဒုတိယ သမီးက (၁၃) နှစ်၊ တတိယ သားလေးက (၁၁) နှစ်၊ စတုတ္ထ သမီးလေးက (၉) နှစ် အငယ် ဆုံးသားက (၄) နှစ်သားလေးပါ။ အဲဒီတုန်းက အာဏာပိုင်တွေက ကျမကို ဖမ်းလို့တော့ မဖြစ်ဘူး၊ အတိုက်အခံတွေ အ တွက် အကွက်ရသွားလိမ့်မယ် ဆိုတာ တကယ်များ သဘောပေါက်သွားရော့လား မသိဘူး။ နောက်ဆက်တွဲလာတဲ့ ကိစ္စ ကို ဦးလှရဲ့ စာအမှတ် (၅၁) မှာ ဒီလို ရေးရပြန်ပါတယ်။

ဗဟိုစံပြထောင်

ရန်ကုန်

၉၊ ၁၁၊ ၅၆

“မာ,

လူထု သတင်းစာ ပြူစောထီး ခေါင်းကြီးပိုင်းနှင့် ပတ်သက်ပြီး တင်ထားရတဲ့ အာမခံငွေ ၃,ဝဝဝိ/- ဟာ ဦးလေးသိန်း (ဆရာကြီး ရွှေဥဒေါင်း) ကိုပင် အမှုလုပ်လို့ မဖြစ်ဘဲ လွှတ်လိုက်ပြီ ဖြစ်တဲ့အတွက် ပြန်လည် ရရှိတော့မှာပဲ။ ကိစ္စတွေ အားလုံး ပြီးငြိမ်းပါပြီလို့ ထင်နေတာ၊ ဇွန်လထုတ် လူထုဂျာနယ် မျက်နှာဖုံး အရုပ်က အစိုးရကို အကြည်အညို ပျက်စေတယ် ဆိုပြီး ပြန်ရတော့မယ် ထင်နေတဲ့ အဲဒီငွေ ၃,ဝဝဝိ/- ကို အစိုးရက သိမ်းလိုက်ပြီ ဆိုတဲ့အကြောင်း လွန်ခဲ့တဲ့ ၄-၅-၁ဝ ရက် ကတည်းက သတင်းစာများ အရ သိပြီးပါပြီ။

အခုတဖန် လူထု သတင်းစာနှင့် ဂျာနယ် ဆက်လက် ထုတ်ဝေနိုင်ရေး၊ စက်လည်နိုင်ရေး အတွက် ပုံနှိပ်တိုက် လက်တ လော ဥပဒေအရ အာမခံငွေ ၄,ဝဝဝိ/- တင်သွင်းလိုက်ရပြန်ပြီ ဆိုတဲ့အကြောင်း သတင်းစာများမှာ ဖတ်ရပြန်ပါတယ်။ ကဲ ဘယ်တတ်နိုင်မလဲကွယ်၊ တင်ရုံရှိတာပေါ့။ မတင်နိုင်လောက်အောင် ဖြစ်တော့ ပိတ်ရုံ ရှိတာပေါ့။

အခုခေတ် မြန်မာ ပန်းချီလောကမှာ နာမည်ကျော်ပေ့ ဆိုတဲ့ ပန်းချီကျော် ဦးဘဉာဏ်၊ ဦးငွေကိုင်၊ ဦးစောမောင်၊ ဦးဘလုံး၊ ဦးအုန်းလွင်၊ ဦးဘကြည်၊ ဦးခင်မောင် စတဲ့ ပန်းချီ ဆရာကြီးတွေရဲ့ ပထမတန်း ဆီဆေးကားကြီးတွေတောင်မှ ဝယ်သူ တွေက ၃,ဝဝဝိ/- ပေးတယ်လို့ မကြားဖူးပါဘူး။ တို့မိတ်ဆွေ ပန်းချီ ကိုဘရင်ကလေးရဲ့ လက်ရာကိုတော့ နိုင်ငံတော် အစိုးရက တန်ဖိုး ၃,ဝဝဝိ/- ဈေးဖြတ်လိုက်ပြီ။ အစိုးရဟာ အကောင်းဆုံး ရာပြတ်မို့ ဖြတ်တဲ့ ဈေးကတော့ ပေးရတာပဲ။ ဆစ်လို့ မရပါဘူး။ တည်တာပါပဲ။ ဒီလောက် အဖိုးတန်တဲ့ ပန်းချီကားတွေကိုတော့ ဆွဲမပေးပါနဲ့။ တို့မတတ်နိုင်လို့ပါ။ အစိုးရဆီ တိုက်ရိုက် သွင်းချင် သွင်းပါလို့ ကိုဘရင်ကလေးကို ပြောပြပါ။ ဒီဈေးနဲ့တော့ ဘယ်လိုနည်းနှင့်မှ ဒို့မဝယ် နိုင်ဘူး၊ ဘလောက်ဖိုးကလည်း ရှိသေးတယ်။

ကိုယ်တယောက်လုံး ထောင်ထဲ ရောက်နေရတဲ့ အတွက် မင်းတို့ကို ဥပဒေ အတွင်း ဒီမိုကရေစီ စည်းဝိုင်းအတွင်း ဖြစ်ပေ မယ့် ဘာမလုပ်နဲ့၊ ဘာမရေးနဲ့လို့ မပြောလိုပါဘူး။ ဒီလို ပြောပြန်တော့လည်း ‘ရေးသင့်တာကို မရေး၊ မရေးသင့်တာကို ရေးတယ်’ ဆိုတဲ့ သတင်းစာ ဆရာများရဲ့ စသုံးလုံး ဥပဒေနဲ့ မလွတ်ပေဘူး။ သတင်းစာရဲ့ ဝတ္တရား ပျက်တယ်။ ဒါပေမဲ့ အခါကာလက မကောင်းဘူး။ ကိုယ့်ဝတ္တရားလည်း မပျက်အောင်၊ အစိုးရက အပြစ်လည်း မရှာနိုင်အောင် ကြည့်လုပ်ရ မယ်။ ဘယ်လိုရေးရေး အပြစ်ရှာချင်တဲ့ လူက ရှာမှာပဲလို့ တွေးတောမိရင်လည်း ကိုယ်က တရားမပျက်နဲ့၊ ပြည်သူတွေ အ ကျိုးအတွက် ရေးသားဖော်ပြတယ်၊ ဝေဖန် ရေးသားတယ် ဆိုတာ ပေါ်လွင်စေရမယ်။ ဘယ်သူ့ကိုမှ ဝန်တို မုန်းထားတဲ့ စေတနာနဲ့ ရေးသားတာ မဟုတ်ဘူး ဆိုတာ ထင်ရှားစေရမယ်။

ငြိမ်းချမ်းသာယာတဲ့ ကာလကြီး မြန်မြန်ရောက်ပါစေ။

မောင်လှ”

လို့ ရေးပြန်ပါတယ်။ ဦးလှဟာ ၁၄၊ ၁၊ ၅၇ နေ့မှာ အချုပ်အနှောင်က လွတ်ပါတယ်။

လူထု ဒေါ်အမာ

Ludu လူထုကြီးပွားရေး ဖေ့စ်ဘွခ်မှ …

ကြောက်ရွံ့ခြင်းမှ လွတ်မြောက်ရေးဟာ
ကျွန်ုပ် သင့်အတွက် တောင်းဆိုမည့် လွတ်မြောက်ရေးပဲ အမိမြေ

သင် ဦးညွှတ်၊ ခါးကျိုး၊ လက်ယပ်ခေါ်နေတဲ့ အနာဂါတ်ကို မမြင်နိုင်လောက်အောင်
ထမ်းပိုးခဲ့ရတဲ့ ခေတ်အဆက်ဆက်ရဲ့ ၀န်ထုပ်ဝန်ပိုးက လွတ်မြောက်ရေး

အမှန်တရားရဲ့ ခက်ခဲကြမ်းတမ်း လမ်းအသွယ်သွယ် အကြောင်းပြောတဲ့
ကြယ်တစင်းကို သံသယရှိနေရင်း ညဥ့်ရဲ့ တိတ်ဆိတ်မှုမှာသာ
ငိုက်မျဉ်းခြင်းထိတ်တုံးတွေနဲ့ သင့်ကိုယ်သင် ချည်နှောင်ထားတာက လွတ်မြောက်ရေး

ရွက်တွေအားလုံးက ဘယ်ကလာမှန်းမသိတဲ့ လေသရမ်းတွေကို အားလျော့ အလျှော့ပေးပြီး
ပဲ့ကိုင်ဘီးက အေးစက်တောင့်တင်းနေတဲ့ လူသေရဲ့လက်လို လက်ထဲရောက်နေတဲ့ပမာ
ပရမ်းပတာ ကံကြမ္မာပြုသမျှ နုရတဲ့ဘ၀က လွတ်မြောက်ရေး

ဦးနှောက်မဲ့ ကြိုးတွေကတဆင့် လှုပ်ရှားမှုတွေ အသက်ဝင်
စိတ်ဝိဉာဉ်မဲ့ အမူအကျင့်တွေကတဆင့် ထပ်ခါတလဲလဲ လှုပ်ရှားတဲ့ နေရာ
နာမ်မပါတဲ့ ရုပ်တွေ ဘ၀ရဲ့ ဟန်ကိုလုပ် သရုပ်ဖော်မှုတွေထဲ စီးဝင်နစ်မျောဖို့ 
ကြိုးဆွဲဆရာကို စိတ်ရှည်ကျိုးနွံမှုတွေနဲ့  စောင့်မျှော်နေတဲ့ နေရာ
အဲ့ဒီ ရုပ်သေးကမ္ဘာထဲမှာ ရှင်သန်နေထိုင်ခြင်းဆိုတဲ့ အစော်ကားခံနေရမှုက လွတ်မြောက်ရေး။

နေယု
၁၃ ရက်၊ မေလ၊ ၂၀၁၂ ခုနှစ်။

ရာဘင်ဒြာနသ် တဂိုး၏ Freedom ကို ဘာသာပြန်ဆိုသည်။

၁၄.၅.၂၀၁၂ ရက်နေ့မှာ အမေရိကန်သံရုံးမှ ဒီမိုကရေစီနှင့် လူ့အခွင့်အရေးတာဝန်ခံ မစ္စတာ ဘော့ဘေလီနှင့် နိုင်ငံရေး သံအရာရှိ မစ္စအားရင်း အီးဝက်(ဘ်)စတာမိန်း တို့နှစ်ဦးဟာ ဦးနေမျိုးဝေအပါအ၀င် ရွှေနံ့သာ ကျေးရွာမှ လယ်သမားများ စိုက်ပျိုးရေးပညာရှင် ဒေါက်တာထွန်းဝင်းနှင့် ဥပဒေပညာရှင်များ ဖြစ်ကြသည် ဦးဖိုးဖြူ ၊ ဦးညီညီထွေးတို့ကို ခေါ်ယူတွေ့ ဆုံပြီး ယနေ့ဖြစ်ပေါ်နေတဲ့ လယ်ယာမြေသိမ်းဆည်းခြင်း ကိစ္စတွေနဲ့ လယ်ယာမြေဥပဒေအပေါ်မှာ ဆွေးနွေးခဲ့ကြတယ်လို့ သိရပါတယ်။

ဒီတွေ့ဆုံပွဲမှာ ဥပဒေပညာရှင်တွေ အပိုင်းကတော့ ယခင်ဥပဒေအဟောင်းတွေနဲ့ ထွက်ပေါ်လာတဲ့ လယ်ယာမြေ ဥပဒေ အပေါ်မှာ ထောက်ပြစရာတွေကို ဆွေးနွေးခဲ့ကြပြီး ဦးနေမျိုးဝေကတော့ ရွှေနံ့သာလယ်သ မားအရေးနဲ့ သူလိုက်ပါ ကူညီ ဆောင်ရွက်ခဲ့တဲ့ လယ်ယာမြေကိစ္စတွေအကြောင်းကို အခြေပြုဆွေးနွေးခဲ့တယ်လို့ သိရပါတယ်။

ထွက်ပေါ်လာတဲ့လယ်ယာမြေဥပဒေနဲ့ ပတ်သက်ပြီး ဥပဒေပညာရှင်တွေ အပိုင်းက ထောက်ပြစရာတွေရှိပေမယ့် မတူကွဲ ပြားခြင်းနှင့် ငြိမ်းချမ်ရေးပါတီအနေနဲ့ကတော့ ထွက်ပေါ်လာတဲ့ ဥပဒေအပေါ်မှာ အပေးအယူ မျှမျှတတ ဖြစ်နေပြီး သူတို့ အနေနဲ့ ထောက်ခံမှုအပြည့်ရှိတဲ့အကြောင်းလည်း ပြောဆိုခဲ့ကြပါတယ်။ ယခုဖြစ်နေတဲ့ ရွှေနံ့သာလယ်သမားတွေ အရေး နဲ့ပတ်သက်လို့တော့ ဥပဒေအဟောင်းအရပဲ ဖြစ်ဖြစ်၊ ဥပဒေအသစ်အရပဲ ဖြစ်ဖြစ် လယ်သမားတွေဘက်က သာနေ ကြောင်းလည်း ပြောဆိုခဲ့တယ်လို့ ဦးနေမျိုးဝေကပြောပါတယ်။

ဥပဒေအတိုင်း ဆောင်ရွက်ခြင်း ရှိမရှိသာ ပိုအရေးကြီးတဲ့အကြောင်းနဲ့ လယ်သမားတွေအနေနဲ့က ဇေကမ္ဘာကုမ္ပဏီက လိုက်ရွှေ့နေတဲ့လမ်းကြောင်းအတိုင်း ပထမတုန်းကတော့ ဒီမြေတွေမှာ စက်မှုဇုန်အတွက်လုပ်ကိုင်နေရာမှ ယခုအခါမှာ တော့ ဦးခင်ရွှေကလည်း ဒီမြေတွေမှာ သီးစားလုပ်ကိုင်ခွင့်လျှောက်ထားပြီး စက်မှုလယ်ယာအဖြစ် အကောင်အထည်ဖော် ဖို့ အစီအစဉ်ရှိနေကြောင်း အဆိုပါတွေ့ဆုံပွဲမှာ ထည့်သွင်းပြောဆိုခဲ့ပါတယ်။

သံအရာရှိတွေသိချင်တာက ဒီကိစ္စတွေမှာ ဘယ်လိုလူမျိုးတွေက သိမ်းဆည်းနေတယ်ဆိုတာနဲ့ ယခုမှဖြစ်တာလား ယခင် ကတည်းက ဖြစ်နေတာတွေလား ဆိုတာတွေနဲ့ ပတ်သက်ပြီးတော့လည်း ရှင်းလင်းပြောဆိုခဲ့တယ်လို့ ဆိုပါတယ်။ နောက် ဆုံးအနေနဲ့တော့ နိုင်ငံတကာအနေနဲ့ ဘယ်လိုအကူအညီတွေ ဆောင်ရွက်ပေးသင့်သလဲဆိုတဲ့အချက်ကို မေးမြန်းတယ် လို့ သိရပါတယ်။

လယ်သမားတွေကလည်း ဇေကမ္ဘာကုမ္ပဏီလိုမျိုးပဲ စက်မှုလယ်ယာကို အကောင်အထည်ဖော်ဖို့ စုပေါင်းပြီး ကုမ္ပဏီ ထောင်ဖို့ စီစဉ်ပြီးဖြစ်ကြောင်းနဲ့ နေပြည်တော်ကို သွားရောက်မှတ်ပုံတင်ဖို့ စီစဉ်ထားပြီးဖြစ်ကြောင်း ပြောဆိုခဲ့ပြီး စက်မှု လယ်ယာဖော်ဆောင်ရာမှ လိုအပ်မယ့် စက်ယန္တရားတွေကို ကူညီပေးဖို့ တောင်းဆိုခဲ့တယ်လို့ သိရပါတယ်။

Naung Taw Lay

ပြည်ထောင်စုအဆင့် ငြိမ်းချမ်းရေး ဗဟိုကော်မတီနဲ့ လုပ်ငန်းကော်မတီ ဆိုတာတွေကို မေလ ၃ ရက်နေ့က ဖွဲ့စည်းခဲ့ရာမှာ နိုင်ငံရဲ့အမြင့်ဆုံးအာဏာပိုင်ဖြစ်တဲ့ ကာ-လုံအဖွဲ့ဝင် ၁၁ ယောက်ထဲက ၁၀ ယောက်တောင်ပါနေတာ တွေ့ရပါတယ်။ ငြိမ်း ချမ်းရေးထဲမပါတဲ့ကာ-လုံဆိုလို့ နိုင်ငံခြားရေးဝန်ကြီး ဝဏ္ဏမောင်လွင်ဘဲ ကျန်ပါတယ်။ ဗမာပြည်မှာ အာဏာအကြီးဆုံး ကာ-လုံအနေနဲ့ ဘာလို့ ငြိမ်းချမ်းရေးကို တိုက်ရိုက်မလုပ်ဘဲ ဘာကော်မတီ ညာကော်မတီတွေ ဖွဲ့နေရတာလဲ။ ပြည် ထောင်စုအဆင့် ငြိမ်းချမ်းရေးဗဟိုကော်မတီ ၁၁ ယောက်မှာ ကာ-လုံ က ၉ ယောက်ပါနေပါပြီ။ ဒီတော့ ဒီကော်မတီတွေ ဟာ ပြစား လုပ်စားဖို့သက်သက်ဆိုတာ ရှင်းနေပါတယ်။

လုပ်စားတဲ့နေရာမှာ သြချလောက်တာတကွက်ကတော့ တိုင်းရင်းသားလက်နက်ကိုင်တွေနဲ့ အောင်မြင်စွာအပစ်အခတ် ရပ်စဲရေးတွေ ဆွေးနွေးရယူနိုင်ခဲ့တယ်ဆိုတဲ့ မီးရထားဝန်ကြီးကို ဒုံးဝေးလှတဲ့နော်ဝေးနိုင်ငံက အထင်တကြီးခေါ်ပြီး ငြိမ်း ချမ်းရေးလုပ်ငန်းတွေမှာ အကူအညီလိုသလောက်ပေးမယ် ပြောတော့ ဝန်ကြီးမင်းက ထိုင်း-ဗမာနယ်စပ် ဒုက္ခသည် စခန်း တွေက ဒုက္ခသည် “၉ သိန်း” ပြည်တော်ပြန်နိုင်ဖို့ ပရိုပိုဇယ် တင်ခဲ့တာပဲ ဖြစ်ပါတယ်။ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံးက ရိက္ခာစားစာရင်း၊ ဆေးနားစာရင်းတွေအရ ထိုင်းနယ်စပ်က ဒုက္ခသည်စခန်း ၉ ခုမှာ စုစု ပေါင်း ၁ သိန်း ခွဲကျော်လို့ စာရင်းကောက်ထားပေမဲ့ ဝန်ကြီးမင်းရထားအောင်မင်းကတော့ အိုင်ဒီပီမပါ၊ ရှမ်း (အက်စ် အက်စ်အေ-တောင် ပိုင်း) မပါ၊ ၉ သိန်းလို့ ရဲရဲဝံ့ဝံ့စာရင်းပေးပြီး ရဲရဲကြီးလုပ်စားဖို့ ကြံလိုက်တာဘဲ ဖြစ်ပါတယ်။ (တချိန် ကတော့ ဒုက္ခသည် ဆိုတာ မရှိဘူး၊ သူပုန်တွေက ဒုက္ခသည်အယောင်ဆောင်ပြီး စခန်းဖွင့်ထားတာဘဲရှိတယ် လို့လဲ နအဖတွေ ဇွတ်ပြောခဲ့ဖူး ပါတယ်။)

၂၀၁၁ ခု နိုဝင်ဘာ ၇ ရက်မှာ ကန်တော့ပွဲပေးခဲ့ပြီး ၂၀၁၂ မတ်လ ၃၀ ရက်နေ့ကစပြခဲ့တဲ့ “ဒီမိုကရေစီလား လာထား” ဇာတ်ကားကြီးဟာ နာမယ်ကျော်ဒါရိုက်တာကြီး မိုက်ကြီးသန်းရွှေရဲ့ရိုက်ချက်တွေနဲ့ ပီပီပြင်ပြင်ပြသနိုင်ခဲ့လို့ ပြည်တွင်း ပြည်ပက လက်ခုပ်သံတဖြောင်းဖြောင်း အားပေးတာခံခဲ့ရပြီး အကောင်းဆုံးအမျိုးသားဇာတ်ဆောင်ဆုတောင်ရဖို့ တစ် ပေးခံခဲ့ရပါတယ်။

ဒီမိုကရေစီလား လာထား ဇာတ်ကားကြီးပေါက်သွားပြီးနောက်မှာ ငြိမ်းချမ်းရေးလား လာထား ဇာတ်ကားကြီးကိုလဲ သရုပ် ဆောင်အင်အားကောင်းကောင်း ပံ့ပိုးမှုကောင်းကောင်း ဆက်တင်ကောင်းကောင်းနဲ့ ဆက်ရိုက်ခဲ့လို့ ပရိသတ်တချို့ဆို ထိုင်တောင်ရှိခိုးမတတ် ဖြစ်ခဲ့ကြပါတယ်။ ဒါပေမဲ့ ရုပ်ရှင်အဖွဲ့သားတချို့ရဲ့ အတွင်းရေးဖွင့်ချချက်ကြောင့် အတွင်းက နောက်ချီးခံထားတဲ့အကွက်တွေကို အခုလိုတွေ့လာရပါတယ်။

ဗမာပြည် နိုင်ငံရေးလှုပ်ရှားမှုရဲ့ ပင်မစစ်မြေပြင်လဲဖြစ်၊ အတိုက်အခံဒီမိုကရေစီအင်အားစု အားအကောင်းဆုံးနယ်မြေလဲ ဖြစ်တဲ့ ရန်ကုန်တိုင်းကို တပ်မ ၇၇ နဲ့ စကခ(၄) တို့က လုံခြုံရေးတာဝန်ယူခဲ့တာ လူအတော်များများသိကြပါတယ်။ တပ်မ ၆၆ ကိုလဲ ကကကြည်းအရံအဖြစ် သတ်မှတ်ပြီး လူထုတိုက်ပွဲချေမှုန်းဖို့ အသင့်ထားခဲ့ပါတယ်။ ဒါပေမဲ့ ၂၀၁၁ ခု နိုဝင်ဘာ လမှာ ဒေါ်အောင်ဆန်းစုကြည်ကိုလွှတ်ပေးပြီးတဲ့နောက် အတိုက်အခံတွေဘက်က ထိပ်တိုက်ရင်ဆိုင် လူထုတိုက်ပွဲဆင် မယ့် အလားအလာ အင်မတန်နည်းသွားတဲ့အတွက် တပ်မ ၇၇ ကို ကရင်ပြည်နယ်စစ်ဆင်ရေးအတွက် တာဝန်ပေး၊ ဖား အံခရိုင် လှိုင်းဘွဲ့၊ သင်္ဃန်းညီနောင်၊ ရှမ်းရွာသစ်တို့မှာ အခြေစိုက်ပြီး ကေအဲန်ယူတပ်မဟာ ၇ ကို ဦးတည် တိုက်ခိုင်းခဲ့သ လို စကခ (၄) ကိုလဲ ဖာပွန်ခရိုင်မှာ ကေအဲန်ယူတပ်မဟာ ၅ ကို ဦးတည်တိုက်ခိုင်းခဲ့ပါတယ်။ တပ်မ ၆၆ ကလဲ တောင်ငူ ခရိုင်ကို ဝင်ထိုးပြီး ကေအဲန်ယူ တပ်မဟာ ၂ နဲ့ ၅ ကို ဦးတည်တိုက်ခဲ့ပါတယ်။

တကယ်တော့ စစ်အစိုးရဟာ ၁၉၉၂ ခု ဧပြီလ ၂၈ ရက်နေ့ကတည်းက “တိုင်းရင်းသားစည်းလုံးညီညွတ်ရေးကို ရှေ့ရှု” တယ်ဆိုပြီး ကရင်ပြည်နယ်စစ်ဆင်ရေးတွေ ရပ်ဆိုင်းကြောင်း ကြေညာခဲ့တာ ဖြစ်ပါတယ်။ ဒါပေမဲ့ တပ်မ ၁၁၊ တပ်မ ၃၃၊ တပ်မ ၄၄၊ တပ်မ ၈၈၊ တပ်မ ၁၀၁၊ စကခ(၂)၊ စကခ(၅)၊ စကခ(၆)၊ စကခ(၈)၊ စကခ(၉)၊ စကခ(၁၀)၊ စကခ(၁၂)၊ စက ခ (၁၅)၊ စကခ (၁၆)၊ စကခ (၁၉)၊ စကခ (၂၀)၊ စကခ (၂၁) တို့ဟာ တပ်မတခုပြီးတခု အလဲအလှယ်နဲ့ရော၊ တပြိုင် တည်း တပ်မ ၄-၅-၁၀ ခုလောက် ကရင်ပြည်တခုလုံးကိုဖြန့်ပြီးတော့ရော တောက်လျှောက်မရပ် မနားထိုးခဲ့ကြပါတယ်။ အရံထားတဲ့ တပ်မ ၇၇ နဲ့ စကခ (၄) တောင် တခါတလေ ပါခဲ့ပါသေးတယ်။ ရလဒ်ကတော့ ဗမာစစ်တပ်တွေထဲ အကျိုး အပြတ်တွေ မုဆိုးမတွေများလာပြီး ကရင်ပြည်စစ်ဆင်ရေးသွားရမယ် သတင်းကြားရင် ဗမာ စစ်သားအခြားအဆင့်တွေ အရာရှိတွေ အကြီးအကျယ်စိတ်ဓာတ်ကျဆင်းတာတွေဖြစ်၊ ဘိုးတော်တွေပင့် ယတြာချေ၊ တပ်ပြေးတွေလဲ ထောင်းလ မောင်းထလာပါတော့တယ်။

အဲဒီကာလတွေတုံးက ကချင်ပြည်နဲ့ရှမ်းပြည်မှာ ငြိမ်းချမ်းရေးလုပ်ထားတဲ့အတွက် အဲဒီပြည်နယ်တွေက ဗန်းမော်အခြေ စိုက် စကခ (၂၁)၊ မိုင်းနောင်အခြေစိုက် စကခ(၂) နဲ့ သိန္နီအခြေစိုက် စကခ(၁၆) တို့ ကရင်ပြည်ကိုလာတိုက်ခဲ့ကြပါ တယ်။ အခု ကရင်ပြည်မှာ အပစ်အခတ်ရပ်စဲလိုက်တော့ တပ်မ ၇၇ ကို ကချင်ပြည်ထဲသွင်းပြီး ကေအိုင်အေကို ထိုးခိုင်း နေပါပြီ။

၂၀၁၁ ခု ဒီဇင်ဘာ ၁၀ ရက်တုံးကတော့ ကချင်ပြည်စစ်ဆင်ရေးတွေ ရပ်ဖို့ သမတဆိုသူကြီးက အမိန့်ပေးခဲ့တယ် ပြော ပါတယ်။ ဒီလိုနဲ့ဘဲ ဗမာပြည်မ က တက်လာတဲ့ တပ်မ ၇၇၊ တပ်မ ၈၈၊ တပ်မ ၉၉၊ ကချင်ပြည်မှာ လာအခြေစိုက်ထားတဲ့ စကခ (၃)၊ စကခ (၂၁)၊ ရှမ်းပြည်မြောက်ပိုင်းမှာ လာအခြေစိုက်ထားတဲ့ စကခ (၁)၊ စကခ (၁၆) ဆိုတဲ့ တပ်မတွေ အ ပြင် မြောက်ပိုင်းတိုင်း၊ အရှေ့မြောက်တိုင်း၊ အနောက်မြောက်တိုင်းကတပ်တွေဟာ ကိုယ့်နယ်မြေထဲကိုယ်နေတဲ့ ကချင် တိုင်းရင်းသားတပ်တွေကို ဝိုင်းအုံကိုက်ခဲနေကြပါတော့တယ်။

အခု ကချင်ကိုထိုးဖို့ တပ်အင်အားတွေ ဖြည့်ရာမှာလဲ ထွက်မပြေးနိုင်အောင် သင်္ဘောနဲ့ပဲ ခိုးကြောင်ခိုးဝှက်နဲ့ ဗန်းမော်ကို တိုက်ရိုက်ပို့နေရပါတယ်။ ရထားနဲ့ ကားနဲ့ပို့ရင် ရပ်တဲ့နေရာမှာ သေနတ်ထားပြီး ပြေးကုန်ကြလို့ပါ။ အင်မတန်အထိ နာနေတဲ့ တပ်မ ၈၈ ခမြာလဲ တိုက်ပွဲရှုံးရကောင်းလားဆိုပြီး အပြစ်ပေးတဲ့အနေနဲ့ နောက်တန်းပြန်နားခွင့် မပေးဘဲထား လို့ ရဲဘော်တွေ ပိုမိုထိခိုက်ကျဆုံးရသလို ရှုံးမဲမဲတဲ့တပ်တွေက ကချင်လူထုတွေအပေါ် လူ့အခွင့်အရေးဖောက်ဖျက်မှု တွေ ပိုပြီးအနာတကျည်း ကျူးလွန်လာကြပါတယ်။ မကြာခင်ကလေးက တခြားတိုက်ပွဲတွေအတွင်းမှာလဲ ခမရ ၃၈၆ နဲ့ တပ်မ ၉၉ လက်အောက်ခံတပ်ရင်းမှူးတယောက် ကျသွားခဲ့ပါတယ်။

မြန်မာပြည်သူတရပ်လုံးရဲ့ လူထုတိုက်ပွဲကြောင့် မြစ်ဆုံရေကာတာစီမံကိန်း ရပ်သွားသလို ကချင်ပြည်သူ့စစ်ပွဲကြောင့် ဧရာဝတီရေကာတာစီမံကိန်း စုစုပေါင်း ၇ ခုအနက်က ဒုတိယဖြစ်တဲ့ ချီဗွေရေကာတာစီမံကိန်းလဲ လန့်ဖြန့်ပြီး နားသွား ပြီဖြစ်ပါတယ်။ ဒါကြောင့် တရုတ်အရင်းရှင်ကြီးတွေဆီက စားထားဝါးထားတဲ့၊ စားဖို့ဝါးဖို့ရှိတဲ့ အငြိမ်းစား အငြိမ်းမစား စစ် ဗိုလ်ချုပ်တွေဟာ ရဲဘော်တွေ သေမှာကြေမှာ ကျိုးမှာပြတ်မှာကို ခေါင်းထဲမထည့်ဘဲ ကချင်ချေမှုန်းရေးကို အတင်းတွန်း နေတာ ဖြစ်ပါတယ်။ မတ်လလယ်က မိတ္ထီလာမှာ အမြောက်တပ်၊ တင့်ကားတပ်၊ ခြေလျင်တပ်တွေ ပူးတွဲပြီး စစ်လေ့ကျင့် ခန်း လုပ်ခဲ့ရာမှာ ကချင်ပြည်စစ်မြေပြင်ကို အတုဖန်တီးပြီး လေ့ကျင့်တာ ၃ ခန်းလောက်ပါခဲ့ပါတယ်။ ရယ်စရာကောင်း တာက ကချင် “သောင်းကျန်းသူ” တွေ၊ ဝ တွေဟာ တရုတ်သြဇာခံ ပရော့ဆီတွေပါလို့ တရုတ်နဲ့အတင်းပေးစားပြီး တ ရုတ် ဝိုင်းပတ်ရေး ရူးနေတဲ့ အမေရိကန်ဆီက စစ်ရေး နိုင်ငံရေးအကူညီလေးများ ရမလားလို့ အမေရိကန်ကို မျက်ရည်ခံ ထိုးတာ ဖြစ်ပါတယ်။

အငြိမ်းစား ဗိုလ်မှူးကြီးတယောက် သုံးသပ်တာကတော့ ကချင်စစ်ပွဲတလျှောက်လုံး အရှက်တကွဲ အကျိုးနည်းဖြစ်နေတဲ့ ဗမာ့တပ်မတော်ဟာ လောက်လောက်လားလား ဆုပ်ဆုပ်ကိုင်ကိုင်ပြစရာ အောင်ပွဲလေးတခု ရအောင်လုပ်ဖို့ အရေးတ ကြီးလိုနေတယ်၊ အဲသလို ပြစရာလေးတခုရပြီးမှ “သဘောထားကြီးလေသူ မဟာကရုဏာရှင်ကြီးရယ်လို့” ကမ္ဘာနဲ့ မြန်မာ ကိုပြပြီး ငြိမ်းချမ်းရေးနိုဘယ်ဆု ပေးချင်စိတ်ပေါ်လောက်အောင် အပစ်အခတ်အတင်းရပ်စဲပေးလိမ့်မယ်လို့ သုံးသပ်ပြပါ တယ်။ တနိုင်ငံလုံးအနှံ့ မြေတွေယာတွေ ဂဒီးဂဒီး လိုက်သိမ်းခဲ့တဲ့၊ လက်ရှိလဲလိုက်သိမ်းနေဆဲဖြစ်တဲ့ မြေခရေးဇီး စစ်တပ် ဟာ ကချင့်လက်ထဲက အရေးကြီးစခန်း သို့မဟုတ် ကုန်းလိုမြေနေရာတခုရပြီးရင် ရဲရဲကြီး ‘ငြိမ်းချမ်း’ ပြပါလိမ့်မယ်လို့ အဲဒီ အဘကြီးက သုံးသပ်ပါတယ်။

ကချင်ကိုထိုးဖို့အတွက် ဆင်ခြေဆင်လက်ပေးတဲ့အနေနဲ့ ကချင်တပ်တွေ ဗုံးခွဲတယ်၊ လူသတ်တယ်၊ ကလေးစစ်သား ကောက်တယ်၊ တံတားချိုးတယ်၊ ဖွံ့ဖြိုးရေးတွေ ဖျက်ဆီးတယ်၊ တိုင်းရင်းသားနယ်ခြားစောင့်တပ်ကိုတိုက်တယ် စသဖြင့် စသဖြင့် အာဘော်ဖန်တီး ဝါဒဖြန့်တာကိုလဲ အကြီးအကျယ်လုပ်နေပါတယ်။ တကယ်တော့ ပန်ဝါကိစ္စမှာ အထူးဒေသ-၁ NDA-K တဖြစ်လဲနယ်ခြားစောင့်တပ် သုံးရင်းရှိတဲ့အနက် တရင်းက ကေအိုင်အေကို ဖိတ်ခေါ်ပူးပေါင်းသွား၊ တရင်းက တော့ စစ်အစိုးရရဲ့ ရုရှားလုပ်ရဟတ်ယာဉ်တွေက မှားပြီးပစ်လို့ သေတဲ့လူသေ မသေတဲ့လူလဲ စိတ်ဓာတ်ကျကြောက် လန့်ပြီး ပြေးကုန်ကြလို့ တပ်ပျက်သွား၊ ဒါကြောင့် ကချင် အထူးဒေသ-၁ မှာ တင်ယိန်းရဲ့လက်ရင်း နယ်ခြားစောင့်တပ် ၁၀၀၃ တရင်းပဲကျန်နေပြီး နအဖစစ်ဗျူဟာတခုနဲ့ နအဖတပ်တွေကိုယ်တိုင် လာထိုင်ပေးထား ရပါတော့တယ်။

ဒါ့အပြင် ပန်ဝါတိုက်ပွဲမှာ ကေအိုင်အေ ၂၉ ယောက်သေတယ်လို့ စစ်အစိုးရကကြေညာပေမဲ့ တကယ်တော့ ၈ ယောက် ပဲကျခဲ့တာဖြစ်ပြီး ကျန်တာတွေက နအဖရဟတ်ယာဉ်တွေ မှားပစ်လို့သေတဲ့ နယ်ခြားစောင့်တပ်သားတွေ ဖြစ်ပုံရပါ တယ်။ ဒီနယ်ခြားစောင့်တပ်တွေကို ကေအိုင်အေယူနီဖောင်းတွေ ဝတ်ခိုင်းထားတာကလဲ စဉ်းစားစရာပါပဲ။ အခုလို မှား သလိုလိုနဲ့ ရဟတ်ယာဉ်နဲ့ဆော်ဖို့ ကြိုတင်အစီအစဉ်ဆွဲထားတာလား။

ကိုးကန့်မှာရှိတဲ့ တရင်းတည်းသောနယ်ခြားစောင့်တပ်ရင်း ၁၀၀၆ မှာလဲ ပုန်ကန်မှုဖြစ်ပြီး စစ်အစိုးရသြဇာခံ ကိုးကန့် ခေါင်းဆောင် ပိုင်စောက်ချိန်ကို ပြန်လုပ်ကြံတာတွေဖြစ်လို့ တပ်ပျက်သလောက်ဖြစ်သွားတဲ့အတွက် နယ်ခြားစောင့် တပ် လက်မခံတဲ့ ဖုန်ကြားရှင်းရဲ့ပျောက်ကျားတပ်တွေကို အပစ်အခတ်ရပ်စဲထားတဲ့ ချင်းပြည်ကလာတဲ့ စကခ (၁၀) တပ်မ တစ်မက ရင်ဆိုင် တိုက်ခိုက်နေရရှာပါတယ်။

ကယားပြည်မှာရှိတဲ့ ကလလတ တဖြစ်လဲနယ်ခြားစောင့်တပ်ရင်း ၁၀၀၄ နဲ့ ၁၀၀၅ မှာတော့ တွဲဖက်မြှုပ်နှံထားတဲ့ နအဖ စစ်သားနဲ့အရာရှိတွေဟာ လခပဲထုတ်စားပြီး တပ်ကိုတယောက်မှမလာတော့တဲ့အတွက် လက်တွေ့မှာ ဒီနယ်ခြား စောင့် တပ်တွေဟာ တိုင်းရင်းသားသီးသန့်တပ်တွေ ပြန်ဖြစ်သွားပြီး ဒကစ သို့မဟုတ် ကကကြည်းရဲ့အမိန့်သြဇာ မသက်ရောက် တော့ပါဘူး။

ကရင်ပြည်မှာ နယ်ခြားစောင့်တပ်ရင်း ၁၃ ရင်းဖွဲ့ခဲ့တဲ့အထဲက အနည်းဆုံး ၅ ရင်းလောက်ဟာ ဒီကေဘီအေ အဖြစ် ပြန် လည်ခံယူပြီး ကျန်တဲ့တပ်ရင်းတွေမှာလဲ ကေအဲန်ယူဘက် ကူးပြောင်းအလင်းဝင်သူ၊ ဒီကေဘီအေဘက် ကူးပြောင်း အ လင်းဝင်သူတွေများလို့ အင်အားမပြည့်တော့တာတွေ ဖြစ်နေတဲ့အတွက် တပ်,မရှိတဲ့ ဖဒိုအောင်ဆန်းအဖွဲ့သားတွေကို နယ်ခြားစောင့်တပ် အတင်းလုပ်ခိုင်း စစ်သားကောက်ခိုင်းနေရပါတယ်။ ဒါ့အပြင် ယိုးဒယားမှာ အလုပ်လုပ်ဖို့ ထွက်လာ တဲ့၊ ကရင်စကားတလုံးမှမတတ်တဲ့ ဗမာပြည်အလယ်ပိုင်းက အညာသားတွေ၊ ဘူးသီးတောင်-မောင်းတောဘက်က ဘင်္ဂါ လီတွေကိုလဲ အမျိုးမျိုးဆွဲဆောင်ပြီး ကရင်နယ်ခြားစောင့်တပ်ထဲ သွင်းနေရပါတယ်။

၂၀၁၀ ခုနှစ်တုံးက နယ်ခြားစောင့်တပ်ကိစ္စကြောင့် UWSA ဝ အဖွဲ့နဲ့ တင်းမာခဲ့ချိန်မှာ အင်အား ၄ သောင်းရှိတဲ့ ဝ တပ် တွေဟာ ရက်ပိုင်းအတွင်း အင်အား ၁ သိန်းဖြစ်အောင် mobilization လုပ်ပြလိုက်ပြီး စစ်သင်တန်းတွေ ဒလကြမ်း ပေး နေလို့ နအဖတွေ အမြီးကုတ်သွားခဲ့ပါတယ်။

စုငွေကိစ္စ၊ ဦးပိုင်ထည့်ဝင်ငွေကိစ္စတွေကြောင့် မကျေမလည်ဖြစ်ထားတဲ့ တပ်မ ၇၇၊ ပင်စင်တောင်မရလိုက်ဘဲ ဖြုတ်ထုတ် အုပ်ခံလိုက်ရတဲ့ နအဖ တွင်း-၃ ဗိုလ်ချုပ်ဝင်းမြင့်ရဲ့ တပ်မ ၇၇ ကို “ငြိမ်းချမ်းရေးရသွားတဲ့” ရန်ကုန်တိုင်း လူထု တိုက်ပွဲ ကွင်းကနေ အရှေ့တောင်တိုင်း ကရင်စစ်မြေပြင်၊ အဲဒီမှာ “ငြိမ်းချမ်းရေး” ရသွားပြန်တော့ မြောက်ပိုင်းတိုင်း ကချင်စစ် မြေပြင်ကို အဆင့်ဆင့်ရွှေ့တိုက်ခိုင်းပြီး “ငြိမ်းချမ်းရေးလား လာထား” ဇာတ်ကားကြီးရိုက်မယ့် ဗမာ့တပ်မတော် ရှေ့ထွက် နောက်ထွက်ခေါင်းဆောင်တွေရဲ့ အော့နှလုံးနာစရာလက်ရာကို ငွေရောင်ပိတ်ကားပေါ်မှာ ဆက်လက် ရှုစားကြပါကုန်။

ဂါမဏိ

ဒီမိုကရေစီနိုင်ငံတော် တခုရဲ့ အခြေခံ အုတ်မြစ်ဟာ လွတ်လပ်တဲ့သတင်းမီဒီယာ တည်ရှိတဲ့အပေါ်မှာ ရာခိုင်နှုန်း အတော် များများ အခြေပြုတယ်လို့ ဆိုပါတယ်။ ဒီအဆိုကို တင်ပြသူကတော့ World Editors Forum ကမ္ဘာ့အယ်ဒီတာများ အဖွဲ့ က ဥက္ကဋ္ဌဖြစ်သူ အဲရစ်ဘီရေးဂျား ဖြစ်ပါတယ်။ သတင်းမီဒီယာ မလွတ်လပ်သမျှ နိုင်ငံတခုအတွင်း ဒီမိုကရေစီအုတ်မြစ် ဟာ ခိုင်ခံ့ဖို့ ခက်ခဲကြောင်း သူကထောက်ပြထားပါတယ်။ ဒါနဲ့ ပတ်သက်လို့ မက္ကဆီကို နိုင်ငံမှာ လက်ရှိဖြစ်နေတဲ့ ကိစ္စရပ်တချို့ကို တင်ပြလိုပါတယ်။

မက္ကဆီကိုနိုင်ငံမှာ ဒီမိုကရေစီ နည်းကျ ရွေးကောက်ပွဲတွေ ရှိပါတယ်။ သမတဟာ ပြည်သူတွေရဲ့ မဲနဲ့သာ သမတ ဖြစ်ခွင့် ရှိပါတယ်။ ဒီမိုကရေစီနည်းကျ ရွေးကောက်ပွဲတွေ ရှိတယ်ဆိုပေမယ့် မက္ကဆီကိုနိုင်ငံဟာ မူးယစ်ဆေးဝါး ရောင်းဝယ်မှု ဖောက်ကားမှု ကနေတဆင့် ပေါ်ပေါက်လာတဲ့ အကြမ်းဖက်မှုတွေ များပြားလွန်းတာကြောင့် လုံခြုံမှုကင်းမဲ့တဲ့ နိုင်ငံတနိုင် ငံလို့ ဆိုနိုင်ပါတယ်။ မနှစ်တုန်းကဆိုရင် မူးယစ်ဆေးဝါးနဲ့ ပတ်သက်လို့ ရောင်းဝယ်တဲ့ ကိစ္စများကနေ အကြမ်းဖက် လူ သတ်မှုတွေ ဖြစ်ခဲ့တာမှာ လူပေါင်းနှစ်သောင်းကျော် လမ်းပေါ်မှာ ပစ်သစ်ခံခဲ့ရပါတယ်။ အဲဒီလို အကြမ်းဖက်မှုတွေ ကြောင့် သေဆုံးရသူတွေထဲမှာ သာမန် ပြည်သူတွေအပြင် သတင်းစာနယ်ဇင်းသမားများလည်း ပါဝင်နေတာကို တွေ့ရပါ တယ်။

မက္ကဆီကိုမှာ သတင်းမီဒီယာသမားတွေ ဘာကြောင့် အကြမ်းဖက်ခံရတာလဲ ဆိုတာကို ကြည့်လိုက်တဲ့အခါမှာ သူတို့ဟာ မူးယစ်ဆေးဝါးနဲ့ ပတ်သက်တဲ့ သတင်းတွေ၊ မူးယစ်ဆေးဝါးနဲ့ ပတ်သက်လို့ အစိုးရအာဏာပိုင်တွေနဲ့ ဂိုဏ်းတွေအကြား လာဘ်ပေးလာဘ်ယူ ကိစ္စတွေကို အများပြည်သူတွေသိအောင် ဖော်ထုတ်တင်ပြ ရေးသားတာကြောင့် အငြိုးနဲ့ အသတ် ခံရတယ်လို့ ဆိုနိုင်ပါတယ်။ မက္ကဆီကို သတင်းသမားတွေအနေနဲ့ အကြမ်းဖက်တိုက်ခိုက်ခံရခြင်း အသတ်ခံရခြင်းတွေ ရှိနေပေမယ့် မက္ကဆီကို သတင်းမီဒီယာ သမားများကတော့ ဆက်ပြီး ရဲရဲဝင့်ဝင့်နဲ့ သူတို့ပြည်သူတွေကို အမှန်အတိုင်းတင် ပြနေဆဲပါ။ ပြီးခဲ့တဲ့ နှစ်တနှစ်ထဲမှာဘဲ မက္ကဆီကို နိုင်ငံမှာ သတင်းသမား ၆၄ ဦးသတ်ဖြတ်ခံခဲ့ရပါတယ်။ ဒီလို သတင်း သမားတွေ အသတ်ခံခဲ့ရခြင်းရဲ့ လက်သယ်များကတော့ အာဏာကို အလွဲသုံးစား ပြုလုပ်နေတဲ့ အစိုးရအရာရှိတွေနဲ့ မာဖီး ယား လူဆိုးဂိုဏ်းတွေပဲ ဖြစ်ပါတယ်။

တခါ အာဖရိကတိုက်က အီရစ်ထရီးယားလို့ခေါ်တဲ့ နိုင်ငံမှာလည်း သတင်းသမားများကို အစိုးရအာဏာပိုင်တွေက လက် လွတ်စပါယ် ဖမ်းဆီးနှိပ်စက် သတ်ဖြတ်နေတယ်လို့ သိရပါတယ်။ အီရစ်ထရီးယားနိုင်ငံဟာ အီသီယိုပီးယားနိုင်ငံနဲ့ ကပ် လျှက် တည်ရှိပါတယ်။ လွန်ခဲ့တဲ့နှစ်က လွတ်လပ်သော ရွှေကလောင်ရှင်ဆုကိုရရှိခဲ့တဲ့ သတင်းသမား ဒါဝတ်အိုက်ဇက် ဟာ အီရစ်ထရီးယား နိုင်ငံသားဖြစ်သလို ဆွီဒင်နိုင်ငံသားလည်း ဖြစ်ပါတယ်။ သူဟာ အီရစ်ထရီးယားနိုင်ငံရဲ့ ပထမဆုံးလို့ ဆိုရမယ့် လွတ်လပ်တဲ့သတင်းစာကို တည်ထောင်ခဲ့သူများထဲက တဦးလည်း ဖြစ်ပါတယ်။ ဒါဝတ်အိုက်ဇက်ဟာ အီရစ် ထရီးယား အာဏာပိုင်များရဲ့ ဖမ်းဆီးခြင်းခံရပြီး ထောင်ထဲမှာ ထိန်းသိမ်းခံခဲ့ရပါတယ်။

နောက်ဆုံးမှာတော့ ဒါဝတ် အိုက်ဇက် ဟာ ထောင်အတွင်းကနေ ပျောက်ခြင်းမလှ ပျောက်ဆုံးသွားခဲ့ပါတယ်။ အများသူငါ ရဲ့ ထင်မြင်ယူဆချက်ကတော့ အာဏာပိုင်တွေက သူ့ကို သတ်ဖြတ်ပြီး အလောင်းကိုဖျောက်ဖျက်ပစ်လိုက်တယ်လို့ ခန့် မှန်းကြပါတယ်။ တရုတ်နိုင်ငံမှာတော့ လူမှုကွန်ယက် မီဒီယာလုပ်ငန်းတွေ ကြီးမားကျယ်ပြန့်လာတာနဲ့အမျှ အစိုးရရဲ့ ဆင် ဆာဖြတ်တောက်မှု နဲ့ ဝက်ဘ်ဆိုက်များကို ကန့်သတ်ပိတ်ပင်ခြင်းဟာ တဖြည်းဖြည်းနဲ့ များလာနေပါတယ်။ ပါကစ္စတန် နိုင်ငံမှာလည်း သတင်းသမားများဟာ ခြိမ်းခြောက်ခံရခြင်း၊ အကြမ်းဖက် တိုက်ခိုက်ခံရခြင်းတွေနဲ့ ရင်ဆိုင်နေရပါတယ်။ ဒီလိုဖြစ်ရပ်တွေကို သတင်းသမားတွေ ဘာကြောင့် ရင်ဆိုင်နေရတာလဲ။ အာဏာပိုင်တွေက သူတို့ရဲ့ မှားယွင်းမှု၊ ဖောက် ပြန်မှု၊ အလွဲသုံးစား လုပ်မှုတွေကို ပြည်သူတွေအကြား မပြန့်နှံ့စေခြင်တာကြောင့် သတင်းသမားများကို ခြိမ်းခြောက်ခြင်း၊ အကြမ်းဖက်ခြင်းနဲ့ နောက်ဆုံး သတ်ဖြတ်တဲ့အထိ ပြုမူလာကြတာ ဖြစ်ပါတယ်။

ဒီမိုကရေစီ သက်တန်းနုနယ်သေးတဲ့ တိုင်းပြည်တွေဖြစ်တဲ့ အရှေ့ဥရောပ နိုင်ငံတချို့နဲ့ အာဖရိကတိုက်က နိုင်ငံအချို့မှာ သတင်းသမားများနဲ့ ထုတ်ဝေသူတွေကိုယ်တိုင် သတင်းစာတွေ၊ စာစောင်တွေ၊ မဂ္ဂဇင်းတွေကို ပုံမနှိပ်ခင်မှာ ကိုယ့်ဟာကို ပြန်ပြီးဆင်ဆာ လုပ်ကြရပါတယ်။ ဘာကြောင့် ဒီလိုလုပ်ရသလဲဆိုတော့ အစိုးရအာဏာပိုင်တွေနဲ့ ပတ်သက်နေတဲ့ စီးပွား ရေးလုပ်ငန်းတွေ အကျိုးစီးပွားတွေကို ပြောင်ကျကျ ဝေဖန်ရေးသားလို့ မရတဲ့အတွက် ကိုယ့်ဟာကို ကြိုပြီး အန္တရာယ်ကို ရှောင်ရသလိုမျိုး လုပ်ရတဲ့အတွက် ဖြစ်ပါတယ်။

ကျနော်တို့ မြန်မာနိုင်ငံမှာကော သတင်းမီဒီယာလောကဟာ ဘယ်လောက် လွတ်လပ်လာပြီလဲဆိုတာ စူးစမ်းဖို့ လိုလာပါ တယ်။ မြန်မာပြည်မှာလည်း အခုအထိ စာစောင်တွေ ဂျာနယ်တွေဟာ ကိုယ့်ဟာကို ဆင်ဆာလုပ်နေရသေးတဲ့ အခြေအ နေကို ဖြတ်သန်းနေရဆဲပါ။ အစိုးရက သတင်းမီဒီယာနဲ့ ပတ်သက်ပြီး ဥပဒေတရပ် ထုတ်ပြန်ဖို့ ကြိုးပမ်းနေပါတယ်။ သ တင်းမီဒီယာအတွက် ဥပဒေသတ်သတ်ထုတ်ဖို့ လိုမလိုဆိုတာ ဝိုင်းဝန်းစဉ်းစားကြဖို့ လိုအပ်တယ်လို့ ပြောလိုပါတယ်။

မြန်မာနိုင်ငံမှာ အင်္ဂလိပ်ခေတ်ကစလို့ လက်ရှိတည်ရှိနေဆဲ ဥပဒေများဟာ အတော်လေး လုံလောက်နေတာမို့ မီဒီယာ ဥပဒေ ဆိုတာမျိုးကို သီးခြားထပ်မံ ပြဋ္ဌာန်းဖို့ မလိုအပ်ဘူးလို့ ကျွမ်းကျင်သူများနဲ့ ရှေ့မီနောက်မီ ဝါရင့် စာနယ်ဇင်းသမား များက ဆိုထားပါတယ်။ မီဒီယာက အမှားတင်ပြမိရင် ကျူးလွန်မိရင်၊ သူတပါးကို နစ်နာအောင် ဖော်ပြမိရင် တည်ဆဲ ဥပ ဒေတွေနဲ့ တရားစွဲနိုင်ပါတယ်။ မီဒီယာဥပဒေဆိုတာ သတ်သတ်မလိုပါဘူးလို့ ထပ်ပြောပါရစေ။

မကြာသေးခင် ဒီလ မေလဆန်းတုန်းက ရန်ကုန်မြို့မှာ ပြန်ကြားရေးဝန်ကြီးဌာနနဲ့ ယူနက်စ်ကိုတို့ ပူးပေါင်းပြီး သတင်း မီ ဒီယာနဲ့ ပတ်သက်တဲ့ အစည်းအဝေးကြီးတခု ကျင်းပခဲ့ပါတယ်။ အခြေအနေသစ်အတွင်းက စိန်ခေါ်မှုအသစ်များလို့ ခေါင်း စဉ်ပေးထားတဲ့ အစည်းအဝေးကြီး ဖြစ်ပါတယ်။ ပြန်ကြားရေး ဒုတိယဝန်ကြီးက သတင်းသမားတွေအနေနဲ့ လွတ်လပ်စွာ မတူကွဲပြားတဲ့ အမြင်တွေကို တင်ပြခွင့် ရှိရမယ်လို့ ပြောကြားပါတယ်။ အဲသလိုပြောတော့ ဝမ်းသာရတော့လားပေါ့လေ။ သို့သော်လည်း မိန့်ခွန်းရဲ့ အပိတ်မှာတော့ ရေးတာတော့ရေး ဒါပေမယ့် တိုင်းပြည်စည်းလုံး ညီညွှတ်ရေးနဲ့ အမျိုးသား အ ကျိုးစီးပွားကိုတော့ မထိခိုက်စေရဘူးလို့ ဆိုပြန်ပါတယ်။ သတင်းမီဒီယာ လွတ်လပ်မှုကို ဖွင့်ပေးသယောင်ယောင်နဲ့ ပြန် ကန့်သတ်ထားတဲ့ သဘောမျိုး သက်ရောက်နေတာ မြင်ရပါတယ်။

အရင်အစိုးရလက်ထက်က ပြောပြောနေတဲ့ တိုင်းရင်းသား စည်းလုံးညီညွှတ်ရေး မပြိုကွဲရေးဆိုတဲ့ ဆောင်ပုဒ်ကို မျက်စေ့ ထဲ ပြန်တောင်မြင်လာမိတယ်။ ပြိုကွဲအောင်လုပ်တဲ့သူ အရေးယူမယ်ဆိုတဲ့ သဘောပါပဲ။ Freedom of expression လွတ်လပ်စွာအမြင်တွေကိုဖော်ထုတ်ခွင့်ဆိုတဲ့ အယူအဆဟာ ရာစုနှစ်ပေါင်းများစွာကထဲက အသိအမှတ်ပြုလာခဲ့ကြတာ ဖြစ်ပါတယ်။ လွတ်လပ်စွာအမြင်တွေကို ဖော်ထုတ်ခွင့်ဆိုတာ လွတ်လပ်စွာ ဝေဖန်ခွင့် ဆိုတဲ့ သဘောနဲ့ အတူတူပါပဲ။ လွတ်လပ်စွာ ဝေဖန်ခွင့်ကို တင်ပြခဲ့လို့၊ ဝေဖန်ခွင့်ကို အယူအဆကို မြှင့်တင်ခဲ့လို့ ဂရိ အတွေးအခေါ်ပညာရှင်တဦးဖြစ်တဲ့ ဆိုကရေးတီးကို အာဏာပိုင်တွေက ၃၉၉ ဘီစီမှာ အဆိပ်သောက်ပြီး ကိုယ့်ဟာကို စီရင်ဖို့ ဖိအားပေးခဲ့ဖူးပါတယ်။ ဒါဟာ လွန်ခဲ့တဲ့ နှစ်ပေါင်း ၂၄ဝဝ နီးပါးက ဖြစ်ခဲ့တဲ့ အဖြစ်အပျက် တခုပါ။ ဆိုကရေးတီးရဲ့ ခွဲခြမ်းစိတ်ဖြာအမြင်နဲ့ ဝေဖန်မှုတွေ ဟာ အေသင်မြို့တော်က လူငယ်တွေရဲ့ စိတ်ဓာတ်တွေကို ပျက်ပြားစေတယ်လို့ အာဏာပိုင်တွေက စွပ်စွဲခဲ့တာလည်း ဖြစ် ပါတယ်။

၁၉ ရာစုတုန်းက မန္တလေးနေပြည်တော်မှာ ရတနာပုံသတင်းစာ တည်ထောင်တော့မယ်ဆိုတော့ မင်းတုန်းမင်းကြီးက သ တင်းစာသမားတွေကို လွတ်လပ်ခွင့်ပေးပါတယ်။ ငါမကောင်းရင် ငါ့ကိုရေး၊ ငါ့မိဖုရား မကောင်းရင် မိဖုရားကိုရေး၊ မင်း သား မင်းသမီးတွေ မကောင်းတာလုပ်ရင်လည်းရေး၊ နန်းတော်ထဲကို တံခါးမရှိ ဓားမရှိဝင်စေ ထွက်စေဆိုပြီး မိန့်ကြားခဲ့ဖူး ပါတယ်။ ဆိုလိုတာကတော့ သက်ဦးဆံပိုင် ပဒေသရာဇ် ဘုရင်တပါး လက်ထက်မှာတောင် ဆင်ဆာဖြတ်တာတောက် တာ မရှိခဲ့ဘူးဆိုတာ ထောက်ပြလိုရင်း ဖြစ်ပါတယ်။ အခုနေပြည်တော်က အစိုးရက ဒီမိုကရေစီထွန်းကားအောင် ဆောင် ရွက်မယ်လို့ ပြောထားပါတယ်။ တဆက်ထဲမှာလဲ သတင်းမီဒီယာ လွတ်လပ်ခွင့်ပေးဖို့ကိစ္စကို ဘာကြောင့် နှောင့်နှေးနေရ တာလဲ။

ဒီမိုကရေစီ၊ ဒီမိုကရေစီလို့ ပြောနေတဲ့ ၂၁ ရာစုခေတ် မြန်မာအစိုးရဟာ ၁၉ ရာစုက မြန်မာ ပဒေသရာဇ်ဘုရင် တပါး လောက်တောင်မှ လွတ်လပ်တဲ့ သတင်းမီဒီယာကို လက်ကမ်းကြိုဆိုဖို့ အခုအထိတောင် အဆင်သင့် မဖြစ်သေးဖူးလား လို့ မေးလိုပါတယ်။ ရဲရင့်သော မြန်နိုင်ငံသား သတင်းမီယာသမားများ ပိုမိုများပြား ပေါ်ပေါက်လာပါစေဗျာ။

ဇော်မင်း
၁၃ ရက်၊ မေလ၊ ၂ဝ၁၂ ခုနှစ်

ရွက်မွန်မှ …

နိဒါန်း

၁၉၉၉ ခုနှစ်မှာ ယူကေနိုင်ငံ နိုင်ငံတကာဖွံ့ဖြိုးတိုးတက်ရေး ၀န်ကြီးဌာနက ထုတ်ဝေတဲ့ အစီရင်ခံစာထဲမှာ လူသားတ ယောက် ရှင်သန်ရပ်တည်မှုအတွက် Human Capital, Social Capital, Natural Capital, Physical Capital နဲ့ Financial Capital စပြီး အရင်းအနှီး (၅) မျိုး လိုအပ်ကြောင်း ရေးသားဖော်ပြထားပါတယ်။ ဒီအရင်းအနှီးတွေ တိုးပွားလာ ဖို့အတွက် ပညာရေးဟာ ပဓာနကျပါတယ်။ ပညာရေးကြောင့် စွမ်းရည်၊ ဗဟုသုတနဲ့ အလုပ်အကိုင်အခွင့်အလမ်းတွေ တိုးပွားလာပြီး Human Capital ကို တိုးတက်စေပါတယ်။Human Capital တိုးတက်လာခြင်းဖြင့် လူ့ဘ၀ ရှင်သန်ရပ် တည်ရေးအတွက် အခြားအရင်းအနှီးများကိုပါ အကောင်းဆုံး အသုံးပြုနိုင်စွမ်း တိုးမြင့်လာစေပြီး ဆင်းရဲနွမ်းပါးမှုကို လျှော့ ချပေးနိုင်ပါတယ်။

ပညာရေးနှင့် ဖွံ့ဖြိုးတိုးတက်ရေး

ပညာရေးအဆင့် မြင့်မားမှုနဲ့ စီးပွားရေးဖွံ့ဖြိုးတိုးတက်ရေးဟာ ဆက်စပ်နေပါတယ်။ သို့ပေမယ့် ပညာရေးအဆင့် မြင့်မား လာတဲ့အတွက် စီးပွားရေးဖွံ့ဖြိုးတိုးတက်လာတာလား၊ စီးပွားရေး ဖွံ့ဖြိုးလာတဲ့အတွက် ပညာရေးအဆင့် မြင့်မားလာတာ လားဆိုတာနဲ့ ပတ်သက်ပြီးတော့ ပညာရှင်တွေက ဆွေးနွေးငြင်းခုန်နေကြဆဲပါပဲ။ Human Capital Theory ကို ကိုင်စွဲ ထားသူများကတော့ ပညာရေးဟာ ထုတ်လုပ်မှု မြင့်မားရေးအတွက် လိုအပ်တဲ့ စွမ်းရည်တွေကို ဖန်တီးပေးနိုင်ကြောင်း၊ ပညာရေးကဏ္ဍမှာ ရင်းနှီးမြှုပ်နှံမှုဟာ ကုန်ကျစရိတ်များတယ်ဆိုပေမယ့်၊ အကျိုးကျေးဇူးဖြစ်ထွန်းမှုတွေ အမြောက်အမြား ရှိလာနိုင်ကြောင်း ထောက်ပြရေးသားကြပါတယ်။

ကမ္ဘာတ၀ှမ်းမှာရှိတဲ့ လူ့အဖွဲ့အစည်းတော်တော်များများမှာ လုပ်ခလစာနဲ့ ပညာရေးအဆင့်တွေက တိုက်ရိုက်ဆက်နွယ်မှု ရှိတယ်လို့ ပညာရှင်များက လေ့လာတွေ့ရှိထားကြပါတယ်။ အလုပ်ရှင် တော်တော်များများက ကျွမ်းကျင်မှုနဲ့ ထုတ်လုပ် မှုအဆင့်မြင့်မားရေးအတွက် လုပ်သားများရဲ့ ပညာရေး အဆင့်မြင့်မားမှုကို သွင်ပြင်လက္ခဏာတရပ် တိုင်းတာသတ်မှတ် လေ့ရှိကြပါတယ်။ နောက်တချက် ကတော့ ပညာရည်မြင့်မားမှုဟာ ဘ၀ကို စတင်တည်ဆောက်ချိန်မှာတင် အကျိုးပြု တာမဟုတ်ဘဲ၊ ဘ၀အနာဂတ် တည်ငြိမ်သာယာရေးကိုပါ ဖြစ်ထွန်းနိုင်စေပါတယ်။

လူအများက ဒီလိုဆက်စပ်မှုတွေကို လက်ခံထားကြပေမယ့် Human Capital Theory ကို ဝေဖန်ကြတဲ့ ‘Corresponde nce Theorists’ (Bowles, Gintis စသူတွေ) ကတော့ ပညာရေးကို အလုပ်ရှင်တွေ တန်ဖိုးထားတာက cognitive skills တွေကြောင့် မဟုတ်ဘဲ၊ ပညာရေးအဆင့်ကွဲပြားမှုပေါ်မူတည်ပြီး အလုပ်တာဝန်ခွဲမှုဆိုင်ရာ occupational hierarchy ကို သတ်မှတ်နိုင်တဲ့ non-cognitive traits တွေကြောင့်လို့ သုံးသပ်ကြပါတယ်။ ဒါကြောင့် ပညာရေးဟာ လူ့အဖွဲ့အစည်းအတွင်းမှာ social hierarchies ပုံသဏ္ဌာန်သစ်တွေ ထပ်မံတည်ဆောက်လိုက်တာဖြစ်တယ်လို့ သူတို့က ယူဆပါတယ်။ ‘screening’ theoristsဖြစ်တဲ့ Wiles, Whitehead စသူတွေကတော့ ပညာရေးဟာ ရွေးချယ်မှုဖြစ်စဉ်လို့ သုံးသပ်ကြပါတယ်။ ကျောင်းသင်ပညာရေးဟာ ဉာဏ်ပညာမြင့်မားသူတွေကို ရွေးချယ်ပြီး၊ စွမ်းရည် မြင့်မားလာအောင် ရွေးချယ်လေ့ကျင့်ပေးခြင်းလို့ ယူဆကြပါတယ်။

ပညာရေးနှင့် ဆင်းရဲနွမ်းပါးမှု

Human Capital Theory နဲ့ Correspondence Theory ကို လက်ခံသူတွေ က ဆင်းရဲနွမ်းပါးမှုလျှော့ချရေးဆိုင်ရာ မူဝါဒ တွေကို သီးခြားရေးဆွဲ အကြံပြုထားကြပါတယ်။Human Capital Theorists တွေက ဆင်းရဲနွမ်းပါးမှု လျှော့ချရေးမူဝါဒ တွေထဲမှာ ဆင်းရဲနွမ်းပါးတဲ့ အိမ်ထောင်စုဝင်များရဲ့ ပညာရေးနဲ့ ကျွမ်းကျင်မှုအရည်အချင်းတွေ မြင့်မားလာရေးကို ထည့် သွင်းသင့်တယ်လို့ ယူဆကြပါတယ်။ ဒီလိုပြုလုပ်ခြင်းအားဖြင့် ရေရှည်မှာ မြို့ပြနဲ့ ကျေးလက်ဒေသ စီးပွားရေး အဆောက် အအုံကို အကျိုးကျေးဇူးသက်ရောက်စေနိုင်မယ်လို့ ဆိုကြပါတယ်။ Correspondence Theory ကို လက်ခံသူများကလဲ လုပ်ငန်းခွင်မှာရှိတဲ့ လုပ်သားများရဲ့ ပညာရေးနဲ့ စွမ်းရည်တွေ မြင့်မားလာအောင် ပြုလုပ်သင့်ကြောင်း အကြံပြုထားကြ ပါတယ်။

ပညာရေးကို ဆင်းရဲနွမ်းပါးမှုလျှော့ချရေးနည်းလမ်းတခုအဖြစ် သတ်မှတ်ထားတဲ့ Human Capital Theory သဘောတ ရားများကိုကမ္ဘာ့ဘဏ်ရဲ့ ဆင်းရဲနွမ်းပါးမှုလျှော့ချရေးဆိုင်ရာ ချဉ်းကပ်သဘောတရားများမှာ ထည့်သွင်းဖော်ပြထားပါ တယ်။ ဖွံ့ဖြိုးဆဲနိုင်ငံများရဲ့ ပညာရေးဖွံ့ဖြိုးတိုးတက်ရေးအတွက် ငွေကြေးနဲ့ အခြားအရင်းအမြစ်များစွာကို ကမ္ဘာ့ဘဏ်က ထောက်ပံ့ကူညီပေးခဲ့ပါတယ်။

ပညာရေးဖွံ့ဖြိုးတိုးတက်မှုကို အဓိက စိန်ခေါ်တဲ့ပြဿနာတရပ်ကတော့ equity မရှိတဲ့ ပြဿနာ တရပ်ပဲဖြစ်ပါတယ်။ ပညာရေးကဏ္ဍဖွံ့ဖြိုးတိုးတက်ရေးအတွက် မူဝါဒများ ရေးဆွဲရာမှာ လူ့အဖွဲ့အစည်း အတွင်းမှာ ရှိနေတဲ့ disadvantaged groups ထဲမှာ ရှိနေတဲ့ ဆင်းရဲနွမ်းပါးသူများ၊ စစ်ဘေးဒုက္ခသည်များ၊ လမ်းပေါ်ရောက်နေသော ကလေးသူငယ်များနဲ့ မိမိ တို့ဘာသာ ၀မ်းစာရှာဖွေ စားသောက်နေရသော ကလေးသူငယ်များ၊ အမျိုးသမီးများရဲ့ အရေးကို ထည့်သွင်းစဉ်းစားဖို့ လိုအပ်လှပါတယ်။

ကမ္ဘာ့ဘဏ်ရဲ့ လေ့လာချက်များအရ ပညာရေးနဲ့ ပတ်သက်တဲ့ နိုင်ငံတော် အသုံးစရိတ် တော်တော်များများဟာ တန်းတူ ညီမျှမှု မရှိပဲ ဖြစ်နေပြီး၊ ထူးချွန်ထက်မြက်လာဖို့ အလားအလာရှိတဲ့ ကျောင်းသား တော်တော်များများဟာ မိဘရဲ့ စီးပွား ရေးအဆင်မပြေမှု၊ အခွင့်အလမ်းနည်းပါးမှု၊ လုံလောက်သော သတင်းအချက်အလက်များ မရရှိမှု စတဲ့ အကြောင်းတရား တွေကြောင့် တိုးတက်မှုတွေ နှောင့်နှေးနေကြရကြောင်း လေ့လာတွေ့ရှိခဲ့ကြပါတယ်။ ဒါကြောင့် ဆင်းရဲနွမ်းပါးမှုလျှော့ချ ရေးအတွက် ပညာရေး ကဏ္ဍမှာ ရင်းနှီးမြှုပ်နှံမှုတွေ ပြုလုပ်ဖို့ လိုအပ်ကြောင်း ပညာရှင်များက ထောက်ပြပြောဆိုခဲ့ကြပြီး ဆင်းရဲနွမ်းပါးမှုလျှော့ချရေးကို ဦးတည်တဲ့ ပညာရေးဆိုင်ရာ မူဝါဒများနဲ့ framework များကိုလဲ ဖော်ထုတ်ခဲ့ကြပါတယ်။

Education decentralization

ဆင်းရဲနွမ်းပါးမှုလျှော့ချရေးကိုဦးတည်တဲ့ ပညာရေးဆိုင်ရာ framework များစွာအနက်Education decentralization ကို နိုင်ငံတော်တော်များများမှာ အသုံးပြုလာကြပါတယ်။Rondinelli (1981) ဆိုသူက decentralization ဆိုတာ စီမံကိန်း များရေးဆွဲခြင်း၊ ဆုံးဖြတ်ချက်များချမှတ်ခြင်းနဲ့ လုပ်ငန်းဆောင်တာများကို စီမံခန့်ခွဲခြင်းဆိုင်ရာ လုပ်ပိုင်ခွင့်တွေကို အစိုးရ အဆင့်ကနေ အဖွဲ့အစည်းအဆင့်၊ အေဂျင်စီ အဆင့်များကို တာဝန်ခွဲဝေပေးခြင်းလို့ အဓိပ္ပာယ်ဖွင့်ဆိုထားပါတယ်။ ဒီလို ပြုလုပ်ခြင်းအားဖြင့်decentralised state apparatus တခုရဲ့ လုပ်ပိုင်ခွင့်တွေ တိုးမြင့်လာပြီး၊ သက်ဆိုင်ရာဒေသအလိုက် လူ့အဖွဲ့အစည်းရဲ့ လိုအပ်ချက်တွေကို ပိုမိုဖြည့်ဆည်းပေးနိုင်တယ်လို့ သုံးသပ်ကြပါတယ်။

ဒီလိုလွှဲပြောင်းပေးနိုင်တဲ့ လုပ်ပိုင်ခွင့်ပါဝါတွေထဲမှာ နိုင်ငံရေးပါဝါ၊ အုပ်ချုပ်ရေးပါဝါနဲ့ ဘဏ္ဍာရေး စီမံခန့်ခွဲမှုပါဝါတွေ ပါဝင် နိုင်ပါတယ်။ Martinussen (1997) ဆိုသူကdecentralization အမျိုးအစားလေးမျိုး ခွဲခြားဖော်ပြခဲ့ပါတယ်။ ပထမအမျိုး အစားကတော့ အုပ်ချုပ်ရေးနဲ့ စီမံခန့်ခွဲရေးဆိုင်ရာ လုပ်ငန်းတာဝန်တွေကို ၀န်ကြီးဌာန တခုချင်းစီအလိုက် ဒေသဆိုင်ရာ ယူနစ်တွေကို တာဝန်လွှဲပေးတဲ့ Deconcentration အမျိုးအစား ဖြစ်ပါတယ်။ ဒုတိယအမျိုးအစားကတော့ semiautonomous government agencies တွေကို သက်ဆိုင်ရာကဏ္ဍအလိုက် ရင်းနှီးမြှုပ်နှံမှုနဲ့ လုပ်ငန်းဖော်ဆောင်မှု တာဝန်များ ခွဲဝေလွှဲပြောင်းပေးတဲ့ Delegation အမျိုးအစား ဖြစ်ပါတယ်။ တတိယအမျိုးအစားကတော့ လုပ်ပိုင်ခွင့်နဲ့ တာ ၀န်တွေကို ဒေသဆိုင်ရာ အစိုးရတွေကို လွှဲပြောင်းပေးထားတဲ့Devolution အမျိုးအစား ဖြစ်ပါတယ်။ စတုတ္ထအမျိုးအစား ကတော့ လုပ်ငန်းတာဝန်အချို့ကိုPrivatisation လုပ်ခြင်းပဲ ဖြစ်ပါတယ်။

ဒီလိုတွေ လုပ်ခြင်းအားဖြင့် decentralization ဟာ လူ့အဖွဲ့အစည်းရဲ့ ဖြစ်တည်မှုသဏ္ဌာန် (structures) နဲ့ ဖြစ်စဉ် (processes) တွေကို အသွင်ပြောင်းပေးနိုင်ပါတယ်။ လူ့အဖွဲ့အစည်းရဲ့ ဖြစ်တည်မှုသဏ္ဌာန်ကို ဆင်းရဲနွမ်းပါးသူများအား ကိုယ်စားပြုသော ဖြစ်တည်မှုသဏ္ဌာန်များ တည်ဆောက်ခြင်း၊ ဒေသတဦးချင်းစီရဲ့ လိုအပ်ချက်ကို ကူညီဖြည့်ဆည်းပေး နိုင်သော အဖွဲ့အစည်းများ ပေါ်ထွန်းလာခြင်း၊ privatisation ရဲ့ အကျိုးကျေးဇူးဖြစ်တဲ့ ဈေးကွက်ယှဉ်ပြိုင်မှုကြောင့် လုပ် ငန်းများကို ထိထိရောက်ရောက် အကောင်အထည် ဖော်ဆောင်နိုင်လာခြင်း စတာတွေနဲ့ အသွင်ပြောင်းနိုင်ပါတယ်။

ဖြစ်စဉ်တွေကိုတော့ ဆင်းရဲနွမ်းပါးမှုလျှော့ချရေး မူဝါဒများချမှတ်ရာမှာ ဒေသဆိုင်ရာ သတင်းအချက်အလက်များ ထည့် သွင်းအသုံးပြုနိုင်ခြင်း၊ ဆင်းရဲနွမ်းပါးသူ များနဲ့ မူဝါဒ ချမှတ်သူများအကြား ဆက်သွယ်မှု တိုးမြင့်လာစေခြင်း၊ မူဝါဒများ ရေးဆွဲရာမှာ ပါဝင်မှုဖြစ်စဉ်များ (participatory processes) များ တိုးမြင့်လာစေခြင်း၊ တာဝန်ခံမှု(accountability) နှင့် ပွင့်လင်းမြင်သာမှု (transparency) များ ပိုမိုရှိလာခြင်း စတာတွေနဲ့ အသွင်ပြောင်းနိုင်ပါတယ်။

သို့ပေမယ့် decentralization ဟာ ဆင်းရဲနွမ်းပါးသူများဘက်မှ ချဉ်းကပ်ရပ်တည်ခြင်း (pro-poor approach) အနေနဲ့ တော့ သူ့ဘာသူအသွင်ပြောင်းသွားနိုင်ခြင်းမရှိပါဘူး။ ဒီလိုအသွင်ပြောင်းလာအောင် စနစ်တကျ စီမံချက်များ ရေးဆွဲပြီး၊ အကောင်အထည်ဖော်ဆောင်ဖို့ လိုအပ်ပါတယ်။ Education Decentralization နဲ့ သက်ဆိုင်တဲ့ pro-poor conditions တွေကို ပညာရှင်များက လေ့လာဖော်ထုတ်ခဲ့ကြရမှာ ဗဟိုနဲ့ ဒေသဆိုင်ရာ အဖွဲ့အစည်းများအကြားက ဆက် ဆံရေး (central-local relations) နဲ့local mechanisms များက အဓိကကျပါတယ်။

Central-local relations ဆိုရာမှာ ဗဟိုအစိုးရအနေနဲ့ ဆင်းရဲနွမ်းပါးမှုလျှော့ချရေးကို political commitment တခုအနေ နဲ့ သတ်မှတ်ပြီး၊ ဒေသဆိုင်ရာ အဖွဲ့အစည်းတွေနဲ့ ပရိုက်ဗိတ်အဖွဲ့အစည်းတွေကို လုပ်ပိုင်ခွင့်နဲ့ တာဝန်တွေ ခွဲဝေပြဋ္ဌာန်း ပေးဖို့ လိုအပ်ပါတယ်။ ဒီနေရာမှာ ဒေသဆိုင်ရာအဖွဲ့အစည်းတွေအနေနဲ့ ပြဋ္ဌာန်းခွင့်နဲ့ တာဝန်ခံမှုအကြားကို ချိန်ခွင်ညှိပြီး၊ စီမံချက်များ ချမှတ်လုပ်ဆောင်နိုင်တဲ့ ဘဏ္ဍာရေးအရင်းအမြစ် အသုံးချနိုင်ခွင့်ပါဝါ ရှိဖို့ လိုအပ်ပါတယ်။

ဗဟိုအစိုးရအနေနဲ့ အုပ်ချုပ်ရေးယူနစ်များအကြား ပူးပေါင်းညှိနှိုင်းဆောင်ရွက်ခြင်း၊ နိုင်ငံတော်က ချမှတ်ထားသော မူဝါဒ များနှင့် ကိုက်ညီခြင်း စတာတွေကို စောင့်ကြပ်ကြည့်ရှုပြီး လိုအပ်သော ထောက်ပံ့မှုများ ပြုလုပ်ပေးရမှာ ဖြစ်ပါတယ်။ ဘဏ္ဍာရေးအရင်းအမြစ် ခွဲဝေသုံးစွဲမှုဆိုင်ရာ မသမာမှုများနဲ့ ဒေသဆိုင်ရာ အဖွဲ့အစည်းများကို ပါဝါရှိတဲ့ ရေပေါ်ဆီလူတန်း စားများက စွက်ဖက်ချုပ်ကိုင်မှုများ ဖြစ်ပွားလာခြင်း မရှိအောင်လဲ ဗဟိုအစိုးရက စောင့်ကြပ်ကြည့်ရှု ထိန်းသိမ်း ရမှာဖြစ်ပါ တယ်။ နိုင်ငံတော်အနေနဲ့ privatization ကို အကောင်အထည်ဖော်ဆောင်ရာမှာလဲ အကျိုး အမြတ်ကိုပဲ ကြည့်တဲ့ လုပ် ငန်းများကို ဦးစားပေးခြင်း မဟုတ်ပဲ pro-poor approach လုပ်ငန်းများကို ဦးစားပေးဖို့ လိုအပ်ပါတယ်။

Local mechanisms တွေမှာတော့ ကိုယ်စားပြုဒီမိုကရေစီ (representative democracy)နဲ့ အခြား participatory democracy စနစ်ကို အကောင်အထည်ဖော်ပြီး၊ မူဝါဒချမှတ်မှုများနဲ့ တာဝန်ခံမှု၊ ပွင့်လင်းမြင်သာမှုတွေကို ဆင်းရဲနွမ်းပါး သူများကကိုယ်စားပြုနိုင်တဲ့ Voice mechanism ၊ ဒေသဆိုင်ရာနိုင်ငံရေးနဲ့ လှုပ်ရှားဆောင်ရွက်မှုများဆိုင်ရာ သတင်းအ ချက်အလက်များ ပံ့ပိုးပေးတဲ့ Information mechanism နဲ့ ဆင်းရဲနွမ်းပါးသူများမှ ပရိုက်ဗိတ်နဲ့ အရပ်ဘက် လူ့အဖွဲ့အ စည်းများရဲ့ ပံ့ပိုးကူညီမှုကို ယူဆောင်ခြင်းဆိုင်ရာ Exit mechanism များကို ဖော်ထုတ်ပေးဖို့ လိုပါတယ်။

နိဂုံး

ဘောဂဗေဒပညာရှင် Amartya Sen က ဆင်းရဲနွမ်းပါးမှုဆိုတာ လူ့အဖွဲ့အစည်းတခု ထိရောက်စွာ ရှင်သန်လည်ပတ်ရေး အတွက် စွမ်းရည် (capability) လျော့နည်းခြင်းလို့ ဆိုခဲ့ပါတယ်။ ဒီလိုစွမ်းရည် လျော့နည်းရခြင်းမှာ ပညာရေးကဏ္ဍ ဖွံ့ဖြိုး တိုးတက်မှုနှောင့်နှေးခြင်းကလဲ အရေးပါတဲ့ အကြောင်းတရား ဖြစ်တာကြောင့် ပညာရေးကဏ္ဍ ဖွံ့ဖြိုးတိုးတက်လာအောင် ၀ိုင်းဝန်းကြိုးပမ်းဆောင်ရွက်ခြင်းအားဖြင့် လူတဦးချင်းစီရဲ့human capital တိုးမြင့်လာပြီး၊ ဆင်းရဲနွမ်းပါးမှုကို လျှော့ချပေး နိုင်ပါကြောင်း ရေးသားတင်ပြအပ်ပါတယ်။

ခင်မမမျိုး (၁၂၊ ၅၊ ၂၀၁၂)

ရည်ညွှန်းကိုးကား

Crook, Richard C. & Alan Sturla Sverrisson (2001). “Decentralisation and poverty alleviation in developing countries: a comparative analysis or, isWest Bengalunique?” IDS Working Paper 130, Brighton:InstituteofDevelopmentStudies.

Gemmel, N. (1996). Evaluating the impacts of human capital stocks and accumulation on economic growth: some new evidence.OxfordBulletin of Economics and Statistics, 58(1), 9-28.

Hanushek, E. A., & Wößmann, L. (2007). The role of school improvement in economic development. NBER Working Paper 12832.Cambridge,Mass.: National Bureau of Economic Research.

Krueger, A., & Lindahl, M. (2001). Education for growth: Why and for whom? Journal of Economic Literature, 39, 1101-36.

Martinussen, John (1997) Society, State and Market: A Guide to Competing Theories of Development, chapter 15, Zed Books,London

Rondinelli, D.A. (1981) “Government Decentralization in Comparative Perspective: Theory and Practice in Developing Countries”, International Review of Administrative Sciences, Vol. 47: 22-42.

Sen, A. (2001). Development as freedom.Oxford:OxfordUniversityPress.

World Bank (2001) “Decentralisation and governance: does decentralisation improve public service delivery?” PREM notes, June 2001, Number 55

Download audio file (uwinpe_02-26-12.mp3)

တကယ်တော့ ကျန်းမာရေးဟာ လာဘ်ကြီးတပါးဆိုသလိုပဲ နိုင်ငံတော်ရဲ့ ကျန်းမာရေးကဏ္ဍ ဖွံ့ဖြိုးတိုးတက်မှုဟာ စီးပွား ရေးဖွံ့ဖြိုးတိုးတက်မှုကို ဖြစ်စေနိုင်သလို၊ စီးပွားရေးတိုးတက်မှုကနေတဆင့်လဲ ပိုမိုကောင်းမွန်တဲ့ ကျန်းမာရေးစောင့် ရှောက်မှုလုပ်ငန်းတွေကို အကောင်အထည်ဖော်နိုင်မှာဖြစ်လို့ ဒီအချက်နှစ်ချက်ဟာ တိုက်ရိုက်ဆက်စပ်နေတဲ့ အကြောင်း တရားနှစ်ခု ဖြစ်ပါတယ်။

အပြန်အလှန်အနေနဲ့ အမှီသဟဲ ပြုနေကြပါတယ်။ ကျန်းမာရေးကဏ္ဍမှာ ဆုတ်ယုတ်ပျက်စီးနေတဲ့ နိုင်ငံတနိုင်ငံရဲ့ စီးပွား ရေးကို ဘယ်လိုမှ တိုးတက်အောင် မလုပ်နိုင်သလို အကျိုးဆက်အဖြစ် ပိုမိုဆိုးဝါးတဲ့ ယိုယွင်းပျက်စီးမှုကိုသာ ဦးတည် သွားမှာ ဖြစ်ပါတယ်။

လူတဦးချင်းအနေနဲ့ ကြည့်မယ်ဆိုရင်လဲ ဝင်ငွေများပြားမှုဟာ အစားအစာပြည့်စုံမှု၊ နေအိမ် အဆောက်အအုံကောင်းမွန်မှု နဲ့ ရောဂါမဖြစ်ခင် ကြိုတင်တားဆီးနိုင်မှုအပါအဝင် preventive public health measures တွေကို ပိုမိုအကောင်အထည် ဖော်နိုင်မှာဖြစ်ပါတယ်။ အကျိုးဆက်အဖြစ် ကျန်းမာရေးနဲ့ ဓနဥစ္စာကြွယ်ဝမှု အပြင် အခြား third factors တွေ ဖြစ်တဲ့ education လို အခန်းကဏ္ဍတွေအပေါ်မှာလဲ များစွာသော အကျိုးသက်ရောက်မှု ရှိစေပါတယ်။

(၂ဝဝ၁) ခုနှစ်မှာ ပြည်သူ့ကျန်းမာရေးဆိုင်ရာ ဘောဂဗေဒပညာရှင် Bhargova ဆိုသူက ကျန်းမာရေး ကောင်းမွန်မှု၊ ဝင် ငွေများပြားမှုနဲ့ ဓနကြွယ်ဝတိုးတက်မှုတွေကြားက ဆက်စပ်နေတဲ့ အကြောင်းတရားတွေကို လေ့လာဖော်ထုတ်ခဲ့ပါတယ်။ သူ့ရဲ့တွေ့ရှိချက်တွေအရ ကျန်းမာသော လုပ်သားများဟာ တခြားလုပ်သားများထက်စာရင် ပိုမိုကောင်းမွန်သော လုပ်အား ကို ထုတ်လုပ်ပေးနိုင်ပါတယ်။ ဒီအတွက်ကြောင့် ကျန်းမာရေးနဲ့ ကလေးသူငယ်တွေရဲ့ အာဟာရပြည့်ဝရေးဆိုင်ရာတွေမှာ ရင်းနှီးမြှုပ်နှံမှု အများအပြား လုပ်ပေးရမယ်လို့ ဆိုထားပါတယ်။

ကျန်းမာရေးနဲ့ ဓနကြွယ်ဝမှုကြားက နောက်တခုဆက်နွယ်မှုကတော့ ပညာရေးပဲ ဖြစ်ပါတယ်။ ကျန်းမာတဲ့ ကလေးသူငယ် တွေဟာ ကျောင်းတက်မှန်တဲ့အတွက် cognitive development ဖြစ်လာပြီး၊ လူ့သက်တမ်းလဲ တက်တဲ့အတွက်ကြောင့် တိုင်းပြည်တပြည်ရဲ့ ဖွံ့ဖြိုးတိုးတက်ရေးကို များစွာအထောက်အကူ ပြုလာနိုင်ပါတယ်။

အရှင်းလင်းဆုံး အခြေအနေကို ဥပမာပေးရရင် အာရှအရှေ့ပိုင်းကို ပေးရပါလိမ့်မယ်။ ၁၉၆ဝ ခုနှစ်က ဒီဒေသရဲ့ လူ့သက်တမ်းဟာ (၃၉)နှစ်ဖြစ်ပြီး၊ (၁၉၉ဝ) ခုနှစ်ကျတော့ (၆၇)နှစ်ကို တိုးသွားခဲ့ပါတယ်။ ဒီလိုပဲ လုပ်သားဦးရေ (အသက် ၁၅ နှစ်မှ ၆၄ နှစ်) အရေအတွက်နဲ့ မှီခိုလူဦးရေ (၁၅ နှစ်အောက်နှင့် အသက် ၆၅ ကျော်)ကြားက အချိုးဟာလဲ ၁.၃ ကနေ ၂.၁ ကို တိုးသွားခဲ့ပါတယ်။ ဒီလို Labor supply တက်လာမှုဟာ ထုတ်လုပ်မှုစွမ်းအားကိုလဲ တက်စေခဲ့ပါ တယ်။

ဒါ့အပြင် retirement saving ကလဲ လူ့သက်တမ်းမြင့်မားမှုနဲ့အတူ တက်လာခဲ့ပါတယ်။ အာရှအရှေ့ပိုင်းရဲ့ မယုံကြည်စ ရာကောင်းလောက်တဲ့ အရှိန်အဟုန်နဲ့ ဖွံ့ဖြိုးတိုးတက်မှုတွေမှာ ဒီလို factor inputs များက အဓိက နေရာကနေ ပါဝင်ခဲ့ တာပါ။

ကျန်းမာရေးကဏ္ဍရဲ့ ဓနကြွယ်ဝမှုအပေါ်မှာ သက်ရောက်နိုင်တဲ့ ဆက်စပ်မှုတွေကို အာဖရိကတိုက် HIV/AIDS ပြဿနာ နဲ့ ဥပမာပေးနိုင်ပါသေးတယ်။ (၁၉၆ဝ) ခုနှစ်မှာ အာဖရိကတိုက်ရဲ့ လူ့သက်တမ်းက ၄ဝ နှစ် ဖြစ်ပါတယ်။(၁၉၉ဝ)ခုနှစ်မှာ ၅ဝ ကို တိုးသွားခဲ့ပေမယ့် ၂ဝဝ၁ခုနှစ်လဲရောက်ရော (၄၆) နှစ်ကို ပြန်ကျသွားပါတယ်။ ဘာကြောင့်ပါလဲ။ အဖြေကရှင်းပါ တယ်။ HIV/AIDS ကြောင့်ပါ။ တကမ္ဘာလုံးကို ပျံ့နှံ့ခဲ့တဲ့ ရောဂါပိုး ဖြစ်ပေမယ့် ရောဂါကို လျစ်လျူရှုမှု၊ ကွန်ဒုံးသုံးစွဲမှုကို resist လုပ်မှု၊ ရောဂါပိုးကူးစက်ခံရသူများကို discriminate လုပ်မှုတွေအပြင် ကြီးစွာသော ဆေးကုသစရိတ်တွေ ထပ် လောင်းလိုက်တဲ့အခါ အာဖရိကတိုက်ဟာ ဒီရောဂါဆိုးရဲ့ တိုက်ခိုက်မှုကို ကြီးမားစွာ ခံလိုက်ရပါတော့တယ်။

ဒီရောဂါဆိုးရဲ့ စီးပွားရေးဆိုင်ရာ ဆိုးကျိုးသက်ရောက်မှုတွေကလဲ အရမ်းကြီးမားလှပါတယ်။ တခြားရောဂါတွေနဲ့ မတူတဲ့ အချက်က တခြားရောဂါအများအပြားက အသက်အရွယ်ကြီးသူများနဲ့ ကလေးသူငယ်များကိုသာ ပိုမိုထိခိုက်မှုရှိစေပြီး၊ ဒီရောဂါကျတော့ အလုပ်လုပ်နိုင်သူတွေကို ပိုမိုထိခိုက်စေတဲ့ အချက်ပါပဲ။ ပြီးတော့ ဒီရောဂါက စီးပွားရေးအဆောက်အအုံ တခုလုံးကို ထိခိုက်စေပါတယ်။

တခြားငှက်ဖျားရောဂါတို့လို ကျေးလက်ဒေသတွေကို ပိုမို ထိခိုက်စေတာမျိုး မဟုတ်ပါ။ ဒီအတွက်ကြောင့် ထုတ်လုပ်မှု စွမ်းအားတွေ ကျဆင်းလာတဲ့အပြင် saving rates တွေကလဲကျလာ၊ မိဘမဲ့ကလေးတွေကို စောင့်ရှောက်ရတဲ့ စရိတ်က လဲ ပိုမိုကြီးမားလာပါတယ်။ ဒီအချက်ဟာ တိုင်းပြည်တခုလုံးရဲ့ economic infrastructure ကို အကြီးအကျယ် ထိခိုက် လာစေပါတော့တယ်။

နောက်ဆုံးအာဖရိကနိုင်ငံအများစုဟာ palliative care နဲ့ opportunistic infections တွေကို ကုသမှု လုပ်ပေးနိုင်တဲ့ အ ဆင့်ပဲ ရှိပါတော့တယ်။Beninမှာဆိုရင် retroviral drug အတွက် ကုန်ကျစရိတ်ဟာ အရမ်းကြီးမားပြီး တနှစ်အတွက် ကုန်ကျစရိတ်ဟာ တနှစ်ဝင်ငွေထက် (၆) ဆ ကြီးမားပါတယ်။

အခုဖော်ပြတဲ့ ဥပမာလေးတွေကို ကြည့်ခြင်းအားဖြင့် ကျန်းမာရေးနဲ့ ဓနကြွယ်ဝမှု၊ ဝင်ငွေတိုးတက်မှု၊ တိုင်းပြည်ဖွံ့ဖြိုးတိုး တက်မှုတွေကြားက ဆက်စပ်မှုတွေကို တွေ့မြင်နိုင်ပါတယ်။ Human capital investment ဟာ စီးပွားရေးဖွံ့ဖြိုးမှုရဲ့ အ ရေးကြီးသော သော့ချက်ဖြစ်လာတဲ့ (၂၁) ရာစုကြီးမှာ လူ့စွမ်းအားအရင်းအမြစ် ဖွံ့ဖြိုးတိုးတက်ရေး (Human Resources Development) ရဲ့ အဓိကအချက်ကြီးနှစ်ခုဖြစ်တဲ့ ကျန်းမာရေးနဲ့ ပညာရေးကဏ္ဍ ဖွံ့ဖြိုးတိုးတက်မှုဟာ နိုင်ငံတိုင်း ဦးစား ပေးဆောင်ရွက်ရမယ့် ရည်မှန်းချက်များဖြစ်သင့်ပါကြောင်း ရေးသားလိုက်ရပါတယ်။

ခင်မမမျိုး (၂၃၊၁၁၊ ၂ဝဝ၇)

ရည်ညွှန်း။ ။

Bhargova, A., Jamisn, D.Y., Lau, J.L. andMurray, C.J.L. (2001) Modeling the effects of health on economic growth, Journal of Health Economics, 20, 423-440

World Health Organization, Commission on Macroeconomics & Health (2001) Macroeconomics & Health: Investing in Health for Economic Development,Geneva: WHO

Fox, M.P., Rosen, S., MacLeod, W.B., Wasunna, M., Bii, M, Foglia, G. and Simon, J.L. (2004) The impact of HIV/AIDS on labor productivity in Kenya, Tropical Medicine and International Health, 9(3), 318-324

Download audio file (uswanyi_02-05-12.mp3)

မွေးနေ့မင်္ဂလာ ရက်မြတ်ရတနာကို သုံးရက်တိုင်ကျင်းပမှာဖြစ်ပြီး ဧည့်ခံပွဲများ၊ အထူးတရားပွဲများဖြင့် ထူးခြားစွာကျင်းပ မှာဖြစ်ကြောင်း၊ သံဃာ့ပရိသတ် လူပရိသတ်အား တစ်နေ့တာ အာဟာရ ဆက်ကပ်လှူဒါန်း ကျွေးမွေးဧည့်ခံခြင်းကို မေ လ ၈ ရက်နေ့မှ ၁၀ ရက်နေ့ထိ သုံးရက်တိုင်တိုင် ကျင်းပမှာဖြစ်ကြောင်း၊ ၁၀ ရက်နေ့တွင် တိပိဋကဓရယောဆရာတော် ကိုယ်တိုင် ကြွရောက် ချီးမြှောက်မှာဖြစ်ကြောင်း သိရပါသည်။

အဆိုပါမွေးနေ့ပွဲသို့ မစိုးရိမ်တိုက်သစ် ဓမ္မသဟာယကျောင်း နာယကဆရာတော် ဘဒ္ဒန္တဝိစိတ္တာဘိဝံသ အရှင်ဝီရသူ (မစိုး ရိမ်) လည်း တက်ရောက်ခဲ့ကြောင်း၊ မွေးနေ့ပွဲ ဒုတိယနေ့နှင့် တတိယနေ့များတွင် အရှင်ဝီရသူ(မစိုးရိမ်) ဟောကြားသော အမျိုးသားရေး၊ နိုင်ငံရေး၊ သာသနာရေး၊ ဘာသာယဉ်ကျေးမှုနှင့် ပတ်သက်သည့် တရားတော် CD အချပ်နှစ်ထောင်ကို သက်တော်ရှည် ဝါဆိုဆရာတော်ဘုရားကြီးအား ပူဇော်သည့်အနေဖြင့် ကြွရောက်လာသည့် သံဃာ့ပရိသတ် လူပရိသတ် အား လှူဒါန်းမှာဖြစ်ကြောင်း သိရပါသည်။

သက်တော်ရှည် ဝါဆိုဆရာတော်ဘုရားကြီးသည် အရှင်ဝီရသူတို့ အကျဉ်းကျနေစဉ် အရှင်ဝီရသူနှင့် အရှင်ဝီရသူ၏ ဆရာ ဦးဇနိတာဘိဝံသတို့ အဖွဲ့သားအားလုံး လွတ်မြောက်ရာ လွတ်မြောက်ကြောင်း အမြဲတမ်းကြိုးပမ်းအားထုတ်ခဲ့သူဖြစ် ကြောင်း၊ ထောင်ထဲထိကြွရောက်ပြီး တရားဟောခြင်း၊ သြဝါဒပေးခြင်း၊ အားပေးခြင်း၊ ထောက်ပံ့ခြင်း၊ ထောင်အာဏာပိုင် များထံ အပ်နှံခြင်းများ ပြုလုပ်ကာ လွန်စွာဂရုစိုက်သူဖြစ်ကြောင်း ထောင်သို့ကြွ၍ တရားဟောစဉ် အရှင်ဝီရသူတို့ ဆရာ တပည့်ကို မကြည့်ရက်၍ မျက်ရည်ဖြိုင်ဖြိုင်ကျကာ စကားမပြောနိုင်တော့သည့်အထိ ခံစားခဲ့ရဖူးသူဖြစ်ကြောင်း၊ ဆရာ တော်ကြီး မျက်ရည်ကျပုံကို တွေ့မြင်ရသော ဝန်ထမ်းများနှင့် အကျဉ်းသားအားလုံး စိတ်ထိခိုက်ကြရကြောင်း “သာသနာ ပိုင်လည်း သာသနာကို မပိုင်တော့ပါဘူးကွာ”ဟူသော ဆရာတော်ကြီးစကားနှင့် “သာသနာပိုင်ကျသည့် မျက်ရည်” ဟူ သော ဆောင်းပါးတို့ လွန်စွာထင်ရှားခဲ့ကြောင်းလည်း သိရပါသည်။

[၂၀၁၀ ပြည့်နှစ်၊ ဇန်နဝါရီလမှာ လူထု၊ ကြီးပွားရေး ပုံနှိပ်တိုက်မှ ပထမအကြိမ် လူထုဦးလှ နှစ်တရာပြည့် အထိမ်းအမှတ် ပုံနှိပ် ထုတ်ဝေလိုက်တဲ့ လူထုဒေါ်အမာ ရေးသားတဲ့ 'ကျွန်မရေးတဲ့ သူ့ဘဝ လူထုဦးလှ' စာအုပ်မှ 'တည်ဆဲဥပဒေကို ရိုသေလေးစား လိုက်နာရာမှာ အလွန်တိကျ ခဲ့တဲ့ လူထုဦးလှ တသက်မှာ အဖမ်းအဆီး (၅) ကြိမ် ခံခဲ့ရပုံကို' ထုတ်ဖော် တင်ပြထားတဲ့ "အဖမ်းအဆီး" အခန်းကို ပြန်လည် ကူးယူ ဖော်ပြလိုက်တာ ဖြစ်ပါတယ်။]

ဦးလှ တသက်မှာ အဖမ်းအဆီး (၅) ခါတောင် ခံရဖူးပါတယ်။ ဒါပေမဲ့ တခါမှ အပြစ်ပေးခံရလို့ ထောင်ကျရတာ မရှိပါဘူး။ (၄) ခါက နိုင်ငံရေး မင်္ကာမှု ပုဒ်မ (၅) လိုဟာမျိုးနဲ့ ဖမ်းတာပါ။ တကြိမ်ကတော့ သတင်းစာမှာ ဖော်ပြတဲ့ သတင်းတပုဒ် မှားယွင်းတယ် ဆိုပြီး တိုက်ကို ချိတ်ပိတ်၊ လူကိုဖမ်းပြီး တရားစွဲဆိုတာ ခံရပါတယ်။ အဲဒီအမှုနဲ့ အပြစ်ပေးဖို့ အကြာကြီး လုံးပမ်းပါတယ်။ အောက်ရုံးက ထောင် (၉) လ ချပါတယ်။ တရားလွှတ်တော်မှာ အယူခံနိုင်ပါတယ်။

ဖမ်းသမျှတွေထဲမှာ ဗြိတိသျှ အစိုးရ ဖမ်းဆီးတုန်းက ဆင်းရဲအခံရဆုံး၊ ဖဆပလ အစိုးရ တခါဖမ်းတုန်းက ထောင်ထဲမှာ အကြာဆုံး နေခဲ့ရပါတယ်။

ဦးလှက အဲဒီ စတုတ္ထအကြိမ် ထောင်သက်ကို ‘ဂျပန် တခေတ်စာလောက်’ သူခံရတယ်လို့ ပြောတတ်လှတယ်။ ကိုညိုမြ ကတော့ သူ အဖမ်းခံရတုန်းက ထောင်သက်က သူ့အသက်ထဲက လှီးဖြတ် အယူခံရတဲ့ နှစ်တွေတဲ့။

ဦးလှ (၅) ခါ အဖမ်းခံရတဲ့ အနက်က (၂) ကြိမ် ဖမ်းတာက ကျမ အိမ်မှာ မရှိခိုက်ချည်းပါ။

ဗြိတိသျှ အစိုးရ ပထမအကြိမ် လာဖမ်းတာကို ခံရစဉ်ကတော့ တခါမှ အဖမ်းမခံရဖူးသေးတာလည်း တကြောင်း၊ မျှော် လင့် မထားတာလည်း တကြောင်းကြောင့်ထင်ရဲ့၊ ရယ်စရာကောင်းပုံက ကျမဆိုတာ အူကြောင်ကြောင်နဲ့ ကိုယ့် ယောကျာ်း ဖမ်းသွားတာကို ဖမ်းသွားတာမှန်း မသိလိုက်ဘူး။

ဂျပန်ခေတ်တုန်းက ကျမတို့ ကပိုင်မှာ နေကြတော့ ကျမတို့နေတဲ့ ကပိုင် တောင်ငူစုက ဘုန်းကြီးကျောင်းထဲကို ဝန်ကြီး သခင်သန်းထွန်းတို့၊ ဗိုလ်ချုပ်ဗထူးတို့ မကြာမကြာ လာပါတယ်။ သူတို့ ဘာလုပ်ဖို့လာတယ် ဆိုတာ ဦးလှက ကျမကို ပြောမပြဘူး။ ကွန်မြူနစ် ပါတီက ရဲဘော်မလေး ၃-၄ ယောက် ကျမတို့ ဆီလာနေတော့လည်း ကျမက ချက်ပြုတ် ကျွေး နေတာပဲ။ သူတို့ နေချင်သလောက် နေကြပေါ့လေ။

ဒါနဲ့ပဲ ကျမတို့ အညာမှာ ဗိုလ်မှူးဗထူး ဦးဆောင်တဲ့ တပ်တွေက ဂျပန် ဖက်ဆစ်ကို တော်လှန်ကြပြီး၊ တိုက်ပွဲတွေ ဖြစ်နေ ပြီ။ ဂျပန်တွေ အရေးမလှဘဲ စစ်တွေ ဆုတ်ပေးနေပါပြီ။ မဟာမိတ်တပ်တွေက ဝင်လာပြီး။ ဒါကြောင့် ဂျပန်တပ်တွေ လက် က မန္တလေးမြို့တောင် ကျသွားပြီ ဆိုတဲ့ အချိန်မျိုးမှာ ဗြိတိသျှ စစ်ဗိုလ်တယောက် ဂျစ်ကား တစီးနဲ့ ကျမတို့နေတဲ့ ကပိုင် တောင်ငူစု ကျောင်းထဲကို ဝင်လာပြီး ဦးလှကို မေးတယ်။ တွေ့တယ်။ သူတို့နှစ်ယောက် စကား ပြောကြတယ်။ ဘာပြော မှန်း ကျမ မသိလိုက်ဘူး။ နောက်ဦးလှက အိပ်ရာ လိပ်ခိုင်းတယ်။ အဝတ်အထည်ကလေး နည်းနည်း ထည့်ခိုင်းတယ်။ စစ်ဗိုလ်လာခေါ်လို့ ငါလိုက်သွားရဦးမယ် ပြောပြီး လိုက်သွားတယ်။

စစ်ဦး ဘီးလူးမှာ ဦးလူဖေဝင်းတို့တောင် ပါလာတယ်။ ဦးလူဖေဝင်းက ပြည်သူ့ ဆက်ဆံရေး အရာရှိ အဖြစ်နဲ့ ဆိုသလိုလို၊ ရှေ့တန်း စစ်မျက်နှာ အတွက် ဝါဒဖြန့်ချိဖို့ ဆိုသလိုလိုမို့ ဦးလှလည်း ဒီလိုမျိုး စကားပြန် လမ်းပြ လုပ်ခိုင်းရအောင် လာ ခေါ်သွားတာတဲ့လို့ ဘယ်သူက ပြောမှန်းမသိ ပြောသံ ကျမ ကြားပါတယ်။ ဒါနဲ့ ကျမက ဪသာ် … ဦးလူဖေဝင်းတို့နဲ့ လိုက်သွားရတာ နေမှာပဲ။ ခုလောက်ဆို ကျောက်ဆည်ဆီလောက် ရောက်နေမလား၊ ငါ့ယောကျာ်း မိတ္တီလာလောက် ရောက်ရင် ပြန်လာမှာ ထင်ပါရဲ့ ဆိုတာမျိုးနဲ့ သူပြန်အလာကို မျှော်နေတာပါ။ နောက်ရက်တွေ အကြာကြီး ရှိတော့မှာ ဦးလှကို စစ်တွင်းက ဂျပန်နဲ့ ပေါင်းတယ်။ ဂျပန် စာအုပ်တွေ ဘာသာပြန်တယ်၊ အာရှလူငယ်တွေ ဘာတွေ လုပ်ခဲ့တယ် ဆိုပြီး အင်္ဂလိပ်စစ်တပ်က ဖမ်းသွားတာတဲ့။ ကျားမင်းကြီး စစ်အချုပ်မှာ ရောက်နေပြီးနောက် ပုဂံ စစ်အချုပ်မှာ ရောက်နေ ပြီလို့ ကြားရတယ်။

ကျမဆိုတာ ကလေး နှစ်ယောက်နဲ့ အူကြောင်ကြောင် ကျန်ရစ်တယ်လေ။ ဦးလှ တသက်မှာ (၅) ကြိမ် (၅) ခါ အဖမ်းခံရ တယ်။ ဗြိတိသျှ စစ်ဘက်က ဖမ်းတာဟာ ပထမဆုံး အကြိမ် အဖမ်းခံရခြင်းပဲ။

အိမ်မှာ သူမရှိတုန်း ကပိုင် ဘုန်းကြီးကျောင်းနားမှာ ကျောက်ကြီးရောဂါတွေ ဖြစ်လာတော့ ကလေး (၂) ယောက်နဲ့ နေလို့ မဖြစ်ဖူး။ သူများတွေလည်း မြို့ထဲ ပြန်ဝင်ကုန်ကြပြီ။ မြို့ပြန်ပြောင်းကြစို့ရဲ့ ဆိုပြီး ကျမတို့ တမိသားစုလုံး မန္တလေးကို ပြန် ပြောင်းခဲ့ကြတယ်။ စစ်ကြီးအတွင်းမှာ ကျမ၊ ကျမ မိသားစုနဲ့ သားချင်းဆွေမျိုးတွေ အားလုံး တစုတဝေးတည်း စစ်ပြေး ပြေးကြတာပါ။ အဲဒီအချိန်က ကျမမှာ မပေါ့မပါး ဖိုးသံချောင်း ကိုယ်ဝန်နဲ့ပေါ့။

မန္တလေးကို ရောက်တော့မှ ဦးလှကို ခေါ်သွားတာဟာ ဖမ်းသွားတာ။ F.S.S. လို့ ခေါ်တဲ့ Field Security Service စစ်မြေ ပြင် လုံခြုံရေး အဖွဲ့က လာဖမ်းတာလို့ သိရတယ်လေ။

မန္တလေးမှာ ကျမတို့ မိဘများ၊ ကျမတို့ အဒေါ်များ ဘကြီးများမှာ ကိုယ်ပိုင် နေအိမ်တွေ ရှိပါတယ်။ သူများကို ငှားစားတဲ့ နေအိမ် တိုက်တာတွေလည်း ရှိပါတယ်။ နို့ပေမယ့် တလုံးမှ မကျန်ပါဘူး။ အားလုံး စစ်မီးလောင်လို့၊ ဗုံးကျလို့ ပျက်စီးကုန် ကြတာပါ။ အဲဒီတော့ ကျောက်ရောဂါကို ကြောက်ပြီး ကမန်ကတန်း ပြောင်းပြေးလာကြပေမယ့် နေစရာအိမ် မရှိပါဘူး။ (၈၄) လမ်း ကွမ်းခြံရပ်မှာ ကျမတို့ မိတ်ဆွေ ဦးဘဦးတို့ တိုက်က မီးမလောင်ဘဲ အကောင်းအတိုင်း ကျန်နေပါတယ်။ ဦး ဘဦးတို့က ဘယ်ပြေးကြတယ် မဆိုနိုင်ဘူး။ ပြန်မလာကြသေးဘူး။ အမေတို့ အဖေတို့ သားအမိ သားအဖ တတွေရယ်။ ကျမ အစ်မ ဒေါ်ဦးတို့ ဦးထွန်းချွန်တို့ လင်မယားရယ်၊ ကျမ အဒေါ်များရယ်၊ ကျမတို့ သားအမိ သုံးယောက်ရယ်ပေါ့။ အဲဒီ အချိန်မှာ၊ မန္တလေး ပြန်ရောက်တော့လည်း ဦးလှက လွတ်မလာသေးဘူး။ သတင်းတွေကတော့ အမျိုးမျိုး ကြားနေရတာ ပဲ။ အဲဒီအချိန်မှာ ကျမ ခဲအို ကိုထွန်းချွန်က “နင့်ယောကျာ်းကို ငါ လိုက်ခေါ်ချေမယ်။ ငါ့ကို ၄-၅ဝဝဝိ/- ပေးလိုက်၊ ပိုက်ဆံ ပေးတဲ့လူ လွတ်သတဲ့” လို့ သူက ပြောပါတယ်။ ကျမက ကျမ ယောကျာ်း ဖမ်းတာဟာ နိုင်ငံရေးနဲ့ ဖမ်းတာပဲ ဖြစ်ရမယ်။ ပိုက်ဆံပေးလို့ လွတ်မှာ မဟုတ်ဘူး ဆိုပြီး ခဲအိုစကားကို နားမထောင်ဘူး။

တနေ့မှာတော့ အမေရိကန် တပ်ရဲ စစ်ထောက်လှမ်းရေးတပ် ဖြစ်တဲ့ Detachment 101 နဲ့ တွဲပြီး ဂျပန် တော်လှန်ရေး လုပ်နေကြတဲ့ ကျမတို့ ရဲဘော်တွေနဲ့ တွေ့ကြတော့ ဦးလှ လွတ်ရာလွတ်ကြောင်း အဲဒီအဖွဲ့ကနေပြီး လုပ်ရင်ရမလားလို့ ရဲဘော်တွေက အဖွဲ့ စခန်းချနေရာ ဗန်းမော်ကို လိုက်ခဲ့ပါလို့ ခေါ်လာပါတယ်။ ဖမ်းသွားတာ ၃-၄ လ ရှိပြီ။ မလွတ်သေး တော့ ကျမက ရဲဘော်တွေခေါ်ရာ ဗန်းမော်ကို လိုက်ချင်တာပေါ့။ အမေတို့ အဖေတို့ကို ပြောပြီး ပူဆာတော့ အမေတို့က ခွင့်ပြုရတယ်လေ။ အဲဒီတုန်းက ကျမ တယောက်တည်း ဖြစ်နေလို့ အစ်မ မမဦးက ကျမနဲ့ အဖော်လိုက်ပေးရှာတယ်။

စစ်က ပြီးသေးတာ မဟုတ်ဘူး။ ဗန်းမော် သွားရပုံက မန္တလေးကနေပြီး ကပိုင်ကို လှည်းနဲ့ သွားရပါတယ်။ တနာရီခွဲ လောက်မက ကြာတယ် ထင်ပါတယ်။ လေယာဉ်တွေက ကပိုင်နားမှာ ရှိတာမို့ပါ။ ကျမက ဖိုးသံချောင်း ကိုယ်ဝန်ကြီး (၅) လ – (၆) လနဲ့ မပေါ့မပါး။ ကပိုင်လေယာဉ်ကွင်း ရောက်တော့ စစ်လေယာဉ် ဒါကိုတာကြီး တစီးပေါ် တက်ကြရတယ်။ စစ်သုံး ပစ္စည်းသယ် ဒါကိုတာကြီး ဆိုတော့ ထိုင်ခုံလည်း မပါပါဘူး။ လေယာဉ်ထဲမှာ Ground Sheet တွေပဲ ခင်းထားတာ ပါ။ အဲဒီပေါ် ညီအစ်မ ထိုင်သွားကြတာပါ။ မှတ်တော့ သေသေချာချာ မမှတ်မိဘူး။ ကျမတို့နဲ့ အတူ ကသာဘက်က ရဲ ဘော်ကိုလှနဲ့ မွတ်စလင် 101 ကိုကျော်ဝင်းမောင်၊ ဗန်းမော် ကိုကိုကြီးတို့ ပါတယ် ထင်တယ်။ လေယာဉ်မူးလို့ အန်ချင် တော့ အမေရိကန် စစ်သား တယောက်က သွပ်ပုံးကြီး (၁) ပုံး ယူလာပြီး လူနား ချပေးထားပါတယ်။

လေယာဉ်က (၁) နာရီသာသာ စီးမိတော့ ဗန်းမော် ရောက်ကြပါလေရော။ လေယာဉ်က အဲဒီတုန်းကမှ စစီးဖူးတာပါ။ ဗန်းမော်ကိုလည်း အရင်က မရောက်ဖူးပါဘူး။ ကွင်းရောက်တော့ ဂျစ်တစီးနဲ့ ကုန်းမဟတ် ရွာဘက်ကို သွားရတယ်။ အဲဒီမှာ 101 က ရှိတာကိုး။ ဟိုရောက်တော့ ကျမတို့ မြန်မာရဲဘော်တွေက သူတို့ အမေရိကန်တွေကို ဘာပြောပေးတယ်။ ဟိုက ဘာပြန်ပြောတယ်တော့ မမှတ်မိဘူး။ ၄-၅ ရက် နေပြီးတော့ ကျမတို့ ပြန်လာခဲ့ကြတယ်။ ဦးလှကတော့ ပုဂံမှာ ရှိနေတယ်လေ။

ကျမတို့ ပြန်ခါနီးမှာ အမေရိကန်တပ်က ကျမတို့ မြန်မာရဲဘော်တွေကို သူတို့ လုပ်ပေးတာတွေ အတွက် လခ လစာ အ ဖြစ်နဲ့ ပိုက်ဆံတွေ ပေးသတဲ့။ ဒီပိုက်ဆံတွေကို ရဲဘော်တွေက ရကြောင်း လက်မှတ်ထိုးပြီး ယူကြရမယ်တဲ့။

ကျမတို့ ရဲဘော်တွေကလည်း ဒီတပ်ကို လာကူတာဟာ မြန်မာနိုင်ငံ ဂျပန်လက်က လွတ်မြောက်ရေးအတွက် အကူအညီ ပေးတာ။ အခကြေးငွေ လိုချင်လို့ လုပ်တာမဟုတ်ဘူး။ တိုင်းပြည်အတွက် လုပ်တဲ့ နိုင်ငံရေး။ ဒါကြောင့် လုပ်ခ လစာ မယူပါဘူးလို့ ပြောတယ်။ အမေရိကန်တွေကလည်း မဟုတ်ဘူး၊ အလကား လုပ်ပေးတယ် ဆိုတာ မရှိဘူး၊ ပိုက်ဆံ ယူရ မယ်တဲ့။ ရဲဘော်တွေကလည်း မယူဘူး။ နောက်ဆုံး အတိုက်အခံ အငြင်းအခုံ ဖြစ်ကြရာက သူတို့က နည်းနည်းလျှော့ ပေးပြီး တယောက်ကို တဆင့်ဖြစ်ဖြစ် လခ လုပ်ခ အနေနဲ့ ယူကြ၊ လက်မှတ်ထိုးကြလို့ ဆိုလို့ လက်မှတ်ထိုးပြီး သူတို့တပ် နဲ့ ရဲဘော်တွေနဲ့ ခွဲခဲ့ကြရပါတယ်။ အဲဒီကိစ္စတွေ ပြီးတော့ ကျမတို့ပါ ဗန်းမော်ကုန်းမဟတ်က လေယာဉ်တွေနဲ့ ပြန်ခဲ့ကြ ရော။

ပြန်ရောက်တော့ ဦးလှက မလွတ်သေးပါဘူး။ တခြားလူတွေတော့ တချို့ လွတ်လာကြပါပြီ။ ပိုက်ဆံပေးလို့ လွတ်တဲ့လူ တွေလည်း ပါတယ်လို့ ကြားရတာပဲ။ ဦးလှက တော်တော်ကြာမှ လွတ်ပါတယ်။

ဦးလှ အဖမ်းခံရတာ တသက်လုံးမှာ (၅) ကြိမ်ပါ။ ခုပထမဆုံး အကြိမ်ရယ်၊ မင်းမနိုင် ကိစ္စနဲ့ (၃) နှစ်နဲ့ (၄) လခန့် ဖမ်းထား တဲ့ အကြိမ်ရယ်၊ သူမဆုံးခင် ကျမရော သူရော သားအငယ်ဆုံးကောင် (ညီပုလေး) ရော အဖမ်းခံရတဲ့ နောက်ဆုံးအခါ ကိုပဲ သေသေချာချာ မှတ်မိနေပါတယ်။

ဦးလှ ဆိုတာလေ သူ့ကို (၅) ကြိမ် (၅) ခါသာ အဖမ်းခံရဖူးတယ် ငါ့ကို ဘယ်တုန်းက ဘယ်သူ ဖမ်းတုန်းက ငါဘယ်လို နေရတာကလားလို့ ဘယ်တော့မှ ပြောမပြလေဘူး။ သူ့စိတ်ထဲ သူခံစားခဲ့ရတဲ့ အနိဋ္ဌာရုံကို ပြန်ပြောမပြချင်လို့လား ကျမလည်း ဘာမှ တတ်နိုင်တာ မဟုတ်ဘဲနဲ့ အလကား စိတ်ဆင်းရဲနေမှာပေါ့လို့ ထင်လို့လား မပြောတတ်ဘူး၊ ဘာဆို ဘာမှ ပြန်မပြောဘူး။ ကျမသာ ဆိုရင် သူများကို မပြောဘူးထားပါ။ သူ့ကိုတော့ ပြောပြမိမှာပဲ။ သူကတော့ ဒါမျိုးမှာ အောင့်အည်းပြီး နေလည်း နေနိုင်တယ်။

သူနဲ့အတူ အဖမ်းခံရတဲ့လူ၊ သူနဲ့ ညီလိုအစ်ကိုလို ချစ်တဲ့ ရွှေပြည်က ဆန်စက်ပိုင် ဦးမူက ပြောပြမှ သူတို့ ဘယ်လို နေခဲ့ ထိုင်ခဲ့ရတယ် ဆိုတာ ကျမ နည်းနည်း ပြန်ကြားရပါတော့တယ်။

သူတို့ကို ပထမ စစ်ကိုင်းဘက်က ရွာသစ်ကြီးကို ခေါ်သွားတာတဲ့။ နောက် ကျားမင်းကြီး ရွှေ့ရတာတဲ့။ နောက် ပုဂံတဲ့။ အဲဒီအရပ်တွေကို ဗြိတိသျှတပ်က ခေါ်ခေါ်သွားတာတဲ့။ စစ်တိုက်ရင်း ဖမ်းချုပ်တဲ့ ပုံသဏ္ဌာန် ထင်ပါရဲ့။ ပြီးတော့ စစ်သုံ့ ပန်းတွေလိုပဲ ထားတာတဲ့။ ဦးမူက “သည်း ယောကျာ်းက ဘုန်ကြီးလိုဟာအေ့၊ ဘာမှ ဖန်းတီးတတ်တာ မဟုတ်ဘူး။ ငါနဲ့ သူရိယ ကိုသန်းမောင်နဲ့ ပုဂံမြို့ထဲ အမှိုက်ကျုံး ထွက်ရတော့ ငါက သူ့အတွက် ထန်းလျက်ကလေး ဘာလေး မြို့ထဲက တောင်းလာပြီး ကျွေးရတယ်” တဲ့။ သူ့တို့ အိမ်သာကျင်း တူးရသတဲ့။ ဦးမူက ပြောပြတာလေ။ ဦးလှကတော့ ဒီအကြောင်း တွေ တခွန်းတလေမှ မဟစဖူးပါဘူး။

အဲဒီ ဦးမူက ဦးလှကို ညီအရင်းလို ချစ်ပါတယ်။ ကျမတို့ မန္တလေးကို ကရင်ဝင်တော့ ကျမတို့ မိသားစုတွေ ဦးမူနေတဲ့ စိန် ပန်းက ခြံကြီးထဲမှာ သွားတိမ်းရှောင် နေကြရတယ်။ ဦးမူက စောင့်ရှောက်ရှာတယ်။ အစစ လိုလေသေးမရှိ။

ဒီဦးမူဟာ ဦးလှရဲ့ ‘ဇနီးနဲ့ သားသမီးများသို့ ထောင်တွင်းက ပေးစာများ’ စာအုပ်မှာ စာအမှတ် (၂ဝ) ကျမဆီကို ရေးတဲ့စာ မှာ ဖော်ပြထားတဲ့ ဦးမူပါပဲ။

သူ ထောင်ထဲမှာနေတုန်း ဦးမူ ဆုံးရှာလို့ နာရေးကြော်ငြာ သတင်း သတင်းစာမှာ သူဖတ်ရတော့ “ဦးမူ ဆုံးတဲ့အကြောင်း လည်း ဖတ်လိုက်ရတယ်။ ဒီအတွက် နည်းနည်းမှ စိတ်မကောင်းဘူး။ သင်္ခါရ တရားကြီး ဆိုတာ ဘယ်လိုမှ အစိုးမရ ကြောင်း အင်မတန် ထင်ရှားတာပဲ။ ဦးမူက သူ့ညီ ကိုလေးကြီး အရက်သောက်လွန်းလို့ အသက်တိုလိမ့်မယ်လို့ ပြောလေ့ ရှိတယ်။ အခုဖြင့် နေနိုင်သေးတဲ့ အရွယ်မှာ သူသေရှာပြီ။ လောကကြီး အကြောင်းတော့ လိုလေသေးမရှိ သိသွားတဲ့ သူ ပါပဲ။ ဪသာ် … ဦးမူ … ဦးမူ၊ တခြားတိုက်ပွဲတွေကို ပါးနပ်လိမ္မာတဲ့ နည်းအမျိုးမျိုးနဲ့ နိုင်အောင် တိုက်နိုင်လေ့ ရှိခဲ့ပေ မယ့် သေမင်းကိုတော့ နိုင်အောင် မတိုက်နိုင်ရှာဘဲကိုး …” လို့ ရေးလိုက်ပါတယ်။ ဦးမူအဖေ ဆုံးတယ် ဆိုလို့ ကျမတို့က အသုဘ သွားကြတယ်။ စိန်ပန်းခြံကြီးထဲမှာ ဦးမူက ခုတင်ကြီးပေါ်ကနေပြီး ကျမတို့ကို ဧည့်ခံနေတယ်။ အသုဘချတော့ ကျမတို့လည်း ထိုင်နေရာက ထပို့ကြရော။ အဲဒီအချိန်မှာ ဦးမူဟာ ဦးနှောက်သွေးကြောပြတ်ပြီး လဲသွားပါရော။ ဒါနဲ့ အသု ဘနောက် လိုက်ပို့လို့ ဝင်းပေါက် ရောက်နေပြီ ဖြစ်တဲ့ ကျမတို့က ဦးမူ ဆီကို ပြန်လာကြည့်ရတော့တာပေါ့။ သိပ်မကြာပါ ဘူး။ ကျမတို့ မျက်စိအောက်မှာပဲ ဦးမူက အသက်ကုန်သွားရှာရော။ ဖအေ့ အလောင်းတောင် သုသာန်ရောက်ဟန် မတူ ဘူး။ ဒီအဖြစ်တွေ ဦးလှကို စာရေးမပြောပါဘူး။ သူသာသိရင် ထောင်ထဲကနေပြီး ပိုပြီး စိတ်ထိခိုက် ရှာဦးမှာပါ။

လူထုဒေါ်အမာ

Ludu လူထုကြီးပွားရေး ဖေ့စ်ဘွခ်မှ ကူးယူတင်ဆက်သည်

မြို့လှမြို့၌ အရှင်ဝီရသူ တရားဟောခြင်းသည် ဒုတိယအကြိမ်ဖြစ်ပြီး၊ ၂၆ ဖေဖော်ဝါရီလ ၂၀၁၂ ရက်နေ့တွင် ပထမအ ကြိမ် ဟောကြားခဲ့ခြင်းဖြစ်ကြောင်း၊ ပထမအကြိမ်ဟောတရားဖြစ်သော “ဂလိုဘယ်လ် မျက်လုံး” တရားတော်သည် စာ ကြည့်တိုက်ထွန်း ကားရေး စာကြည့်တိုက်သာသနာပြု တရားတော်ဖြစ်ကြောင်း၊ ထိုတရားကြောင့် စာကြည့်တိုက်အသင်း ဝင်သူများ၊ စာ အုပ်ငှားသူများ၊ စာအုပ်လှူသူများ ပိုများလာကြောင်း နှစ်ပေါင်းသုံးဆယ်နီးပါး ခါးဆက်ပြတ်ခဲ့ရသော အ ထူးတရားပွဲကြီးများကိုလည်း ပြန်လည်ကျင်းပနိုင်ခဲ့ပြီဖြစ်ကြောင်း၊ မြို့လှပြည်သူများက ပြောကြား၍ သိရှိခဲ့ရပါသည်။

အဆိုပါတရားပွဲသို့ မြို့လှ NLD-ပါတီဝင်များ၊ သကြားစက်ရုံအရာရှိများ၊ ဝန်ထမ်းများနှင့် အများပြည်သူ တရားနာ ပရိ သတ်များ စည်ကားသိုက်မြိုက်စွာ နာယူကြကြောင်း သိရှိရပါသည်။

ခိုက်ရန်ပျိုးခဲ့၊ ရန်ငြှိုးဖွဲ့၊ ကျိုးမဲ့ပျက်စီးမည်။

ကြို့ပင်လည်းတုံး၊ ဝံလည်းဆုံး၊ အရှုံးတွေကိုယ်စီ။

သံဝရထုံး၊ ကိုယ်စီသုံး၊ အပြုံးဝေကြမည်။

မေတ္တာဝေမျှ၊ ညီညွတ်မှ၊ မုချငြိမ်းချမ်းမည်။

ကျနော် ကံမကောင်းစွာ
မိန်းမတယောက်ကို တွေ့ဖူးတယ်
အဲဒီ မိန်းမက ဆွဲအားပြင်းတယ်
အဲဒီ မိန်းမ ဘယ်လိုလဲဆိုရင်
လက်ပြတ်နေတဲ့ ဗီးနဗ်စ်ထက် ပြည့်စုံတယ်
မြောက်ကျွန်းသူထက် မြို့ဆန်တယ်
သူ့ကို မြင်လိုက်တဲ့ ယောက်ကျား
ဖျင်းကနဲ  ဖြစ်သွားစေရမယ်

နောက်ပြီး အဲဒီမိန်းမက
သရက်ဥယျာဉ်ထဲက အမ္ဗပါလီ လည်း မဟုတ်ဘူး
ပါရီမြို့က နာနာ လည်း မဟုတ်ဘူး
လေဒီချက်တလေ လို အလုပ်သမားတယောက်ထဲနဲ့လည်း မဟုတ်ဘူး
အဲဒီ မိန်းမက ပြည်ကြီးရဲ့ အဆင်တန်ဆာ
ပြည့်တန်ဆာလည်း မဟုတ်ဘူး

ဒါပေမယ့်
အဲဒီ မိန်းမရဲ့ ရင်သားပေါ်မှာ
ပရောဂျက် တစ်ဂျက်
အဲဒီ မိန်းမရဲ့ တင်ပါးပေါ်မှာ
အန်ဂျီအို တစ်အို
ချက်တွင်းနက်နက် ဗိုက်သားပေါ်မှာ
အမတ် တစ်မတ်
ပေါင်တန်ရှည်ရှည်ပေါ်မှာ
ခေါင်းဆောင် တစ်ဆောင်
လက်ကတီး ဂျိုင်းကြားမှာ
လူဖြူ တစ်ဖြူ
ဒူးခေါက်ကွေးမှာ
တိုင်းရင်းသား တစ်သား
မြီးညှောင့်ရိုးမှာ
စစ်ဗိုလ် တစ်ဗိုလ်

အဲဒီ မိန်းမကို ကျနော် အထင်မသေးပါဘူး
သူ့ရုပ် သူ့ရည် လှနေတာ အထင်သေးစရာမှ မဟုတ်တာ
ကျနော့် မိခင်နဲ့ မျိုးတူစု တစုထဲပဲဟာ
အဲဒီ မိန်းမမှာ နိုင်ငံမှ မရှိတဲ့ဟာ
အဲဒီ မိန်းမဟာ
မိန်းမပျက်မဟုတ်ပါဘူး
ယောက်ျားပျက်တွေနဲ့ ဆက်ဆံနေသူသာ ။           ။

နေနွယ်
၇ မေ ၂၀၁၂

လူနဲ့စက်ရုပ် ကွာပါတယ်။ စက်ရုပ်က ခိုင်းတာလုပ်တယ်။ တိတိကျကျကိုလုပ်တယ်၊ စက်ရုပ်ကို မီးပုံထဲခုန်ချဆို ခုန်ချမှာ ပဲ။ ဓါးခုတ်ရာလက်လျှိုဆို လျှိုမှပဲ။ လက်ညှိုထောင်ဆို ထောင်မှာပဲ။ ခေါင်းညိတ်ဆို ညိတ်မှာပဲ။

စက်ရုပ်ဟာ ခိုင်းတာပဲလုပ်မှာလေ၊ သူက စက်ပဲ၊ သူ့မှာ အဖေမရှိဘူး အမေမရှိဘူး၊ နိုင်ငံမရှိဘူး လူမျိုးမရှိဘူး၊ သံယော ဇဉ်မရှိဘူး၊ ကျေးဇူးမရှိဘူး၊ တရားတာ မတရားတာ မရှိဘူး၊ အသိဉာဏ်မရှိဘူး၊ အမှားအမှန်မရှိဘူး၊ ဥပဒေမရှိဘူး၊ စည်း ကမ်း မရှိဘူး၊ ကုသိုလ် အကုသိုလ် မရှိဘူး၊ သူငယ်ချင်းမရှိဘူး ညီအကိုမရှိဘူး။

လူကတော့ ကွာတယ်။ တော့်တော့်ကိုကွာတယ်။ လူမှာ ဆွေမျိုးရှိတယ်၊ နိုင်ငံရှိတယ်၊ ခံစားမှုရှိတယ်၊ သံယောဇာဉ်ရှိ တယ်။ စည်းကမ်းရှိတယ်၊ အသိဉာဏ်ရှိတယ်၊ ကုသိုလ် အကုသိုလ်ရှိတယ်။ ဒီမှာ မေးစရာ ဖြစ်လာတယ်။

လူတွေကို စက်ရုပ်တွေလို လုပ်ခိုင်းလို့ရပါသလား။ မရပါ၊ လုံးဝမရပါ။ တခုတော့ရှိတယ်။ လူတွေကို တိရစ္ဆာန်လို ခိုင်းလို့ တော့ရတယ်၊ ဦးနှောက်ကို ပုံမှန်မဟုတ်အောင်လုပ်ထားရင်ပေါ့။

ဒီတော့ အဲဒီလွှတ်တော်ထဲရောက်နေတဲ့ စစ်ဗိုလ်အမတ်တွေဟာ လူတွေလား။ စက်ရုပ်တွေလား။ လူစက်လား ဆို တာ၊ သူတို့ ဘယ်လိုနေတယ်၊ ထိုင်တယ်၊ တွေးတယ်၊ ခေါ်တယ်၊ ဘယ်လို ဆုံးဖြတ်ပြီး ဘယ်လိုအလုပ်လုပ်တယ်၊ ဘယ် လို ခံစားပြီး ဘယ်လိုအသိဉာဏ်ကို အသုံးချတယ်ဆိုတာ ကြည့်ပြီးမှ ပြောကြတာပေါ့။

(ဒီတခေါက် လွှတ်တော်မစခင်က အလဲခံလိုက်ရတဲ့ စစ်ဗိုလ်အမတ်တွေက လူဆိုတာတော့ သေချာသွားတယ်)

Hawdeka Aethae ဖေ့စ်ဘွခ်မှ …

၂၅.၄.၂၀၁၂ က ဖွဲ့စည်းခဲ့သော ရွှေလောင်းမြို့ ကျောင်းသားသမဂ္ဂ

၁.၅.၂၀၁၂ (အင်္ဂါနေ့ ) ည (၁၂း၁၀) အချိန်တွင် ကျုံမငေးမြို့ရဲစခန်းမှ ယာယီဂါတ်စာရေး နယ်ထိန်း အောင်နိုင်ဦးနှင့် ရဲ တပ်သားတဦးအပါအ၀င် ရပ်ကွက်အုပ်ချုပ်ရေးရုံးမှ ကင်းသမားများပါဝင်သောအဖွဲ့သည် ကျုံမငေးမြို့ ကျောင်းသားသမဂ္ဂ မှ တွဲဘက်အတွင်းရေးမှူး မအိအိအောင် (ပုသိမ်အဝေးသင်တက္ကသိုလ်)၏ နေအိမ်သို့ရောက်ရှိလာပြီး မအိအိအောင် မှတ်ပုံတင်အမှတ် မိဘများ၏ မှတ်ပုံတင်အမှတ်၊ အလုပ်အကိုင်၊ သန်းခေါင်စာရင်းအား လာရောက်မေးမြန်းယူဆောင် သွားခဲ့ကြသည်။ ကျုံမငေးမြို့ကျောင်းသားသမဂ္ဂအဖွဲ့ဝင် နေအိမ်များသို့ အလားတူ လာရောက်မေး မြန်းသည့်ဖြစ်စဉ်များ လည်း ရှိခဲ့သည်။

ထိုကိစ္စနှင့်ပတ် သက်၍ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ဗဟိုစည်းရုံးရေးကော်မတီမှ တွဲဘက်အ တွင်းရေးမှူး ကိုမင်းသွေးသစ် မှ ကျုံမငေးမြို့ ရဲစခန်း (ဖုန်းနံပါတ် ၀၄၂၆၅၃၂၀)သို့ ဆက်သွယ်မေးမြန်းခဲ့ရာ “တာဝန်မှူး မလာသေးလို့ မပြောကြားနိုင်ကြောင်း” ပြန်လည်ဖြေဆိုခဲ့သည်။ ထို့ပြင် ရွှေလောင်းမြို့ ကျောင်းသားသမဂ္ဂမှ ကျောင်း သား/သူများကိုလည်း မြို့နယ်အုပ်ချုပ်ရေးရုံးမှ ၀န်ထမ်းများနှင့် ရဲတပ်ဖွဲ့ဝင်များမှ သမဂ္ဂ၀င်များ၏ အမည်စာရင်းများကို တောင်းယူပြီး မည်သည့်ရည်ရွယ်ချက်ကြောင့် ဖွဲ့စည်းရခြင်းဖြစ်ကြောင်း ဖိအားပေး ဖြေဆိုခိုင်းခြင်း၊ မိဘများကိုလည်း ၎င်းတို့၏ သား/သမီးများကို သမဂ္ဂမှ နှုတ်ထွက်ခိုင်းရန် ခြိမ်းခြောက်ခြင်းများ ပြုလုပ်ခဲ့ကြသည်။

ရွှေလောင်းမြို့ ကျောင်းသားသမဂ္ဂ ဘဏ္ဍာရေးကော်မတီမှ ကိုစိုးပြည့်စုံ ၏ မိဘများကို ၎င်းမရှိခိုက် လာရောက်ပြီး ကိုစိုးပြည့်စုံ မှ ကျောင်းသားသမဂ္ဂ အလုပ်များကို ဆက်လက်လုပ်ဆောင်နေပါက မိဘများ၏အလုပ်များကိုပါ ထိခိုက်နိုင် ကြောင်း လာရောက်ပြောကြားခဲ့သည်။

မန္တလေးမြို့၊ မစိုးရိမ်တိုက်သစ်၊ ဓမ္မသဟာယကျောင်းနာယက၊ ဆရာတော်ဘဒ္ဒန္တဝိစိတ္တာဘိဝံသ- အရှင်ဝီရသူ(မစိုးရိမ်) သည် ၁၃၇၄-ခု ကဆုန်လပြည့်နေ့ 5.5.2012-ရက်နေ့တွင် မဟာအောင်မြေ ပေါင်းလဲတိုက် ဓမ္မဗိမာန်၌ကျင်းပသော “ယဉ်ကျေးလိမ္မာ ရင်သွေးရတနာ” (၁၅) သင်တန်းဆင်းပွဲသို့ ကြွရောက်ချီးမြောက်ခဲ့ကြောင်း သိရပါသည်။

အဆိုပါ အခမ်းအနားကို ၎င်းနေ့ မနက် (၉း၀၀) နာရီတွင် စတင်ကျင်းပခဲ့ပြီး အစီစဉ် ၉-ရပ်ဖြင့် ကျင်းပခဲ့ခြင်းဖြစ်ကြောင်း၊ ပေါင်းလဲတိုက် ပတ္တမြားရွှေရည်ကျောင်းဆရာတော် ဘဒ္ဒန္တဝိစာရအမှူးပြုသော ပင့်သံဃာများ၊ သင်တန်းနည်းပြ ကထိက ဆရာတော်များ၊ မိဘပြည်သူများ၊ ဧည့်သည်ပရိသတ်များ၊ စာနယ်ဇင်းသမားများ၊ NGO-အဖွဲ့အစည်းများ၊ သင်တန်းသူ/ သားများ စုံလင်စွာ တက်ရောက်ကြောင်း သိရပါသည်။ အခမ်းအနားမှူးအဖြစ် ဦးမောင်မောင်တင်က ဆောင်ရွက်ပြီး အ ခမ်းအနားကို နမောတဿ သုံးကြိမ် ရွတ်ဆိုဖွင့်လှစ်ကာ မဟာအောင်မြေ၊ ပေါင်းလဲတိုက်၊ တိုက်အုပ်ဆရာတော်-အနန္တ ဂုဏ်ရည်ကျောင်း သာသနဓဇဓမ္မာစရိယ ဘဒ္ဒန္တဇဝနမထေရ်က ငါးပါးသီလချီးမြှင့်တော်မူပြီး၊ ဆရာတော်အရှင်ဝီရသူက သြဝါဒကထာမြွက်ကြား ကြောင်း၊ သစ္စဝေဒဂူ မိုးကုတ်ဝိပဿနာရိပ်သာမှ ဆရာတော် ဘဒ္ဒန္တဝေရောစန မထေရ်က သင် တန်းဖွင့်လှစ်ရခြင်း ရည်ရွယ်ချက် များကို မိန့်ကြားခဲ့ကြောင်း သိရပါသည်။

အလှူရှင်တို့အား ဂုဏ်ပြုလွှာပေးအပ်ခြင်း၊ သင်တန်းသား/သူများအား ထူးချွန်ဆု၊ စာအောင်ဆု၊ နှစ်သိမ့်ဆုများ ချီးမြှင့် ခြင်း၊ ဝမ်းသာစကားပြောကြားခြင်း၊ ဓမ္မတေးများ သရုပ်ဖော်ကပြခြင်းများ ပြုလုပ်ဆောင်ရွက်ကြကာ ဗုဒ္ဓသာသနံ စိရံ တိဋ္ဌတု- သုံးကြိမ်ရွတ်ဆို၍ အောင်မြင်စွာ ရုပ်သိမ်းခဲ့ကြောင်း သိရပါသည်။

ယဉ်ကျေးမှုသင်တန်း ဦးစီးကျင်းပသူ ဆရာမကြီး ဒေါ်ကြင်ကြင်မြိုင်က ကျေးဇူးတင်စကားပြောကြားရာတွင်-

သစ္စဝေဒဂူဆရာတော်၊ အရှင်ဇဝန မေတ္တာရှင်ဆရာတော်၊ အရှင်ဝီရသူ(မစိုးရိမ်)ဆရာတော်တို့၏ မေတ္တာတရားကြောင့် ယခုလို အောင်မြင်စွာပြီးဆုံးခဲ့ခြင်းဖြစ်ကြောင်း၊ လွန်ခဲ့သည့် ငါးနှစ်ကျော်ကာလကတည်းက သင်တန်းဖွင့်ဖို့ ရည်ရွယ်ခဲ့ ကြောင်း၊ ထိုသို့ရည်ရွယ်ရခြင်းမှာ ဘုန်းဘုန်းဝီရသူ၏ သြဝါဒစကားကြောင့် ဖြစ်ကြောင်း၊ ဘာသာဖျက်၊ လူမျိုးဖျက်၊ သာ သနာဖျက် ဘာသာခြားများကို စက်ဆုပ်မိကြောင်း၊ လွန်ခဲ့သည့် ရှစ်နှစ်ကျော် ကိုးနှစ်ခန့်က ဘုန်းဘုန်းဦးဝီရသူကို လျှောက်ထားခဲ့ရာ ဘုန်းဘုန်းက “သူတို့ကို မုန်းရမှာ မဟုတ်ဘူး၊ မောင်းထုတ်ရမှာလည်း မဟုတ်ဘူး၊ လူမျိုးပေါင်းစုံ ဘာ သာပေါင်းစုံရှိမှ နိုင်ငံတစ်နိုင်ငံဟာ စံမီစာရင်းဝင်တာ၊ ဒါကြောင့် ကိုယ့်ခြံကိုယ် လုံအောင်ကာကွယ်စောင့်ရှောက်ရမယ်”ဟု မိန့်တော်မူကြောင်း၊ ခြံလုံအောင်ကာကွယ်သည့်အနေဖြင့် သင်တန်းကို ဖွင့်လှစ်ခြင်းဖြစ်ကြောင်း စိတ်အားတက်ကြွစွာ ပြောကြားသွားခဲ့ပါသည်။

အဆိုပါသင်တန်း၌ သင်တန်းသားကိုရင် ၁၂-ပါး၊ မောင်ယဉ်ကျေး ၁၅၈-ယောက်၊ မယ်ယဉ်ကျေး ၁၅၅-ယောက်၊ စုစု ပေါင်း ၃၂၅-ဦးအတွက် ကိရိယာအစုံအလင်ပါ ကွန်ပါဗူး-၃၂၅-ဗူး၊ သင်တန်းပို့ချသူ ယောဂီဆရာမ ၈-ယောက်အတွက် ယောဂီဝတ်စုံ ၈-စုံ၊ အုပ်ချုပ်ရေးသီလရှင်ဆရာကြီးနှစ်ပါးအတွက် သီလရှင်ဝတ်စုံ ၂-စုံ၊ အုပ်ချုပ်ရေးသံဃာ-၄ပါးအတွက် လှူရံ သင်္ဃန်းခြင်း ၄-ခုတို့ ဆရာတော်အရှင်ဝီရသူကိုယ်တိုင် ပေးအပ်လှူဒါန်းခဲ့ကြောင်း၊ စုစုပေါင်း တန်ဖိုးငွေမှာ ငွေကျပ် သုံးသိန်းခွဲခန့်ရှိကြောင်း သိရပါသည်။

သင်တန်းဆင်းပွဲ အခမ်းအနား ပြီးဆုံးသွားသော်လည်း သင်တန်းသူ/သားများနှင့် မိဘပြည်သူများမှာ အိမ်ပြန်သွားခြင်း မရှိသေးဘဲ ပေါင်းလဲတိုက်အတွင်းရှိ မဟာဗောဓိပင်မှာ ညောင်ရေသွန်းကုသိုလ်ယူကြကြောင်း၊ ကျောင်းသူ/သားလေး များသည် အချင်းချင်း ရေပက်တမ်းကစားကြသေးကြောင်း၊ ကျောင်းအုပ်ဆရာမကြီး ဒေါ်ကြင်ကြင်မြိုင်ကို ရှိခိုးကန်တော့ ကာ လိမ်လိမ်မာမာ နေထိုင်သွားမည်ဖြစ်ကြောင်း၊ နောက်နောင်လည်း သင်တန်းအဆင့်ဆင့်ကို တက်ရောက်သင်ယူသွား မည်ဖြစ်ကြောင်း၊ ကတိပြုကြပြီး ခွဲခွါခြင်း အထိမ်းအမှတ်အဖြစ် ဝမ်းနည်းပက်လက် ငိုကြွေးကြကြောင်း၊ ဆရာမကြီး ဒေါ် ကြင်ကြင်မြိုင်နှင့် နည်းပြအားလုံး မျက်ရည်မဆည်နိုင်ဘဲ ငိုကြွေးကြကြောင်း၊ ကဆုန်လပြည့်ဗုဒ္ဓနေ့မှာ ဆရာ/မများ သင် တန်းသူ/သားများ၏ ပီတိမျက်ရည်ဖြင့် ညောင်ရေသွန်းကာ ကုသိုလ်ယူကြသလို ဖြစ်ကြောင်းလည်း သိရပါသည်။